يمكن استعجلت شديد في عرسي التاني بس كانت عايزه اسافر قبل ما يجي مروان ،،لاني متأكده لو كان في العرس ده ما بيتم، ،حتي لو هو ما بيحبني عندو حب امتلاك فما بيخليني بالساهل كدا ،،، بعد ما سافرت مع عمر الوضع كان غيرر او حيااتي في حدي نفسها اتغيرت، ،، الفكره زمان انا الكنت بقدم وهسي انا بيقدمو لي ،،،في النهايه عمر فتش لي شغل لحدي ما لقى ،،انا في الفترة دي كانت بحاول اتعود عليهو بس ما كنت قادره لسه مروان بالي ،، عمر نهائي ما استعجل علي قال لي انا بحبك و مستعد انتظرك العمر كلٌ ،،،، وفعليا ده الحصل ،،،،بعد كلامو قلت في نفسي لازم اشيل مروان من راسي و عمر يستاهل مني كل خير ،، بعد ما لاقى شغل ،،نزلت تدريب في الاول ،، مع انو من مطلبات الشركه اني يكون عندي شهادة خبره بس صاحب عمر دخل وسيط قال ليهم الزوله دي ممتازه ووو....و انتو بس شافوها بعد التدريب ،،الشركه بعد ما عملت معاي المقابله نوع ما صدقت كلام صاحب عمر ،،، في اليوم قبل المقابله عمر قال لي لازم تكون واثقه من نفسك و قويه و تعرفي عن نفسك كويس ما تخلي ليهم مجال في انهم ما يقتنعو بيك.. اتكلم معاي كتير .
كانت بفكر او بقارن بين حياتي مع عمر و مع مروان ،،فرق كبير ،،،لانو مروان رافض فكرة اني اشتغل ، اما هنا عمر بيدعم فيني اني اشتغل و احقق احلامي او اعمل حاجه لنفسي ،،كل واحد و تفكيرو بس البيحبك بيدعمك ❤ انا ما بقول مروان ما كان بيحبني بس لانو خايف اطلع اشتغل و يعجب بي واحد وانا اقبل الحاجه دي لانو اصلا العلاقه بيني وبين مروان متوتره...
بالسان الروايه
مروان اول ما رجع من مصر كان مفتكر انو فاطمه قاعده لسه في بيت ابوها ،، مع العلم في سفرو اصرت فاطمه مافي زول يكلموا حتي ابوه حذر من زول يكلموا ،، عارفين كويس لو عرف قبل العرس كان جاء هدم البيت فوق رأسهم،، اي طلاقها بس ده ما بيدل علي انو يخليها تعرس غيرو ،،فلمن جاء و ابوه عمل ليهم كرامه الناس كلها جات و تبارك ليهم عادي لانو بثينه اتعالجت وكذا ،، اول ما شاف خالو ابو فاطمه فرح و قال خلاص فاطمه ح تكون مع النسوان انتظر لحدي ما خالو ده قال طالع و مروان طلع معاه علي امل يشوف فاطمه رغم الحصل بيناتهم كان مشتاق ليها و مشتاق لبسمه بتو ،،، اذكر اول ما بسمه دي اتولدت المفروض زيو زي اي اب يكون مبسوط بس هو ما كان مبسوط علي حس انو عايز بثينه و ما عايز حاجه تربطو بفاطمه بس قدر الله ما شاء فعل و جات اول بت ليهو بسمه ،،مع الايام بدا يتقبلها لحدي ما سافر وفقدهم الاتنين وخاصه انو ما كان في تواصل بيناتهم هسي نفسو بس يشل بسمه بتو و يبوسها ،، نفسو يسمعها لمن تقول ليهو بابا ،،أنب نفسو شديد انو زمان كان هامله على قال صاحبو لمن شاف بتو في صورة ليها قال ليهو واحد يكون عندو بت زي السكر كدا يخليها في البيت ويطلع دي لو بتي اشيلها و احوم بيها اليوم كل و دلعها دلع ..،،، جات طالعه أم فاطمه هو بعاين ب وراها بلهفه، ،، جات سلمت عليهو بصوت واطي عارفها انها اتخذلت فيهو، ،، دايرين يطلعو ،، مروان قال ليهم علي شكل هظار فاطمه ح تقعد معانا ولا كيف!،،هو قالها عشان يعرف هل هي قاعده ولا لاا بس ابو فاطمه ما فسرها كدا ،، قال ليهو تقعد معاكم ليه ما عندها بيت؟،، مروان لمن فهم انو غلط قال ليهو لااا يا خالي العفوا يااخ البيت واحد ،،، هنا ام فاطمه اتكلمت قالت ليهو والله فاطمه زاتها لا هنا لا هناك ،، مروان عاين ليها قال ليها وين ؟؟؟، قالت ليهو شافت حياتها زي ما انت شوفت حياتك ،،رغم انو فهم كلامها بس ما استوعب،،عاين لي خالو قال ليهو ما فاهم ؟ ،،قال ليهو بكل بساطه بتي الانت و اهلك كنتوا مستغلينها هسي خلاص مافي ولا في البلد دي في ،، لانها عرست ولد خالك عمر و سافروا يعني تاني لا فاطمه لا يحزنون ،، و ان شاءالله عمر يصونها ما يبقى ليها زيك ،،، عاين ليهو و طلعوا طوالي ،،، مروان حس انو العالم بيلف بيهو مية لافه،،،علقو طار من محلو ،،، كيف ؟؟؟ ومتين ؟؟؟ وليه ؟؟؟؟،، خلاص اتاخرت لدرجه دي لدرجه انو عرست و سافرت، ،في فكرتو انو يرجعها قبل ما تتم عدتها بس جاء مرض بثينه ده و تاخر وما كان مفتكر انها تعرس ،،،اتعصب عروق يدو ظهرو، ،، عيون اظلمت بطريقه مممكن تحرق الخضر و اليابس ،، دخل الصالون محل اعمامو و خيلانو ،هو بيكورك ليه ما كلمتوني ليه مافي زول اتصل كلمني ،،شغالين لي عمر داير يعرس داير يعرس و اسالكم من العروس و اهلها تعملوا فيها ما عارفين ،،تطلع العرسها فاطمه مرتي ،؟؟ رد ليهو اخو عمر الكبير كانت مرتك وهسي خلاص مرت اخوي ،، مروان اصلا داير ليهو سببب ف اشتبك مع اخو عمر وحصلت جواطه ،،، في النهايه ابو مروان قال ليهو وقت خلاص انت عايزه كدا عرست فيها ليه ؟؟؟ وقت عايزه كدا ما حافظت عليها ليه ؟؟؟؟ داير تشوف حياتك علي حسابها هي؟،، لو انت مفتكر لمن كنت بسكت علي معاملتك ليها انت و امك كنت بسكت عشان عاجبني ؟؟ اكيد لااا بس كنت بديك فرص بيدك فرص علي حسابها هي و صبرت و انتظرتك كتيررر ما يوم ولا يومين صبرت ليك بالسنين كل يوم بقول مروان بيقدر قيمتها بس في كل مرة بتخذلني ،،، الحمد الله انك طلقتها و لقت الزول البيحبها، ،، بعد كلام ده مروان طلع و ساق العربيه بسرعه، ،،، و كلام ابوه في راسو، ، فعلا هو خذلها كتير بس هسي هسي عرف انو بيحبها و عايزه 💔،، من الكلام ده كلُ الحرقو انها لقت البيحبها طيبب ما انا برضو بحبها 💔 خلاص راحت علي ،،،خلاص كدا ؟؟؟؟
