روايه صاحب الظل الطويل

البارت الخامس عشر

************************************

وقفت على السلم وصرنا نمشي عليه بس انا احس اني مازلت مكتومه وبالقوه اصلب طولي .. بس رجلي اليسار جات على طرف الخشبه وزلقت وغزل مسكتني والحمدلله وقفت يعني حتى لو طحت هو سلمين بجوار بعض بطيح عليهم بس انجرحت من الخشب في ساقي
وصلنا ونزلنا وانا مستنده على غزل
غزل : شفيك
جودي : والله تعبانه مو قادره اسند طولي
دخلتني حجرة جهاد
جودي : اقول غزل وديني الصاله
غزل : اوكي
دخلنا الصاله بس سمعنا خشخشت مفاتييح

جودي : ادخلي هنا
دخلت غزل داري وانا ظليت واقفه مكاني
دخل جهاد وطاحت عيني في عينه تقدم مني وموضي ومزون والعنود خلفه وشفت غزل استغلت الفرصه وخرجت
بس في يدين اجبرتني اناظر صاحبها .. شفت نظرات اول مره اشوفها شفت خوف يختلف عن اللي قبله .. شعرت بالم في صدري

عيونه وساع وكحيله وخصله من شعره تلامس جفونه
أبكي على نفسي
حزن واسى
مشاعر افتعلتها ولا احس بها
تخنقني تعذبني اصرح بها
تحركي .. تمردي .. اخرجي
كوني بركانا ينزف دما
من دموعي .. وانيني .. واهاتي
من سنين عمري من حياتي
من حاضري .. وامسي .. وغدي
اغرس اظافري داخل اعماقي
كي انتزع ذاك النائم
كي انتشل ذاك البارد
كي اختنق ذاك الخائف
قلبا خاليا من الامال
روحا انهكته الاهوال
عبر عما بداخلك
اصرخ وردد اهاتك
ارحل في دروب العمر باناتك
لا تمل .. لا تكل .. لا تتعب
قد ياتي يوم من جديد
ويذوب ذاك الجليد
وتعود كما كنت في البعيد
نقيا .. بريئا كذاك الوليد

جهاد : وش صارلك اكلمك
جودي : هااا
كرهت عمري انا وش عملت في نفسي شلون تحركت مشاعري شلون اللتهبت على الجليد

جهاد : شفيك انتي اليوم
نزلت راسي وحاولت ابتعد : ولا شيء
بس مسكني : كلميني وش تونسين
جودي : ما ادري بس احس اني تعبانه
جلسني عـ الكنبه ودخل حجرته
الكل جلس
مزون : الحمدلله على سلامتك ماتشوفين شر
جودي : الله يسلمك والشر مايجيك
العنود : سلامات والله يعوضك بالذريه الصالحه
ودي اضحك : الله يسلمك
العنود : جودي وش هـ الدم اللي في بنطلونك
كنت لابسه بنطلون بيج فاتح وتيشيرت بني
نزلت راسي شوي و رفعت رجولي اليسار شوي وشفت دم على البطلون
جهاد : خذي هـ الحبه .. ناولني الحبه ومعاه كاس ماي
ونزل على الارض وجلس ركبه ونص
من شفت الحبه عرفتها هي نفسها حقت البارح

جودي : بس هذه تنومني
جهاد : معليه خذيه
خذيتها .. وهو رفع بنطلوني
جهاد : شلون تعورتي
ارتبكت .. وش اقول : طحت
جهاد : وين .. تفحص الجرح .. كان واضح ان سببه انزلاق رجولي بس على اعمق شوي
سحبت رجولي بحجة انه يوجعني

جهاد : شفيك
جودي : يالمني
جهاد : خليني اشوف هذا شكل فيه شيء عالق خليني انظفه عشان مايصدي
وقفت .. والله شكله بيكشفنا .. وش هـ الورطه ما طحت الا اليوم
وقف جهاد : على وين خليني اشوف الجرح
مزون : خليه الله يهديك هو شوي بيعورك
جودي : انزين بس بروح الحمام قبل
وصلني للحمام