روايه صاحب الظل الطويل

البارت الثلاثون

************************************

ابتسم عناد : ههههه فضحتونا
مزون : ههههه خلاص انتهى العذاب
عناد : لا والله بدأ  انا وش يصبرني لين اخذها
الكل : هههههههه
كنت متوقعه انها توقف بس غريبه وش اللي مجلسها بس شفت انه ماسك يدها .. والله ماخذ راحته الاخ
جود : شوفيه ماسك يدها
جودي : ماخذ راحته
جود : بتذبحنا والله لو خليناها اكثر
شفنا نظرات تهديد من غيداء
ابتسمت : لا هي بتذبحك بروحك انا بروح وياهم
جود : اجل بدخل اطلعها الحبيب اكلها اكل

دخلت جود شوي ومدت يدها من بعيد شافتها غيداء وسحبت يدها و وقفت بس رجعت جلست وهي ماسكه شعرها شكله علق في شيء
خرجت جود وهي تضحك

تقدمت من غيداء لانها خلاص راح تنفجر اعرف غيداء لما تزعل وشفت شعرها عالق في الكبك هم الله يهديهم مع الربشه علقوه اكثر مسكت الكبك وفتحته وخرجت الشعر وسيده وقفنا و رحنا غرفة البنات وانا وجود ميتات ضحك وغيداء ساكته محترمه الضيوف اللي في البيت
جهاد : وش صار ضحكونا معاكم
طلعت لجهاد وانا ميته ضحك : شعرها ههههه .. وحذفت علي مخده وطحت في حضن جهاد وانا اضحك عليها
جود وهي من داخل الحجرة : جودي واللي يرحمك خلاص بتذبحني ولا اقول خبري عناد آآآآآآه ... عضتها غيداء .. خلاص والله توبه
جهاد : جودي ماصار هذا كله ضحك
خرجت جود وهي متغطيه : جهاد وصيها فيني والله .. وسكتت لانها شافت نظرات غيداء التهديده ..
جهاد : وش السالفه
جودي : علق شعرها في كبك عناد
وضحكنا انا وجود عليها مره ثاني
جود دخلت عند غيداء لانها انحرجت من جهاد
وجهاد يمسح على ظهري وهو يضحك : خلاص جودي والله البنيه انحرجت كافي اللي هي فيه
حركت راسي اللي على صدره باني مو قادره اسكت يمكن ظروفنا وحياتنا واللي نمر فيه له دور في ضحكنا الجنوني
هديت وانا احس بدوران رجولي مو قادره تشيلني اكثر تعلقت في جهاد وحملته ثقلي
جهاد : انتي صاحيه ولا وشو
تلكمت بهمس : والله دروخت من الضحك
العنود وهي تبتسم : خلاص مشينا
ابتعدت عن جهاد وانا منحرجه
جهاد : اوكي بس هو شافها زين
العنود : من اصابع رجولها لين منبت شعرها
رجعت اضحك : حتى اخذ تذكار من شعرها
الكل : ههههههههههههههههههههه
دخلت موضي ومزون الصاله عشان يسلمون على البنات
العنود : جهاد اطلع خلاص
طلع جهاد وطلعو البنات يسلمون على الضيوف
غيداء كانت في قمة احراجها وقمة توترها وقمة غضبها وقمة حيائها
كل شيء عندها توب

مزون وهي تبتسم لـ غيداء : صدقيني ممكن انتي الحين منحرجه بس بيجي لك اليوم وانتي اللي تسولفين عن الموضوع بطلاقه ولاااااا تتمنين ترجع الايام ويرجع الضحك وتقولين ليتني ضحكت معاهم بدال ما ازعل
جود : ايه علميها اخاف تاكلني
مزون : لا انتي أي شيء تسويه لك سجليه وانا بعطيه عناد ياخذ حقك منها
الكل : هههههههههه