يوم العرس الصباح ،، اخواتي جايطين امي جايطه اكتر منهم ،، حبوباتي قاعدين معانا و البيت ماشاءالله ،،والعقد فطور ،،طلعت من بدري معاي مها، زعلت ساره ما معانا ،،،وانا في العربيه قلت لي مها ح اتصل عليها ،،مهما كان دي صحبتنا،،قالت لي اتصلي خلاص، ،فعلا اتصلت ردت طوالي قالت لي تاني دايره مني شنو ايهاب وعندك ،، قلت ليها ساره انا ما كان نفسي اصلا معاك للمرحله دي وعايزك ترجعي زي ما كنتي زمان ،،، قلت لي لو عايزاني ارجع زي ما كنا ما تخلي العرس دي يتم ،،شلت نفس قلت ليها ساره بعد كدا العرس ده خلاص ،،ولا بقدر اقول ليك ح اعمل حركات الهنود واهرب من العرس في اخر لحظه لانة الحاجه دي قبل ما تمسني بتمس اهلي ،،، ف عشان كدا بعدين لو بتقدري تعالي ،،قالت لي كلُ لاقاني الا زي عينك القويه دي ما لاقتني فوق ما عارفه اني بحب ايهاب جايه تقولي لي احضري عرسي اي عرسو، ،انتي متوقعه شنو اني ما بحس؟؟؟ وساهله علي ،،،قلت ليها انتي عارفه كويس لو كنت عارفك من البدايه عايزهو ما كنت وافقت ،،قالت لي نون قولي غيرها ،،قلت ليها عموما انا عايزه افتح معاك صفحه جديده ونفسي بالجد نرجع زي زمان واعرفي انك ولا في يوم هنتي علي رغم الحصل ده كل،،معزتك جواي لسه محفوظه ،،علي الاقل اذكري ايام كنا مع بعض اذكري تفاصيل كتيره عاشنها مع بعض ،،وانتي مهما كان صحبتي وقريبه لي ،،، ما ردت علي قلت ليها ح اقفل و ياريت تذكري انك صحبتي وانا ما عدوه ليك ،،،وقفلت علي كدا ،مها قالت لي مرتاحه كدا ،،قلت ليها وشديد كمان ،،، اثناء ما كنت بتكلم معاها ايهاب دخل في الانتظار ،،رجعت ليهو ،،قال لي مشغوله وين؟؟،، قلت ليهو مع ساره ،،، قال لي اااا كويسس طيب طلعتي؟،قلت ليهو اااي، ،قالت لي تمام بجيك يعدين علي الساعه 1 قلت ليهو طيبب قال لي خلاص خلي بالك من نفسك❤ قلت ليهو حاضر،،، بعد ما قفل مها قالت ما قاره اصدق ده دكتور ايهاب ،،، شويه صعبه علي عقلي،قلت ليها انا زاتي ما مصدقه ....
ايام العرس المرت دي وليد ما كان ظاهر بس قبل كدا مؤيد صاحبو رسل لي رساله قال لي كل اتوقعت منك الا انك تخذلي صاحبي، ،، ما رديت علي الرساله ما غالبني ابرر واطلع ليهو صاحبو غلطان زي ما طلعني بس قلت خلاص دي علاقه وانتهت ،،، لحظات العقد اتصلت علي امي وابوي و اخواتي كلهم يبكوا ،، و ايهاب قال لي من زمان منتظرك الوقت ده بذات عشان اقول ليك يا بختي يابختي بيك والله❤ ،،عموما ساعه كدا واجيك ،، قلت ليهو طيبب ،،قال لي يعني ما ح تردي علي عموما ما مشكله الليله يومنا اخدي راحتك ساي ،، وبالمرة خلي خجلك في بيتكم لانو ما بينفعك معاي ،،،، ما قدرت ارد ،،ضحك قال لي تمام فهمتك ،، وقفل علي كدا ...
بعد ساعه جاء،، قبل ما افهم حاجه وقف قصدي وضماني عليهو شديد قال لي دايما كنت بقول كل ما اشوفك انتي حقتي انا مافي زول بيشل حقي ❤ رفع راسو عاين لي ما مصدق و عدسات عيون بتحرك سريع سريع ،،، في النهايه قال لي مشينا؟،، طلعنا ،، كان سايق العربيه صاحبو ،، جات معانا مها ،، و جاء مروان اتوقعت تكون معاه فاطمه بس صدمني بثينه ،،ما ركزت ،،،، في العربيه ايهاب ماسك يدي قوي، ..
