روايه صاحب الظل الطويل

‏البارت التاسع و العشرون

************************************

ناظرني وانا ابتسمت له كنت اكل ببطء
جهاد : اخلصي بسرعه ونزلي ثيابي
ابتسمت له : نزلتها وعلقتها على الشماعه
جهاد : انزين تعالي ابيك شوي
ابتسمت له : بس اخلص اكل واجي
جهاد : يعني لابسه من بدري
كنت حاطه مكياج وهل المره ثقلت يعني نفس الطريق بس الالوان اغمق استخدمت العودي وهذه اول مره استخدم اللوان غامقه احسها فتحتني
ابتسمت له : يعني اختي وفرحانه لها
جلس : ان شاءالله دوم
.. هذا شفيه جلس كنت اكل وهو يناظرني احرجني يعني عمي وخالتي موجودين ..
وقفت : الحمدلله
جهاد : اخيرا
منصور : شفيك تحسب لها اللقمه

مشينا بس انا رحت للصاله الرئيسيه
جهاد : على وين
جودي : بجلس هنا انتظركم لين تجهزون نفسكم
جهاد : لا عيوني ابيك فوق ابي اتفاهم معاك في موضوع مهم
جودي : ممكن اطلب طلب
جهاد : اطلبي ياعمري اطلبي لو تبين قلبي عطيتك اياه
.. عرفت انه يتمصخر بي ..
جلست : ممكن
.. وشفت العنود وهي داخله .. ابتسمت له : طيب اجلس وش اللي موقفك
جلس ومد يده على اكتافي ورفع رجوله فوق الكنبه وثناها وجلس عليها وصار يناظرني وانا اناظر العنود

العنود : السلام عليكم ورحمة الله شكلي خربت عليكم
جهاد وجودي : وعليكم السلام ورحمة الله وبركاته
جهاد بتريقه : لا ابد تفضلي
جلست العنود وهي تضحك : اقول جهاد عناد مطفش متعب ومتعب تملل منه وارسلني في هـ الظهر اشوف حظرتك اذا جهزت ولا لا
جهاد وهو يوقف : بجهز الحين
مد يده لي عشان اوقف وياه .. مسكت يده و وقفت
العنود : لا ما تاخذها اخاف عناد ينط علينا
جهاد : انا ابي اعرف هو يبي يتزوج ويرجني وياه
العنود : خلاص اشبكهم في بعض وبينساك
جهاد : بخليه يملك في اقرب فرصه والله لا ارجه راح اخليه يعجل الموضوع
.. كان يتكلم وانا اعتصر من الداخل لهالدرجه مو طايقني ويبي الفكه مني يعني مستعجل على الطلاق ..
طلعت وياه وانا محطمه
دخلت الجناح وجلست على اول كنبه
جلس جهاد جمبي : وش فيك
تكلمت ودموعي متحجره في عيوني : ممكن تبدل وننزل
جهاد : طيب ممكن نتفاهم
.. نزلت دموعي وحطيت يديني على اذني بمعني اني ما ابي اسمع صوتك ..
وقف ودخل غرفته وانا طلعت اخذت عباتي من غرفة البنات وحطيتها على ايدي
خرج وهو لابس ثوب ومتشخص بالشماغ والعقال
خرجنا ونزلنا من الدرج ولا احد فينا يكلم الثاني
وفي نص الدرج شفت العنود وهي تسولف مع البنات
ناظرتني غزل وكشرت وجهها
اشكالنا مبين اننا متضاربين

رسمت ابتسامه على شفايفي ومسكت ذراع جهاد وهو ناظرني وشكله اتفاجيء من حركتي رفع حاجبه الايمن صرت اموت على حركته هذي
نزلنا وانا اناظر البنات وابتسم لهم احسهم شوي وينهبلون على يدي

غزيل : جودي ميلي براسك على ذراعه مثل الزفه
سويت اللي قالته لي وانا اضحك شكل اللي جنبي شوي وينفجر علي ..
العنود : الله يهديك كنت راكب راسك يعني لو مثلت انك تحبها وقتها كان الفلم طلع احلى والله طول الممر وانت ماد البوز
غزل : لا وانتي الصادقه بياخذ صوره شخصيه للبطاقه
الكل : ههههههههه