في خلال اليومين القعدنها مع خالتو سميه ،،كل مرة تجي واحده من نسوان اهلهم دايره اسلم علي مرت ولدكم ،،،،في مرة ايهاب طلع وقعد معاهم اتونست مع نهى تحكي ب فاطمه و بثينه ،،قلت ليها مع احترامي لي اخوكم لكن فاطمه دي مافي زيها اتنين ،،هزت لي راسها قالت لي هسي عرست والله يوم عرسها ده ابكي و امي تبكي جنبي ،،قلت ليها امك ،؟؟؟؟؟ قالت لي حتى انا استغربت لكن امي دي مهما بقت كعبه يا نون هي كويسه،، ما عارفه الغير موقفها ضد فاطمه شنو رغم انها في البدايه كانت كويسه معاها شديد، ،بس تاني بثينه لعبت ليها في راسها،،، قالت ليها حتى و لو يا نهى هي لو عايزه تقيف مع بثينه ما مشكله بس كمان ما تقلل من احترام فاطمه ،،، وكمان موقف اخواك ،،ما عايزه ازيدها عليك لكن فاطمه احسن اختيار عملتو انها عرست تاني و سافرت و شالت كل همومها معاها ،،، نهى عاينت لي وسكتت، ،، ايهاب اتصل علي رديت ،،قال لي نون قربت علي البيت جهزي لي الاكل لاني جاي جعان ،، قلت ليهو بتبالغ يا ايهاب من قبيل ما اكلت ليه ،،قال لي كنت بحاول احصلكم بس تاني الوقت جرا ،، قلت ليهو طيبب مسافه ما تصل بيكون جهز ،، قال لي حببيبي انتي❤،، قفلنا جهزت الغدا واصلا جاهز بس كان عايز تسخين، ،، ومعاي نهى بتعمل في شاي المغرب ،، خلصنا الاتنين مع بعض، ، نهى شالت الشاي لامها و أبوها، ، جاء ايهاب فوقهم ،، امو قالت ليهو تعال اشرب الشاي معانا و ناخد خشم خشمين معاك ،، جيت قلت ليها لااا يا خالتي ايهاب ما متغدي يتغدا يجي يشرب معاكم، ،و عاينت لي كدا حسيتها ح تحرجني و كذا ،،، قالت لي عشان كدا ما اكلتي كويس كنتي منتظراهو عادي كان تقولي لي كان انتظرنا معاك ،،، ايهاب قال ليها يا امي هي زاتها ما كانت عارفه اني ما اكلت الا اتصلت كلمتها ،، ابوه قال ليهو امشي اتغدا يا ولدي وتعالي لينا نحنا ح بنتظرك بالشاي ،،، ايهاب قال لي تعالي ناكل في غرفتنا، ،، دخلنا الغرفه قال لي وتجي تقولي لي ما اكلتي ليه ؟ وانتي ما اكلتي برضو؟؟، قلت ليهو اااا ،، قال لي تعالي تعالي وقعدني علي كرعينو قال لي وريني عملتي شنو الليله وانا مافي، ، وبديت احكي، ،، هو مرة ياكل و مرة ياكلني لحدي ما لقيت الصنيه فاضيه قلت ليهو وين الاكل ،،ضحك قال لي انتي مجنونه ،،الباب دقة ،، نهي قالت لينا امي منتظراكم، ،،قال لي ارح بعدين بنتفاهم ❤❤..
بعد ما خلصنا و اتونسنا معاهم بعديها مشينا ناس امي ،،، اول ما وصلنا عندهم اخوات استلموني ليك، اساله لمن امي جات نادني قالت لي ارح راجلك قال ليك اطلعي ،،، اختي علياء قالت اريتو حالي، ، امي قالت ليها جنس خفه ،،، قالت ليها الخفه في شنو هسي يا امي ما عادي الواحده مصيرها تعرس ؟،، ضحك عليها وطلعتنا، ، ونحنا في العربيه ايهاب ماسك يدي ،،قال لي تذكري اول مرة ركبتي معاي فيها، ،؟؟،، ولا كمان ركبتي ورا طبعا عامل زي سواق ابوك كنت ،، قل ليهو لاااا ما كدا ما برتاح اني اركب قدام يعني بكون متحسسه ،،، قال لي عشان كدا كنت بحبك اكتر و بحب احترامك اكتر ،،، طيب وهسي، ،، قلت ليهو هسي خلاص يعني بقيت مرتك واظن ده من حقي ،، ابتسم وضغط علي يدي قال لي قولي مرتك دي تاني ،،،ضحكت قلت ليهو لالالالا، ،،قال لي بدينا العباطه ،،، وبعدين صحي امتحاناتك بعد كدا انا جبت ليك كل الشيتات البتحتاجيها قلت ليهو في مواد مها قالت لي ملخصاهم قال لي لااا احسن ليك من الشيت ،،قلت ليهو بسس بيكون كتيير،، قال لي ما عشان كدا تقري بصورة واسعه، ،قلت ليهو لكن الزمن ،،قال لي لااا طول ما انا معاك ما تخافي ❤..
