وقفنا انا ومها مصدومين وبنعاين علي جهة المكتب ،،، لااا اكيد دي ما ساره نحنا بنتخيل دي مستحيل تكون ساره ،،، دي ما صحبتنا دي واحده تانيه اكيد انا متاكده ،،، لانو سارة لحدي امبارح كانت معانا كويسه ،،، رغم اني اصدمت الا رد ايهاب صدمني اكتر ،،،قال ليها اعلي ما اعتقد دي صحبتك؟،، قالت ليهو فعلاااا بس يا دكتور انا بوريك ،،قال ليها شكرا ليك لكن انا ما طلبت منك وتاني مرة ما تدخلي في حاجه ما بتخصك واتفضلي اطلعي، ،،، دايره تطلع قال ليها ااا و داير اقول ليك رغم اني شايف حاجه ما بتخصك ،،بس علي العموم انا ما عايز غيرها عشان ما تتعبي نفسك ساي، ،،، رد ايهاب رغم انو محرج لساره بس حسيت اني مبسوطه وشديد كمان ،،، في الوقت ده جات ساره طالعه ،،انا ما كنت مركزه، ،بس مها قالت ليها كل اتوقعتو الا انتي يا ساره ليه طيببب مش،دي صحبتنا برضو ،،،دي نون صحبتك ،،، قبل ما تتم كلامها جاء،دكتور ايهاب وقف عاين لي او بالاخص عاين لي ،،، قال لينا مممكن تتفضلوا كلهم من هنا ،،،، ما داير ازعاج ،،، طوالي اتحركنا ساره دي ما عارفه تودي وشها مننا وين ،،،بعد ما تحركنا مها قالت ليها انتي عارفه انك كدا اثبتي لينا انك انسانه خسيسه و الواحد ما بيقدر يعاشرك ،،طيبب ليه ،،، ساره قالت ليها دقيقه بس انا ما عملت حاجه نصحتو نصيحه نون و مرتبطه احسن يشوف غيرها ،،، قالت ليها نون جات قالت ليك انا ما عايزهو؟؟؟؟؟؟؟ ،،قال ليها مش مرتبطه ب وليد فمعنها خلاص، قالت لي مافي حاجه اسمها خلاص عايزه تبرري موقفك بس موقفك ما بيبررر انتي طعنتينا في طهرنا،،،ساره قالت ليها كانك كبرتي الموضوع، ،،قالت ليها هو كدا كبير ،،،اتناقشو مسافه ما فضل ليهم الا يتشاكلو ،،، ما قدرت استحمل ،،، مشيت طوالي المواصلات جاك زول ،،، قطعت صوت و صورة ،،، ما متخيله انو ده كل حصل معاي ،،ايهاب عايزيني و ساره واضح انها عايزهو طيبب وليد وانا وين ولا انا عايزه شنو؟؟؟؟،،، مها جات وراي ما اتكلمت وانا ما اتكلمت ،،،وصلت بيتنا وانا لسه بفكر وبفكر ،،، حتى في البييت امي لاحظت لي بس ما سألتني، ،،، صليت ودعيت ربنا كتيرر انو تتسهل علي و يصلح لي دربي ،، اخواتي الحمد الله ما كانو في ،،امي شكلها حكت لي ابوي اني من جيت من الجامعه سرحانه ،،جاني قال لي مالك يا بتي قالت ليهو لااا مافي حاجه ،،قال احكي لي انتي زمان كنتي بتحكي لي ،،،سكتا مسافه ،،قال لي خايفه؟؟ عاينت ليهو باستفهام ،،قال لي حصل حكيتي لي حاجه وانا شاكلتك؟؟؟ قلت ليهو لاا قال لي طيب احكي صدقيني انا ح افهمك ،،، قلت ليهو اممممم طيبب دايره اسالك من العلاقات اي بين الولد و البت ،، عاين لي كويسس ،قال لي مع انو ده ما سال ليك ،،بس ح اقول ليك العلاقه بيناتهم حرام، ،قلت ليهو كيف؟؟؟؟؟،، قال لي مالك اتفاجاتي كدا ما كنتي عارفه، ،،سكتا ،،قال لي لاا انتي عارفه انها حرام و ما صاح ،، بس شيطانك بيغويك وبيقول ليك عادي ما كل الناس كدا ما كل الناس مرتبطه ،،، وانتي كدا بتهلكي نفسك ما الهالكين، ،وفي ايه نزلت بتقول بعدين في قوم بيقول كنا نخوض ونلعب مع اللاعبين * قال لي انتي عارفه انو البت ما مفروض تتكلم مع الولد او الاجنبي الغريب منها ،،، الا في حالة الشديد القوي البيخليها تتكلم و اذا اتكلمت ما تتكلم بلحن القول يعني تخلي صوتها عادي او رسمي ،،، ما عرفت ارد ب شنو ،،،قالت ليهو انت بتوجه الكلام لي كاني انا المرتبطة، ،قال لي ما هو واضح كدا ،،انا ما ح شاكلك بس ح اقول ليك يا اما تنهي العلاقه دي بالتي هي أحسن يا اما تخليهو ييجي بالباب ،،قال لي يابتي لو كان عندي معزه عندك ما تغلطي،،، لانو انا بتحاسب عليك ،،، اي انتي بتحاسب علي نفسك بس برضو انا معاك ،،، قال لي انا عارفك واعيه وبتفكري بطريقه منطقيه ،، ما تخسري اخرتك عشان شويه مواضيع بعدين ح تتعذبي بيها ،،، دايما فكري في الاخره ،،، و اذكري عذاب القبر ،، اذا كنتي انتي نون بتي بتخاف تقعد براها او تقعد في الظلام فما بالك في القبر ما معاك زول وكمان تحت الارض و الظلام شديد و اصوات مخيفه ده كل ح تقدري ليهو؟؟؟ فعشان كدا لازم تنوري القبر حقك بالقران ،،، استهدي بالله كدا و حكمي عقلك و طهري نفسك من اي زنب انتي فيهو عشان كل الجهجه دي تروح طيببب ،،،هزيت ليهو راسي، ،،كلام ابوي منطقي منطقي شديد ،، اليوم داك كلٌ بفكر و قفلت تلفوني ،، يومين ورا بعض لا مشيت الجامعه لااا فتحت تلفوني،، و مها تتصل في تلفون اختي علياء بقول ليها تقول ليها نايمه، ،،حتى ابوي مفروض كان يسافر بس اجل السفر حقو .....اليوم البعديهو ابوي قال لي ما ماشه الجامعه ؟؟؟؟ قلت ليهو ماشه ،،قال لي اختك قالت لي صحبتك بتسال منك وده غير عندك محاضرات كمان اطلعي يا بتي ربنا يسهل عليك ،،، ولمن تجي بعدين عندي معاك موضوع، ،، قلت ليهو ممكن تقول لي الموضوع هسي قال لي بعدين يابتي ،،هسي اطلعي عشان ما تتاخري،،، فعلا استحميت ولابسة هدوميفتحت تلفوني اتصلت علي مها قلت ليها في الجامعه قالت لي اي قلت ليها طيب جايه قالت لي اخيررر، ،قلت ليها لمن اصلك،،، قفلت منها ،،، سرحت في حركه ساره قالت مفروض ما زعل منها وحصل خيررر في النهايه هي صحبتي وحني لو غلطت ما خلاص لمتين ح نزعل من بعض، ، حركتها يمكن بايخه بس ما مشكله كل بيعدي ،،انا من نوعيه الناس الما بعرف اخد حقي و في نفس الوقت ما بحب يكون بيني وبين الطرف التانيه حساسيه، ،، وصلت الجامعة مها جات من بعدين منتظراني شكلها ،ضمتني قالت لي يا هبله يا متخلفه والله اشتقت ليك ،،قالت ليها حتي انا والله ،،قالت لي دي عمليه تعمليها ،،و عشان منو عشان واحده زي ساره ،،قالت ليها مها ؟؟؟ ياخ انا عزرتها وعايزه نرجع زي زمان دي لحظه شيطان منها ،،قالت لي شيطان منها طيببب تعالي معاي قلت ليها وين قالت لي تعالي بسسس....
