دخلت الجامعه اتصلت علي مها وين انتو ؟ قالت لي في القاعه تعالي ،،مشيت ليهم،سلمت وقالت لي ليه اتاخرتي، ،قلت ليها كنت تعبانه بس ،،قالت لي عيونك مورمه ليه ؟،،قلت ليها يمكن من السهر ،،،تلفوني اتصل وليد قال لي تعالي برا القاعه ،،قلت ليهو المحاضره قال لي الدكتور لسه ما جاء قالت ليهو المحاضره عند دكتور ايهاب ما دكتور عبدالرحمن ،،قال لي عرفتي من وين ؟ ما رديت قال لي تعالي برا سريع ،،، فعلا طلعت ليهو مها قالت عبيطه بسسس ،،،وقفنا جنب القاعه قال لي امبارح اتصلت ليك ما رديتي، ،، و ما رجعتي لي ده غير انك عرفتي كيف المحاضره اتغيرت اذا انا ما كنت عرفت ،،،قال لي زاد اني بحبك ❤،،، ما الكلمه دي دكتور ايهاب جاء عاين لينا ،،وقف نظام ده شنو؟؟؟؟؟ دخلنا طوالي،، دكتور ايهاب ما نزل الشنطه حقتو قال يخوانا لو عندكم اي كلام جانبي الجامعه دي كبيره و الشجار ماشاء الله وعاين لي عرفتو قاصدني، ،سبب واحد يخليكم تقيفوا قدام باب القاعه مافي ،، فهمك شنو منتظرني اجي يعني ؟ ولا شغالين بوابين؟؟، عموما المحاضره اتبدلات وكان مفروض نعلمكم من بدري بس انا القدامك ده عرفت في وقت متأخر ما علينا هسي ح اعمل ليكم تيست، ،، القاعه كلها اتفاجات دي اول مرة يعمل لينا تيست فجاءة كدا في القاعه كلهم اشتغلوا ليهو لاا يا دكتور خليها مرة تانيه ونحنا ما مستعدين ونحنا .. قال ليهم لينا انكم طلبه جامعين المفروض في اي لحظه تكون جاهزين ،،، قدر ما ناس القاعه ديل حنسوا ولا كانو بيتكلموا معاهٌ،، مها قالت لي ده كمان مالو من الصباح كدا ؟ ساره قالت ليهو بتكون خطيبتو ضايقتو، ،قلت ليها هو خاطب ،،ساره قالت لي ما عارفه بس اكيد زول شغال عندو بيت ح يكون راجي شنو ؟، ،،هنا دكتور إيهاب قال ما داير ولا صوت ،،، وليد كان وراي قال لي بصوت براحه ما تخافي ح اساعدك انا جاهز يعمري ،، دكتور ايهاب جاب مسأله كدا لا في السماء لا في الارض عاينت لي مها وساره واضحه انهم زاتهم غلبتهم، ،، دكتور ايهاب جاء،بجنبي عاين لاقاني ما كاتبه غير المساله، ،، رفع راسو قال الزمن محسوب عليكم ،،، دي زاد بانها بعشره درجات ، دفعتنا اتهجولت زياده ،،، اتحرك من جنبي ،، وانا بس بعاين قدامي ولا حاولته فيها مها قالت لي اكتبي ليهو اي حاجه ان شاء الله غلط، ،، قلت ليها انا راسي كابس ده الغلط ما عارفه اكتبو ،،وليد من وراي قال لي خلصت خلاص خلصتي؟ هزيت ليهو راسي قالت لي طيبب اكتبي فعلا بديت اكتب دكتور ايهاب جاء شال ورقتنا الاتنين قال لينا تجوني بعدين في المكتب ،، انا هنا خوفت خوف ما عادي ،،، قلت بسس خلااص ،،، و طلع ولا جمع من الناس بس شال ورقتي انا و وليد وقال المساله دي كلكم تحلوها و المحاضره الجايه بستلمها منكم و أشأر لي انو وليد نظام وراي ،،، ما فضل لي الا ابكي ،،،بس وليد قال لي ما تخافي، ،، مها قالت ليهو كيف ما تخاف و هو استدعاكم في المكتب؟ ،، قربت تقول ليهو كل بسببك لكن سكتتت ،،، فعلا مشينا و صحباتي معاي و مؤيد جاء لاحقنا ،،، دخلنا انا وليد و هو متوتر بس بيحاول يضمن فيني ،،، دكتور ايهاب عاين لينا كويسس،،،، قبل علي وليد قال ليهو هي لو ما عارفه انت بتوريها ليه ؟ شايف دي عامله ليكم ؟ وليد قال ليهو انا كنت بساعدها، ،قال ليها انا لو دايركم تساعدو بعض ما كان قلت تيست، ،،مخصوم من درجاتك بعدين ،، واتفضل اطلع ،، وليد قال ليهو يا دكتور قال ليهو العندي قلتو، ، وليد قبل علي نظام نطلع ،،، د أيهاب قال ليهو اطلع انت ،،، وليد ما عارف يعمل شنو في النهايه طلع ،،، د ايهاب ابتسمت بإستهتار احساس فهم وليد ،، قال لي و بالنسبه ليك انتي ؟ اتوقعتك زوله مجتهده وممتازه بس خيبتي ظني فيك ياا... رفع ورقتي وقال لي يا نون علي حسن ،، مش برضو ده اسمك ،؟ هزيت ليهو راسي ،،، قال لي علي العموم مخصوم منك درجات برضو ده طبعا لو ما شيلتك الماده باعتبار سوء سلوك منك ،،،، هنا الاداره بتمنحني لاني بقدر اخصم من درجات، ،، لمن قال لي كدا لا اراديا بكيت و دموعي جرت عشره عشره حكايه يشيلني الماده في حدي زاتها انهيار والله ،،،هو لسه بتكلم ما سامعه بعد مسافه سكت قال لي انتي بتبكي ؟؟؟؟؟؟ ما رديت ،،، ما عارفه الغير موقفي شنو بس قال لي ممكن تطلعي ،،، من قال كدا قبلته وراي و انا ما شايفه قدامي ،،، سمعتو قال لي نون ؟؟؟؟؟ وقفت وانا قلبي دقة بقوة ،،، بس ما اتلفت عليهو ما اتكلم تاني قال لي ممكن تمشي خلاص ! طلعت برا لقيتهم كلهم منتظرني قالو لي مالك ؟ يا زوله اهدي ،،قلت ليهو احتمال قال يشيلني الماده 💔 بديت ابكي زياده مها قالت لي لااااا يا زوله ان شاء الله ما يعمل كدا ،، ساره قالت لي بيهددك ساي عشان تقري،،، وليد قال لي انا ما عارفه الدكتور ده مالو الليله معانا و بعدين انا معاك ما تشيلي هم ،،، ما رديت بس كنت خايفه قعدنا كلنا تحت شجره مها و ساره قاموا احساس يخلونا مع بعض ،،،وليد قال لي يا بسكوتي ما تزعلي بكره كل بيسهل ،،، قلت ليهو ما عارفه ح يسهل كيف بس ان شاء الله ،،، قال لي انا ما كنت دايره اخليهو معاك لكن هو جبرني اطلع ،،، في قلبي قلت ليهو نفسي تتخذ موقف واحد و تكون فيهو راجل ،، تاني اتونسنا عادي جاء دكتور ايهاب ماري بجنبنا نظراتو ما قدرت افسرها وهو اتجاوزنا ،، وليد قال لي كانو دكتور ايهاب ده شايلها معانا قلت ليهو ليهو معزور والله!قال لي لااا انا حاسي من زمان ما من الموقف ده ! هو في موقف جمعك معاهٌ،،، قربت اقول ليهو ايوا في الليله وصلني، ، بس قلت ليهو لاا مافي اي موقف ،،اتونسنا مسافه و هو المستلم الكلام بيحكي و بيحلم و اليخطط المفروض يحصل شنو ،، قلت ليهو وليد؟ قال لي اي قلت ليهو امبارح انت مش ما رديت عليك؟ قال لي اي صاح ليه ما رديتي مش قلت ليك لمن اتصل عليك تردي ،،، المشكله ما هنا المشكله انو زعل في حين ما سالني السبب ولا مالك ؟ كل همو اني مفروض ارد حتى لو دايره اموت ،،، مها جات قالت لي مشينا ؟ قلت ليه المحاضره التانيه ؟ قالت لي انتي ما عارفه انها اتلفت؟! ولا وليد ما كلمك! اتلفتا علي وليد نظام انت عارف؟ قال لي زاتي نسيت ،،، قلت ليهو خلاص تمام امشي انا ،،عاين لي نظام اقعدي ، قلت ليهو بكره ان شاء الله ،،، وطلعت عارفه انو ح يزعل لكن احسن كدا...
