victoriaမြို့တော်၏လမ်းမတစ်လျှောက်တွင် ပျားပန်းခတ်မျှသွားလာလှုပ်ရှားသူများနှင့်ပြည့်နှက်နေသည်။
ညနေခင်းနေဝင်ဆည်းဆာရိပ်အောက်၌ လမ်းလျှောက်ထွက်ကြသည့်လူတစ်ချိူ့နှင့် လမ်းမတန်း၏ဘေးတစ်ဖက်ရှိ ကစားကွင်းထဲမှ ကလေးငယ်များ၏ရယ်မောသံများဖြင့် သက်ဝင်လှုပ်ရှားနေသည်။
စက်ဘီးခြင်းထဲ၌ပြည့်နှက်နေသည့် ပစ္စည်းပစ္စယာတစ်ချို့နှင့် လှပလွန်းနေသည့်နေဝင်ဆည်းဆာအလှကြောင့် မက်ထရူးသည်လည်း စက်ဘီးဟန်တယ်လေးအားဆုပ်ကိုင်၍ ခပ်ဖြေးဖြေးတွန်းရင်းသာ အိမ်ပြန်လမ်းဆီသို့လျှောက်လှမ်းလာခဲ့သည်။
after i met you ,
i've been happy with small changes
မင်းနဲ့ကိုယ်တွေ့ဆုံခဲ့ပြီးနောက်ပိုင်းမှာ ,
သေးငယ်တဲ့ပြောင်းလဲမူလေးတွေကိုတောင် ကိုယ်ကပျော်ရွှင်တတ်လာတယ်။
ညနေခင်းလေပြေတိုးသံများနှင့်အတူ ပြန့်လွင့်လာသည့်သီချင်းသံကြောင့် မက်ထရူး၏ခြေလှမ်းများက လူအနည်းငယ်ရှုပ်နေသည့်လမ်းမပေါ်၌ ရပ်တန့်သွားခဲ့သည်။
ရင်းရင်းနှီးနှီးကျွမ်းဝင်နေသည့်အသံပိုင်ရှင်ကြောင့် ငြိမ်သက်နေသည့် မက်ထရူး၏စိတ်များမှာလှုပ်ခတ်လာပြီး အနီးပတ်ဝန်းကျင်တစ်ဝိုက်သို့ မျက်ဝန်းအိမ်များဝေ့ဝဲ၍ရှာကြည့်မိသည်။
in the dazzling morning ,
i open my eyes by thinking of you
အလင်းရောင်တြွေဖာကျနေတဲ့ နံနက်ခင်းမှာ ,
မင်းနဲ့ပြည့်နှက်နေတဲ့အတွေးတွေနဲ့အတူ ကိုယ့်ရဲ့မျက်လုံးတွေကိုဖွင့်လိုက်မိတယ်။
မက်ထရူး၏ခြေလှမ်းများသည် အနည်းငယ်လူအုံနေသည့်နေရာဆီသို့ခပ်ဖြေးဖြေးလျှောက်လှမ်းသွားနေမိပြီး စိတ်လှုပ်ရှားမူကြောင့် စက်ဘီးဟန်တယ်ပေါ်မှလက်နှစ်ဖက်မှာတင်းကြပ်နေခဲ့သည်။
