روايه صاحب الظل الطويل

البارت الثالث

************************************

وهي تبكي : الله يخليك دوريلي وظيفه هنا في المستشفى يعني ابي اكون مثلك اوزع ورد للمرضى أي شيء الله يخليك مالي بيت ارد له بعد ما اخرج من هنا
كسرت خاطر العنود : إن شاءالله
وقفت العنود : توصين بشيء
جودي : لا شكرا
.. خرجت العنود وراحت لمكتب زوجها ..

دخلت وشافت ابوها وعمها وجهاد ينتظرونها
العنود راحت باست راس ابوها وعمها : صباح الحب على الحلوين
الكل : صباح الخير
جلست جنب زوجها

منصور : ها بشري شلون البنيه
العنود : لا ماشاءالله عليها وبصراحه انا كنت خايفه تكون مشوهه مثل ما خبرتوني بس بصراحه شكلها حلوة وهذا مبين رغم الكدمات الا انها جميله
متعب : هـا جهاد انا اثق في ذوق زوجتي
جهاد : والله تثق فيها خذها
العنود بعصبيه : لالالا حبيبي لا تقرب من زوجي ترا اذبحك و اذبحه وهي فوقكم
منصور وسعد ضحكو عليها

متعب : انا وش ذنبي هو اللي تكلم
العنود : تعوب شيل هالفكره من راسك
متعب : والله مافي راسي ولا فكره انتي بس اخوك لعب في راسك
منصور : يالله يا بنيتي كملي
العنود : ما راح اكمل وهذا هنا .. وهي تاشر على متعب
متعب وابوه : هههههههه
ابو متعب : عنودتي حياتي لو فكر بس فكرة مجرد فكرة بذبحه لك لا تخافين والله مايخذ غيرك دام راسي يشم الهواء
متعب : اوب اوب لا اقوم احسن لي قبل ما اموت
جهاد : لا لو قمت بقوم وياك وانتي بتسولفين سولفي والا لا تتشرطين

العنود عرفت ان جهاد معصب وهي تزوده : دخلت وكانت تاكل وقدمت لها الورد ومسكينه على بالها اني موزعة ورد .. وطلبت مني اني اتوسط لها واشغلها هنا .. بس صدق حزنتني لمن قالت انها لمن تطيب ما راح يكون لها مكان تروح له
منصور : ماخبرتيها عن جهاد

العنود خبرتهم كل اللي صار بالحرف الواحد بس تجنبت وصفها امام متعب .. لانها شديدة الغيره عليه .. وهي ماشاءالله حلوه وشعرها ناعم .. بس الغيره تذبحها .. ومتعب راضي بهالغيره

متعب : ههههههههههههههههههههه تقولين هندي
جهاد : شفتو تبون تزوجوني وحده متخلفة الله يقلعها
منصور وهو يخفي ابتسامته عشان ماينرفز ولده : يعني ترجعها بيت اهلها
جهاد : وليش انا اللي ارجعها
منصور : انت اللي شلتها وجبتها لهنا
جهاد : يبه انا خاطب اعطيها عناد
منصور : بس انت ترضى تاخذ وحده شفتها بين احضان ولد عمك
سكت جهاد

سعد : شوف يا وليدي تبي ترجعها رجعها وما عليك من ابوك .. بس قلبك يطاوعك انك توديها لمقصلتها .. انت شفت ابوها شلون ضربها لمن شافها معاك ثواني .. فما بالك وهي بايته يوم وليله خارج البيت وخرجت من بيت ابوها بصحبة سبع رياجيل .. انت اختك بتستقبلها؟
جهاد : بس انا اعرف اذا كانت البنت متعمدة ولا لا يعني لو دخلت غلط على صاحبي عادي بهزئها وبس مو اضربها كذا
سعد : هذه عقلية ابوها
جهاد : زين وش رايكم نروح له ونفهمه السالفه
سعد : انت على بالك فاتتنا هذي بس تخيل ابوها رضى قدامنا .. ولمن يستفرد فيها يقتلها
جهاد : لا ما راح يقتلها
سعد : بدليل انه ظن انك هندي و زوجها لك وانت تعرف عندنا لو ان الاجنبي يملك ملاين ما يبعون بناتهم . .فما بالك وهو ما يعرف حتى مستواك المادي
جهاد : خله يقتلها وانا مالي شغل فيها
الكل سكت وهذي حياته وهم اقنعوه