************************************
الرجال : نادي على بناتك
منيره وهي تنسدح : تعال مره ثانيه وبعطيك اياهم خذهم ما ابي احد
جود : غيداء شكله طلع سمعت صوت الباب والحين صوت السياره
غيداء : ما ابي اطلع
جود : حبيبتي شفيك لازم تقوين نفسك
غيداء كانت مسدوحه على الارض : جود احس اني بموت
وقفتها جود ودخلتها تحت المروشه وهي حاضنتها : غيداء اهدي شوي اهدي خلاص زال الخطر شفت يحق لجودي تحمل كل هـ الكره لمنيره
حضنت غيداء جود وهي تبكي : تعبت رجولي مو قادرة تحملني
جود : اثبتي انا بطلع واتاكد وانتي خليك هنا
غيداء : لا بروح وياك اخاف اظل بروحي
جود : بس اخاف يكون موجود
غيداء : اجل خلينا هنا ليش نجازف
جود : اذن الفجر نطلع اعتقد انه راح لان راح ينفضح اذا ظل لين هـ الوقت
طلعت جود وغيداء كانت واقفه عند الباب
رجعت جود بعد ما زرفنت باب بيتهم بالزرفون وتاكدت ان محد في البيت غير منيره اللي كانت نايمه على الارض في الصاله وخذت غيداء وجلستها على الارض
جود : غيداء حبيبي ما في احد تعالي نبدل ملابسنا ونصلي وناخذ كل المفاتيح
صلوا جماعه وحضنت غيداء جود وهي تبكي
جود : خلاص صدقيني راح الخطر والحمدلله بالعكس عرفنا طريقنا اليوم وعرفنا شلون نتعامل مع منيره
ـــــــــــــــــــــــــــــــــ
في قزاز
كنت محتاره ما اعرف وش اختار يعني شيء رجالي .. واذا قلت لهم اني ما ابي بيشكون في السالفه فكنت مجبوره اني اخذ شيء رجالي .. وقلت خلاص بهديها لعمي منصور هو اللي يسحقها ..
العنود : خذيتي شيء
جودي : ما اعرف
العنود : تعالي انا اعرف ذوق جهاد
احترت وتكلمت : بس انا ابي اعاند جهاد واخذ الهديه لعمي منصور
العنود : ههههههههه والله مايعرف بنوايك
ضحكت لان جهاد من صحينا وهو متحمس ويقول انه بكره بيشخص بالقلم على باله اني بهديه اياه
شرينا الاغراض وكل شوي وحده يعجبها شيء وتاخذه
متعب : حنا وش اللي ورطنا وخليناكم تعلبون معنا
العنود : عاد نحبكم شفيكم قلبتوا علينا
جهاد : ايه كلي بعقله حلوه
متعب : شعليك روح لزوجتك خلها تاكل بعقلك هي بعد
جهاد : لا هي كلت عقلي
متعب والعنود : هههههههههه
ـــــــــــــــــــــــــــــــــ
في قسم العطور
عناد : اقول خلصتوا
غزيل : باقي شفيك
عناد : اللهم طولك ياروح
غزل : كانك يا ولد عمي متملل منا
عناد بتريقه : لا الشيخات خذو راحتكم
غزيل : خلاص مابقى شيء
عناد : هو انتم بقيتو شيء اصلا ما خذيتوه
غزيل : عناد حبيبي شفيك صاير مثل اخوك جهاد
خرجنا من المركز وكل وحده خذت جائزتها واكثر الا انا بس خذيت طقم القلم وهذي اول مره اشتري قلم بهذا السعر يعني لو ما العنود كانت معنا كان ما اخذته يعني طقم 6 الاف رفع ضغطي واصلا العنود هي اللي اختارته
أنت تقرأ
روايه صاحب الظل الطويل
Romanceروايه صاحب الظل الطويل / بقلم الكاتبه إيميلياأمل منقوله لستُ الكاتبة الأساسية ( أتمنى دعمي بالأصوات ، عشان أستمر و كمان انزل روايات جديدة كنت اقراها زمان )
