" لمن تكون في حدي نفسك متناقض في جهجه من قبل انك ما عارف تفرق بين هل الحاجه دي كويسه معاي ولا لاا؟ طبيعي انت في حالة الوسطيه ،،، وعلي العليك انسان عاطفي بمعنى تقدم مصلحتك غيرك علي مصلحتك بتفكر في مشاعر غيرك و بتعمل حساب ليهم في حين انت مفروض تكون الاوليه عندك نفسك ثم نفسك "
_ اتخيليي اتخيلي يا سارة انو نون رجعت لي وليد تاني للمرة التانيه بعد ما قلنا خلاص حظرتو و ارتحنا تاني جاء اعتزر ليها وهي طبعاااا الكلبببه الحوحايه رجعت و قبلت الاعتزار ،،، سارة قالت ليها قلت ليك نون دي ح ترجع ليهو ما صدقتيني،،،،
مسافه هم بيتكلمو في الموضوع وانا ساكته في النهايه لمن زهجت قلت ليهم ممكن نمشي عشان بعد كدا المحاضره،؟ مها قالت لي المحاضرة ولا انتي قولي ماشه تشوفي وليد 😏 ،، قلت ليها يابت انتي هبله ؟ قالت لي انا ولا انتي ؟ لو ما مذكره اذكرك وليد ده زاتو الولد القلتي عليه بيسوط و بينقل الكلام كمان ،، هسي شايفاك رجعتي عادي ؟ قلت ليها ياااخ ده موضوع طويل فممكن نمشي نحصل المحاضره،،، سارة قالت ليها خليها دايره تتهرب مننا ،،، اتحركوا قدامي ..
ما ح ألومهم كوني رجعت لي وليد دي اكبر غلطت ممكن تتحسب علي بس كمان هو لاعب علي اعصابي شديد و شفقني عليهو يمكن ده ما مبرر بس تحانيسُ و كلامُ خلاني احن عليه 💔
فعلا وصلنا القاعه وكان الدكتور إيهاب دخل الحاجه الكويسه انو بيخلينا ندخل بعديهُ، ،، و قبل ما ندخل صادفنا وليد معاها صاحبُ منذر، ، كلهم دخلوا الا انا هو وقفنا ،،، همس لي بصوت واطي بحبك ❤ ،، ابتسمت دخلت وراهم ،، طبعا دفعتنا ماشاءالله ماسكهم شفقة شطاره وفهم بطريقه غريبه ،، يعني كلهم قاعدين قدام و علي العليهم حاجزين قال ليك ،، فقعدنا ورا و ب ورانا طوالي منذر وليد ،، رسل لي رساله قال لي عينك اكسريها اوعك الاحظ ليك مركزه مع د إيهاب ده ،، ياهو الفضل كمان مرتي تعاين لي غيريي،،، ما رديت بي غير اني ما ح اركز غير في الشرح وبس .....متاكد من حكايه لو شافني مركزه حيزعل و حيشاكلني عديل ......
_______________
من زاويه تانيه ( فاطمه)
مافي اصعب من العرس التقليدي او الممكن اقول ليهو بالاجبار ،،لانو انت كدا ما بتحكم علي طرفين وبس لااا علي اولادهم كمان اذا كان الام و الاب في حدي نفسهم ما متفقين او ما متفهمين الح يحصل في أولاده شنو ؟ فمرحلة الاختيار دي مهمه شديد وتعتمد علي الاستخاره كمان ....
دي المشكله الكنت واقعه فيها انا لانو عمتي قبل ما تظلمو ظلمتني انا ،،، حس في رأيهاا اني مناسبه معاهُ بس بعد العرس اكتشفت حاجه تانيه خالص ،، ما بقول اني ما حاولت احافظ علي العلاقه البيناتنا ؟ بس كيف احافظ هو اصلا ما بيحبيني و بيحب زميلة معاهُ ،،، عرفت الحاجه دي في ما بعد بعد ما جبت بتي بسمه ،،، جاء قال داير يعرس ،، ما ح اقول ليكم ما اصدمت لا اصدمت لكن كنت متوقعه بس الما اتوقعتو عمتي ترفض هو يقوم الدنيا و يقعدها السماء قريب لو ما عرس بثينه ،، وصل مرحلة انو قال ليهم لو ما عرستها اعتبروني موتُ... ده كلُ وانا قاعده وشايله بتي كنت بس بعاين ليهو دايره يخت عيينو في عيني دايرهو يشوف الكسر العملو لي ،،، انت لو من البدايه دايرها ليهم ما عملت الدراما حقتك دي من بدري ليه جاي تعملها هسي بعد ما ربطني معاك ؟
ايام مرت علي من شدة ما كانت صعبه كنت بقول الصباح ما بصبح حية، 💔،،،اتربطت يديني وكرعيني خاصه انو اهلي كانو وقفين معاه احساس انو الراجل من حقو يعرس ،،، انا متاكد هم كانو خايفين من المشاكل الكان ممكن تحصل بين الأهل، ،، فسكتوا علي حسابي انا 💔 ،،
فعلا تم العرس ما ح اقدر اوصف ليكم نظرات الناس منها الشفقانه و منها الشمتانه تفاصيل العرس في حدي نفسها كانت مدمره بالنسبة لي كنت بحضن بتي علي و بنهار بسكات ما كان في يدي حل او انسان ارتكز عليهُ ما كان عندي غير نفسي ،،،، من يوم وافقوا ليهو علي انو يعرس الضحكه دي كانت ما بتفارقو...
لحدي ما جاء رجع من شهر العسل المفروض يجي يسلم علي بتو خليني انا ما جاء سلم عرفت وقتها انو انحيازات كتيره بعد كدا ح تحصل خفت علي بتي شلت هم المقارنات وانها مرتو الجديده دي لو ولدت ح يفضل اولادها علي بتي 💔 دي ممكن تسبب ليها قعدته نفسيا ...
خاصه اني فكرته اطلق بس ابوي قال لي لاا ما عندي بت بتطلق...
* نحنا لمن اتخلقنا في الأرض دي ما اتخلقنا عشان حياتنا كلها تكون سمحه او اي حاجه بنتمنها بتحصل لانو اذا كانت الحياه دي بالبساطه دي ما كان هسي ح نكون في الارض نكون في الجنه،، ف لازم الدنيا دي تبهدلك بهدله و تشيل و تخدك تمر عليك الايام السمحه و الصعبه بس انت كيف تبقى صابر ؟! ف عشان كدا قول * ربنا أعطنا في الدنيا حسنة وفي الآخرة حسنة وقنا عذاب النار *❤🌻
