روايه صاحب الظل الطويل

البارت الثاني عشر

************************************

منصور: كملي غداك
جودي : الحمدلله عمي

ـــــــــــــــــــــــــــــــــ

في الجناح

جهاد : وش اللي ضحكك
يعني ناداني عشان يحاسبني على ضحكتي
كنت جالسه ومايله براسي على اليسار وشعري على وجهي

جهاد : تعرفين انتي الوحيده في هالبيت اللي تحتاجين تزورين هـالعياده
ابتسمت .. قلبها علي

جهاد : انتي فيك اعاقه كل ماشفتك راسك مايله كذا
كان ودي انفجر من الضحك بس احترمت حالي وسكت مو ناقصه كلام

قفل باب الجناح وحسيت بالخوف اكيد بيضربني الا ان شكله مو من النوع اللي يضرب بس هي ثلاث مرات مد يده علي واعتقد كانت لاسباب هو يحتفظ فيها وانا فهمت رسالته .. بس بردت اطرافي لما سمعت باب حجرته يتقفل .. استنشقت بعمق وارتحت

وقفت و رحت حجرتي و رميت حالي على الـ شزلون ومت ضحك عليه واتقلبت على ظهري وانا ميته ضحك عليه .. ما اعرف شكلي نرفزته وشكله بيحبسني هنا لاني نرفزته بس انصدمت لما فتح علي الباب شكله كان في الصاله وسمعني

جهاد : انتي هبلا ولا مجنونه ولا وشو تضحكين لحالك
اتقلبت على بطني وانا احاول اكتم ضحكتي .. بس جسمي يتحرك مع الضحك تعبت من الضحك وخذيت نفس طويل .. و رجعت ناظرت مكانه بس انصدمت هـذا من جده للحين واقف ولا راح و رجع ولا وش سالفته

جلست وانا اعدل ملابسي و رخيت راسي وانا اناظر من تحت شعري على رجوله وشفته تحرك وطررررررررراخ كزيت طلع حرته في الباب ضحكت .. ههههههههههه .. فتح الباب و رماني بمخده وسكر الباب بالقوه .. بس هـ المره ضحكت بصوت منخفض عشان ما يدخل و يرمني بشيء ثاني غير المخده .. والله بجد شر البليه ما يضحك

ـــــــــــــــــــــــــــــــــ

انتهيت من اعمالي على اذان العصر توضيت وانا راده حجرتي .. سمعت باب حمامه يتسكر .. دخلت بسرعه حجرتي لاجل ما يشوفني ..
صليت وطلعت من حجرتي بعد ما سمعت باب الجناح يتسكر بس وشو قفل علي .. وش يبي .. قهرني بجد

ـــــــــــــــــــــــــــــــــ

غزيل وهي تدخل الصاله الرئيسيه وتبوس راس موضي وتسلم على غزل وتجلس جنبها

غزيل : الا وينها جودي
غزل وهي تناظر امها وتهمس لـ غزيل : شكله افتن فيها على قولتك
غزيل بغباء : منهو
غزل : وش منهو انتي الثانيه يعني ولد الجيران
غزيل واللي ما استوعبت الموضوع : أي ولد الجيران
وبدء صوتهن يرتفع