موافقتي علي ايهاب من القرارات الحمقاء الانا اتحمقت فيها حسيت عايزه اردها لساره ما فكرت كنت نانيه شديد ،،بس في نفسي كنت بقول هي ليه تعمل فيني كدا ،، براها هبشتني تستحمل،،، ما بزكر كنت كدا كان حتى لو الزول غلط في حقي انا بكون راضيه كان فيني ضعف شخصيا تسوقني يمين و شمال بمشي معاك ،، كتار استغلوني ،،وعلي العلي بكون رضيانه مرات بزعل بس ما منهم من نفسي لاني انا الخليتهم يستغلوني انا الاديتهم المساحه دي ،،دي اول مرة اخد موقف حازم لدرجه دي زي ما بيقول احذر الحليم عند الغضب ،،،ده غير وليد العامل زي البت ،،،ابوي قال لي رغم انك موافقه بس كمان ح اديك يومين تفكري براحتك ،،، هزيت ليهو راسي ومشيت غرفتي ،، او غرفة اخواتي لاننا كلنا في غرفه واحده ،،علياء جات قالت لي ابوي قال ليك شنو ،،قلت ليها دايره تقنعيني انك ما اصنتي علينا ،،،ضربتني في كتفي قالت لي انا خوفت تكوني عملتي حاجه وابوي داير يشاكلك يعني بالجد كدا ؟؟ قالت ليها اممم اي ممكن تقول كدا ،،قالت لي مع اني ما بعرف ايهاب بسس مبروكات وحضنتي عليها قالت لي ما قادره اصدق اختنا الصغيره ح تعرس ونحنا لسه ،، ما رديت ،،قالت لي شايفاك وافقتي طوالي ،، قلت ليها اي ،،قالت لي يعني مرتبطين،،قلت ليها لاااا ده استاذنا في الجامعه قالت لي حلو؟ ،،قلت ليها يعني ،،قالت لي كيف يعني، ،قالت ليها عادي يعني هو ما سمح السماحه ديك ،،بس فيهو هيبه يمكن بنية جسمو مساعده انو يظهر بالهيبه دي ،،،قالت لي حتى لو ما سمح شديد المهم اول ما عجبتيهو جاء،بالباب عديل مش زي الاولاد الزمن ده البيقول ليك انتظريني وما بعرف شنو ،، وانتي تصدقي والعمر يجري بيك وفي النهايه يجي قول ليك نحنا ما بننفع مع بعض ،،ولا امي رفضتك ولااا لا السمحه يقول ليك ،، نحنا ما بنعرس الا من اهلنا ،،، سكتتا وسرحت بعيد هسي لو كنت دايره انتظر وليد ده وجاء عمل لي كدا ؟ موقفي ح يكون شنو ؟،،، ما عارفه بس علي الاقل ح انهار لاني انا بكون فعليا انتقمت من نفسي اذيتها أذي نفسي ،،، بما اني اصلا بين بين في علاقتي مع وليد وانتظروا ويجي يخليني ؟؟؟ ،لااا الحمد الله ،،، علياء قالت لي اشوف امي وطلعت ،، شلت تلفوني ،،، في رسائل كتيره من وليد ،،قريتهما كلهم فهمت هو ليه اتسرع احساس سارة فهمتو غلط ،،، قويت قلبي و اتصلت كنت عايزه انهي المهزله دي كنت عايزه اثبت ليهو واثبت لي نفسي انا قويه ،،، رد طوالي، ، قال لي نون الحمد الله رجعتي لي والله يا نون انا غلطت كان مفروض اسمع منك ما كان استعجل في قراري بس والله معزور. اتكلم كلام كتير في النهايه قال لي بحبك ،،، ضحكت ب استهتار قلت ليهو وليد ساره ما غطلت ولا نقلت ليك كلام غلط ،،، قال لي كيف يعني ،،قلت ليهو عادي ايهاب اتقدم لي وانا وافقت ،، داير تقول انا بعتك قول داير تطلعني كعبه اي انا كعبه ،،من البدايه ما كان مفروض اوافق بيك بس انت استغليت طيبتي،،،و عاطفتي وعرفت كيف تلعب علي ،،، و ما بقدر الومك لاني لو بالجد شخصيتي قويه ما كان ضغط علي نفسي عشانك كان فكرت في نفسي في الاول،، قال لي نون انتي واعيه؟؟ انتي كدي بتنتهي مني ،،قلت ليها اي واعيه وشديد كمان ،، ينتهي منك ؟؟؟؟ وليد اتخيل عرسنا بعض وجات امك او خالتك او ساره دي زاتها وقالت ليك كلام عني ،، انت كنت ح تصدقها طوالي حتي لو ما صدقتها كنت ح تكون شاكي فيني ،،، عادي ممكن تطلقني،، وقتها امشي وين؟ انت قبل ما تسمع مني قلت الزباله احسن مني ،، انا ما بقدر اعدي ليك اغلاط وقول يا بت عادي بيتعلم استحملي ؟؟؟ و اريتني لو بحبك ،، انت كنت عارف تمشيني كيف ؟؟؟؟ ،،ما رد بعد مسافه قال لي بس انا بحبك وعايزك انتي واذا قصدك علي قبيل فان ما قدرت استحمل حبيبتي والبت العايزها تكون بتلعب بي ،، قصرت معاها في شنو ؟؟؟، ضحكت قلت ليهو تصدق وتأمن بالله لو كان سألتني من الاول كان ح اجاوبك كان ح افهمك انو ايهاب ده جاني وانا رفضو رفضو عشان انا وعداك ،اتخيل اني اتنازلت عن زول جاهز عشانك ،، بس انت عملت شنو ،، ولحدي اخر لحظه ولحدي كلامك معاي انا كنت رافضه ايهاب ،،بس مجرد ما رجعت بيتنا لقيت ابوي بيقول لي اتقدم ليك ،،، متوقع اعمل شنو ؟؟؟ ارفض تاني ،،ابقى غبيه ،، وافقت،،،، ما قدر يرد، ،، يمكن اصدم ،،قال لي طيب انا اعمل شنو ؟؟ وحلامنا البنينها مع بعض ،،قلت ليهو معليش بنيتها انت براك ،،لاني بكون ساكته لمن تتكلم عن المستقبل خليتك تحلم ،،،، قال لي انتي بتقولي انا استغليك وانتي احسن مني انتي غشيتيني يا نون ؟؟ ،غشيتك؟ وليد ليه بتحسني انك شافع ،،ليه بتخليني اعايد كلامي تاني اقول ليك من اول ما جاني ايهاب رفضو ،،،عشانك انت ،،، تجي تقول غشيتني ،،انت اذا بس قبيل كنت قعدتني وسمعتني و ما قلت كلامك ده قدام صحباتي كان الوضع اتغير هسي كان حبيتك لانك قدرتني، ،وافهم البت لمن ما تلقي البيقدرها ما بتشوف اصلاا ،،لانو نحنا الحياة دي اصلا ضغط علينا فيجي كمان زول يضغط علينا زياده اكيد ما ح نستحمل ،،، قلت ليهو عموما لحدي هنا ونحنا كويسين لا بقول انت قصرت معاي لا بقول انا قصرت معاك ، وقفلت الخط ما خليتو رد ..... شلت نفس ،،حسيت هم في قلبي نزل حسيت يادوب انا متحررره وقادره اعيش حياتي واتنفس كويسس،،، جيت علي نفسي شديد في العلاقه دي زي ما قلت مها جبرت بخاطرو ونسيت خاطري، ،، معزوره وانا واقفه في النقطه دي ..
