صحيت الصباح عيوني مورمه لقيت اتصالات من وليد ما اشتغلت بيهو فقمت صلحيت بعد ما خلصت امي جات قالت لي وريني مالك انتي امبارح ؟ احكي لي ابوك امبارح ما نام قال اكيد حاصله معاك حاجه، ، قلت ليها لاا مافي حاجه حاصله بس يمكن عشان فاقدهُ ،، قالت لي اها نعمل شنو يابتي الغربه دي اتفرضت علينا من زمان مافي حل ،،قالت ليهاا ربنا يهون ان شاء الله ،،بعديها مها اتصلت قالت لي وين انتي ما طلعتي ؟ قلت ليها متاخره شويه، ،قالت لي ما نمتي امبارح ولا شنو وليد ساهر بيك قالت ليها وليد شنو عليك الله ،،، بجي وراك وغفلت الخط فيها ،،مسافه ما لبست طلعت طوالي واليوم داك لحظي مواصلات مافي ،،واقفه مسافه وليد اتصل بي قال لي ما جايه؟ قلت ليهو لاا في المواصلات قال لي خلاص تمام،، لمن تجي ،، وقفل علي كدا ولا سالني لقيتي مواصلات ولا لا ولا كانو، ،،في وقفتي ديك جات عربيه قدامي مسكت شنطتي قوي نزل القزازة قال لي اطلعي يا طالبه ،،، عاينت لقيتو دكتور إيهاب قلت ليهو لااا يا دكتور بصل قال لي المحاضره عندي لو جيتي متاخره ما بدخلك ،،، استغربت علي حس امبارح كانت محاضرتك ؟، اتوكلت و ركبت ورا، ،يمكن معرفتي بدكتور إيهاب محدوده بس حصل بيناتنا تعاملات كتيره خاصه بكون في سائل ما فاهمينها فبنمشي ليهو انا و مها وساره حتى بذكر يوم هو طالع وفي مساله واقفت لينا مشينا راس ليهو شرحها لينا سريع سريع حتى ما لحقنا نفهم كويسس،وانا لي شلاقتي ما خليتو يصل الباب قلت لي مها هو وقت ما مستعجل ما يقول مستعجل،،، مرة تانيه ،بدل يخمنا كدا، ،،، و لاحظي الشقي سمعني حتى اتلفت علي ،،، بس ما اتكلم وطلع طوالي ،،، ما بقول اليوم داك ما خوفت لااا قلت خلااص شالها معاي ومها تقولي لي كان تصبري لمن يطلع ،، قلت ليها خلاص شيلني الماده ،،،وقتها عزيت ،تاني من اليوم داك ما مشينا ليهو بياتو عين نمشي ؟ وهو تاني ما سالنا،،بس بعد كم يوم سمعت انو كان مستعجل لانو ابوهُ راقد في المستشفى فشكلو اليوم داك استعجل وفي نفس الوقت ما كان داير يحرجنا وانا جيت طاعنتو بالكلام، ،،،
رجعت للوقت الحاضر قال لي وصلنا ! وشكلك ما عايزه تنزلي، ،،قلت ليهو بعتزر ليك ،،،نزلت قلت ليهو شكرا يا دكتور ،،هز لي راسو ،،،واضح انو متخذ اتجاهي موقف مع ذالك وصلني ....
"أحيانا يأتي أحدهم شافياً لما مضى ❤"
_______________
من جانب فاطمه
حياتنا انا وبتي مٌمله شديد غير ناكل ننوم لا اهل يجونا لا ابوي يسأل مني بس امي من يوم و التاني و عندي اخت واحده متزوجه ،،بعد ما نٌمته بسمه قلت اشوف الواتس لقيت جنابو الاهو زوجي العزيز عامل استوري لمرتو كاتب *وانعقد القلب بمن يحب❤* ما عارفه زعلت بس حاولت ما اركز و اتقبل الامر مشيت عملت استوري كتبت يا حلاوة المشاوير مع بسمه ،،، عملت احساس طلعت وكذا، ،، مع انو ما طلعنا بس قلت اعمل نفسي ما فارق معاي واني عاديه شديد، ،،مع اني مغيوظه،،، مسافه ما انتظرت يشوفها لقيتو شافها اتصل ما رديت اتصل تاني عملت فيها ولا كاني جنب التلفون، ،بعديها تاني ما رجع قلت شكلو زهج ،، دخلت الغرفه ورقدت جنب بتي ما نمت كدا سمعت صوت الجرس قلت ده منو الداير يجينا خوفت لابسته التوب الزول البرا يدو ما وقفت من الجرس قلت في منو ؟ قال لي ده انا افتحي ،، قالت مروان ؟ قال اي فتحت الباب خليتو واقف ودخلت طوالي وغفل الباب وجاء علي بسرعه، ، جراني من يدي ،، قال لي مممكن افهم يا مدام طلعتي وين ؟ و ليه ما كلمتيني، ،؟ قلت ليهو عادي زهجنا طلعنا، ،، قال لي ايوا و لمن انتي زهجانه كان توريني انا ما طرطور هنا ،،، قالها بصوت عالي ،،قلت ليهو ما تعلي صوتك بسمه نايمه و ح تصحا مهجومه، ،قال لي طيببب وريني حركاتك دي شنو ،،، حركاتي انا ولا انت ،، بالمختصر يا مروان زي ما شوفت حياتك خليني اشوف حياتي ،،، قال لي مافي حاجه اسمها تشوفي حياتك وحياتك دي معاي انا وبسس ودي اخر مرة و اول مرة يا فاطمه تاني ما بتتوقعي ردت فعلي؟ قلت ليهو ح تعمل لي شنو ح تكسر كرعيني ؟ح اتعالج واجي تاني اطلع ،، ح طلقني ؟ وده عز الطلببب، ،عاين لي مسافه قال لي من متين انتي كنتي كدا ؟ قلت ليهو من الوقت الانت اخترت تشوف حياتك من الوقت الانت ما قدرت حجم الضحيه الانا عملت ليك ،،،يعني لو عندك زرة زرة رجوله طلقني بسسس طلقنيي، انا ما عايزاك ! ،،هنا حسيت ح يضربني و ينتهي من امري ،، بس طلع من البييت و غفل الباب بقوة وقفت مسافه وجيت غفلت الباب..
فكرت هو ح يفضل رابطني كدا معاها لمتين ؟ ما عرفت قدرته انوم كيف بس نمت صحيت الصباح علي صوت بسمه تبكي حاولت اسكتها بس هي ما راضيه وفوق ده الباب دقه ،،قالت ان شاء الله خيرر بس ،،شلتها قلت منو؟جاني اخر صوت ممكن اكون دايره اسمعو بثينه ،،، فتحت الباب وانا مستغربه جات ليه وعشان شنو،،مروان ومعاها ، تاني مالا ؟ قالت لي ليك حق تستغربي ،،ما انا ما جايه حب فيك ،،، نادي لي مروان، ، قلت ليها وانتي مفتكره مروان ده لو كان معاي كان ح اخليهو يطلع ليك ،؟ امشي شوفي مروان بعيد من هنا لانو مافي وقبل ما ترد قفلت الباب فيها سمعها شغاله لي والله الا اخليهو يطلقك يا ما شبه النسوان، ،دايره افتح الباب و رد ليها بس بسمه تبكي ،، قلت ها خليها تاكل نارهاا بسكت في بسمه وانا بفكر مروان ح يكون وين ؟،،وانا بفكر قلت اتصل تاني قلت لاااا،،مرت تلاته ساعات وانا قاعده علي اعصابي، ،خلاص غلبني اتصلت عليهو ما رد اتوترت زياده ،مع اني ما بحاول ما اقلق واخلي الموضوع عادي بس ما قدرت ،،اتصلت ب ايهاب أخوهٌ رفع لي بعد مسافه قلت ليهو معليش إيهاب بس مروان جنبك ؟ قال لي مروان ده من امبارح و نحنا ما عارفين هو وين امي قالت بيكون عندك بس جات بثينه قالت انو ما معاك ،؛وهسي بنفتش و ما بيرد علي الاتصالات، ،،قلت ليهو ياااخ معقوله قال لي اي والله ،،قفلت منو ،،وانا القلق زاد زياده فكرت لو قعدت هنا ح اجن عديل احسن امشي لي بيت عمتي لو في اي خبر اعرفو طوالي ،،فعلا لابسته بتي و لابسته وطلعت طوالي بيتهم ما بعيد مننا يعني مسافه بالرجلين و بيتي انا وبثينه مع بعض بس مفصول بحيطه، ،وصلت عمتي فاتحه بيت بكا، ،بثينه جنبها و النسوان ما كتار ،،وانا مهجومه وخايفه علي مروان في نفس الوقت ،، عمتي دي ولا عاينت لي ولا كاني بت اخوها ،،حاولت ما اركز معاها في اخت مروان اتكلمت معاها وانو من متين هو مافي وكذا، ،،قعدنا مسافه عمتي جاتني قالت لي كلو منك قلت ليها مني ؟ قالت لي اي اخر حاجه كان في بيتك قولتي ليهو شنو؟ انا عارفه ما بتجي من وراك خيرر،،، ما رديت عليها لانها كانت منفعله وعرفت بثينه ملت ليها راسها قالت لي اكيد ما ح يكون عندك رد ،،،دايره تطلع زعلها و خوفها فيني ،،سمعنا صوت مروان بيقول ليها ترد ليك علي شنو ،، وقفنا كلنا ،، و عمتي جرت جري عليهو وقلت ليهو وين كنت يا ولدي ليه تعمل فيني كدا ؟ انت عارفه عندي سكري بروح فيها يوم بسبببك، ،قال ليها بعد الشر عليك يا امي بعدين انا ما مشيت مكان كنت مع واحد صاحبي ، الناس كلها بتسلم عليهو ،،و بثينه مشت حضنتو هو واقف بعاين لي شلت بتي براحه و انسحبته يمكن لهفتي علي اني اشوف كانت كبير، ،يمكن لو كان بيحبني او متقبلني في حياتو كان جريت عليهو حضنتو وبكيت وريت الناس دي كلها خوفي عليها بس واضحه الاولويه كانت لمنو ؟...عمتي وقفتني في الباب قالت لي علي الاقل قولي حمدالله علي سلامتو! اتلفت عاين لي ، قلت ليها حمدالله علي السلامه وبركه القيتو طيببب ،،، قلت لي تقولي ما راجلك الكان مافي ده ،، كنت عايزه ارد و اتكلم و اقول ليها ياتو راجل ده، بس اختصرت علي نفسي لاني عارفه الناس ديل دايرين معاي فرقه ،، طلعت طوالي ،،،وصلت البيت ضميت بسمه علي وبكيت بكيت وانا ما عارفه ببكي ليه ؟ وعشان منو !؟
"مرات بنزعل علي نفسنا و في نفس الوقت بنلوم فيها كانها هي البتخدنا في المواقف دي ،،ونجي نعتزر ليها لاننا ما انصفنها في الموقف دي "
