نزلت من المواصلات وكلام مها في راسي ما داير يطلع ،،،، وصلت البيت اتفاجأت ب ابوي قدامي ،،، ده شنو ؟؟؟؟؟؟ انت جييييت متين و ييين؟؟؟؟ ضحك قال لي اخدي نفسك ،،، مسافه ما استوعبت جريت عليهو و انا ببكي من الفرح ،،، قال لي مش قلت لي اني مقصر معاكم ،،؟ اها شلت بعضي وجيتك طوالي ،، امي قالت لي اها جاك تاني دايره شنو ؟؟؟ نعرف بكاك ده حدو وين ؟؟ احداث اليوم كلها حولين ابوي نسيت وليد و نسيت انو د ايهاب قال ح يشيلني الماده ،،، زي المغرب كدا رشينا حوشنا عملنا شاي لبن ،،وقعدنا كلنا مع بعض اتونسنا ابوي يحكي لينا زمان لمن جاء اتقدم لي امي وكذا، ،، بالجد كنت مفقدتا الاجواء دي خاصه ابوي بعيد مننا،،، محمد سال ابوي قال ليهو انت اعمامي عندهم فكره انك نزلت السودان ؟ قال ليهم لااا جيت مستعجل ما كلمت زول كلها اسبوع بالااكتير وراجع ،،، قلت ليهو ليييه ليييه بالسرعه دي ؟؟؟ قال ليها والله يا بتي مضغوط وهسي يا الله قدرت اخد اجازه بس ان شاء الله اخلص الشغل العلي و ارسل ليكم تجوني هناك ،،واصلنا ونستنا تاني عادي، ، لحدي ما الوقت اتأخر امي قالت لينا خلاص لبكره عشان ابوك زاتو ياخدو راحتو، ،،فعلا كل واحد شاف سريرو ب وين، ،، قبل ما ننوم ايه قالت لي العدة قلت ليها بكره ما شغاله بغسلها ،، قالت لي تقومي بدري معنها قبل ما امي تغسلها قلت ليها لاا احسن اغسلها هسي لاني عارفه حركاتك كويس الصباح ،، شلت تلفوني وليد متصل اكتر من مكالمه رجعت ليهو قال لي وين انتي ؟؟؟؟ قلت ليهو ابوي جاء ،،،قال لي بالجد كويسس طيببب حمدالله علي السلامه !جاء متين ؟ قلت ليهو جيت لقيتو قاعد قال لي لاا كويسس ،، اتونسنا استغليت الوقت ده وغسلت العدة ،،، قال لي بكره ما شالغين ف اقري، ، قلت ليهو ولا بكذب عليك ولا بقدر ابوي جاي اسبوع بسس ،، قال لي فيها شنو لو الواحد جاء هسي اتقدم ؟ قلت ليهو احسن ،، قال لي شنو احسن ؟ انتي مفتكرني بحب فيك ساي لاااا انا عايزك لقدام و عايزك مرتي يا بسكوتي انتي ❤،، قلت ليهو لااا باذن الله،،، قال لي تمام لبكره ،،قلت ليهو طيببب ،، قفلنا علي كدا ،،خلصت العدة و السرير جاك زول ،،،فتحت الفيس ب جاي و بجاي جاتني صفحه د ايهاب ،،، فكرت ارسل ليهو طلب صداقه قلت لي نفسي ح تقولي ليهو شنو ،،، بطلي هبل ،، دخلت في صراعات كتيره في النهايه قفلت تلفوني ونمت ،،، تاني يوم مافي اي احداث غير الضيوف داخلين ومارقين فينا عشان ابوي جاء راجع،،، انشغلت مع الضيوف ،،، و الحمد لله ما شغالين جامعه،، ما ارتحت كدا محمد قال لي اعملي لينا قهوة في ضيوف قلت ليهو شوف ايه ،،قال لي قومي انتي ياخ ،،،ما فرقت ،،، سريع بعدين ،، قلت لي ايه ما تعمليها قالت لي انا تعبانه ،، قلت ليها اوووف ،، عملت من دون نفس وانا اصلا كدا كدا ما بعرف اعملها ،، المهم عملتها ،،، ناديت محمد وقلت ليهو تعال شايلها، ،، وقعدت في الصاله احساس ما قادره اصلا محمد جاني هو بيشيل في نفسو قال لي الحمد الله ديل اخر ناس تقرييبا، ،قلت ليهو اخيرررا ،، قال اي ،،،قال لي صحي الجبنه عملتيها كدا ليه ؟ قلت ليهو لاني كنت زهجانه قلت ليك ما دايره اعملها ،،قال لي كويس ابوي اصلا ما بيشربها والراجل تاني عندو سكري زاتو قال ما دايرها وانا ما قدرت اشربها بس الراجل ده كان معاهو ولدو كبير كدا الغريبه شربها ومنها عبايتين، ،قلت ليهو بالجد لدرجه دي ،،قعد يضحك قال لي جربيها بعدين ،،قلت ليهو امممم،، ما وريتني المجنون ده منو الجازف مجازفه زي دي،،قال لي اااا اسمو أيهاب قال شغال دكتور في جامعه،،، قلت ليهو إيهاب؟ و تلفوني وقع مني
