واقفت مسافه ما عارفة اعمل شنو ،،،واضح اني اتهجمت وهو زاتو ما كان متوقع احساس من قبيل خليتك في الجامعه جيتي هنا كيف ،،، مها سبقتني وبدت تسلم سلمت علي عم كبير لمن جيت لي ايهاب نظراتو كانت قوية وفي نفس الوقت جذابه بصورة غريبه، ،سمعت، ،و نهى اتكلمت قالت لي ابوها دي بت صاحبك احمد الشيخ ،،، قال لينا يا زوله ،،، كيف انتي واخبارك وابوك كيف ؟؟؟ قلت ليهو كلنا كويسين الحمد لله ،،جيت بجاي لصحبتي و ابوي قال لي انكم ساكنين هنا،،* اول مرة اشوف ابوهم ده * قلت ليهو حمدلله على السلامه و الحمد الله بقيت كويس ،،قال لي اهااا لاا كويسس،،، الله يسلمك يارب ،،بت منو صحبتك دي ؟؟ قلت ليهو اسمها سارة المأمون عبدالله،، قال لي اهااا ديل ساكنين هناك نهايه الشارع قلت ليهو فعلا،،، قال لي تمام ،،، اتونسنا شويه وانا حاسه اني قاعده في جمر ما قعدت في كرسي ،،،، ايهاب نظراتو من نزلت لدرجه ابوه لاحظ ،،، قال لي بتدرسي وين؟ قلت ليهو في جامعه ... قبل علي ايهاب قال ليهو مش بدرس هناك انت ؟ قال ليهو اي و الاتنين من طلبتي، ،،هو بعاين لينا ،،، نهى قالت ليهو بالجد، ،قبلت علينا قالت اها ايهاب ده تعاملوا كيف ،،، سكتا ساي ،مها قالت ليهو والله مافي كلمه عليهو ،،، ابوها قال لي نهى ما هم اكيد قدام استاذهم ما بيقدروا يقولوا حاجه ،،،، وضحك ،،، قعدت شويه تاني قلنا ماشين قال لينا الا تقعدوا قلنا ليهو والله مستعجلين، ،قال لينا تمشوا ليه ،، اقعدو ،،قلت ليهو والله ياريت بس براك عارف المواصلات وكذا ،، قال لي وانا تفتكري يابتي ح اخليك تمشي بالمواصلات!!!! ولدي ايهاب ده عندو عربيه يرجعكم، ،، قلت ليهو لااا مافي داعي قال لي لااا والله كمان، ،،، بعد جدل طويل عريض مافي اي لازمه ليهو،،، طلعنا وايهاب بس ساكت، ،،،واثناء ما طالعين جات البت اخت البت المتزوجه، ،،قالت ليهو ايهاب موصلهم؟؟؟ نهى ،،قالت ليها اي،،قلت ليها انا زايت طالعه ،،، قبل ما نطلع جات البت ديك سريع سريع ركبت قدام متوقعه واحده فينا ح تركب ،، ايهاب ما علق ،،،قلت ليها مشينا نصلكم مرة تانيه في السمح ان شاء الله، ،، ابوهم قال لي كدا كدا السمح جاينا ان شاءالله، ،،قلت ليهو لاا بإذن الله ،،ركبنا ورا ،،ايهاب اتحرك ،،، البت المعاها تتكلم مع ايهاب وتخخفف، ، انا و مها مستغربيين،هو برد ليها علي قدر السؤال وبس ،،في النهايه قالت لينا انتو ماشين وين ،، مها اتكلمت ورتها، ،قالت لي تقريبا انتي اقرب واحده نوصلك تاني صحبتك ،، بتتكلم ولا كانو العربيه حقتها ،،،و ايهاب ده راجلها، ،،اتغظت بس ما اتكلمت ،،اتحركنا مسافه ،، هي سالتو الجامعه كيف وكذا، ،، شغلك كيف ؟؟من بين كلامها قالت ليهو ما ناوي تعرس ،،، طق عايني وقت في عيون بالمرايا، ،طوالي قبلت ،،،قال ليها قريبب ان شاء الله، ،قلت ليهو بالجد لقيت ليك عروس؟؟؟،، قال ليها اي بسس انتي عارفه ما عارف اصل ليها ،،، قالت ليهو كيف ما قادر تصل ليها وهي قدامك، ،، قدامك دي قاصده بيها نفسهاا، ،، وانا افتكرت انها قاصدني،،، فاتخلعت وعاينت لي مها لقيتها زاتها مهجومه ،،، هو من هجمتي تضحك ،،،هي صلحتها قالت ليهو يعني قصدي شوف كويس بتلقها قدامك، ،،بس ما تضيعها،،قال ليها كلامك جاء في وقتو ،،، ،تلفوني اتصل ،، وليد ما رديت تاني اتصل ،،، ف اضريت ارد ،،قال لي وين انتي؟؟؟ قلت ليهو قربت،، راجعه علي البيت ،،قال لي ايواال طيبب خلي بالك من نفسك،،قلت ليهو حاضر، ،، وانت كمان، ،، ما انت كمان دي ،،، ايهاب زاد في السرعه ،،، مها جاتني قريبب قالت لي ما كان تردي هسي ح نروح فيها ،،، ما فهمت قصدها ،،، بس تاني فهمت لمن ايهاب بقى سايق بسرعه ،، حسيت انو داير ينتحر بينااا، ،،لا اراديا قلت ليهو ايهاب ؟؟؟؟؟؟؟؟،،، مع ايهاب شكلو عقلو رجع ليهو ،،، البت قالت ليهو من قبيل بقول ليك براحه ما سمعت لي هسي مع قالت ليك ايهاب ركزت؟؟؟،، ما رد ،،، ،قال ليها قبيل قلتي شنو زكريني،،اني المفروض ما اضيعها من يدي ،،،قالت ليهو اي ،،قال ليها يعني هسي لو جيتكم في بيتكم بتوافقي بي ؟؟؟؟،في اللحظه دي بالذات حسيت انو قلبي طلع من مكانو ،،، ف ،،،وبقيت بعاين ليهو ،، ما عارفه رغم اني بقول ما عندي لايهاب ده حاجه ،،بس مجرد ما قال ليها كدا ،،حسيت زي كاني مرتبطه معاها لي سنين ،،، و جاء هسي خاني، ،، مع اني ما بعرفو، ،، زاد اني مرتبطه ،،، بس جاني كلامو ده في جرح، ،، في انا زاتي ما عارفه مالي ؟؟؟ حاولت اتمالك نفسي، ، مها بس تعاين لينا ،،،البت قربت تطير من الفرح قالت ليهو كيف ما نوافق ؟؟؟؟؟،،، لا اراديا قلت ما خفيفه ،كنت متوقعه قلتها بيني وبين نفسي طلعن قلتها بصوت مسموع،،،ايهاب ابتسم ،،هي قبلت علي قالت لي انا الخفيفه ؟؟؟؟،،، علت صوتها خفيفه انتي والله و معاك صحبتك دي جاين لي ناس ما بتعرفهم بحكم انو ابوك بس بيعرفوا، ،،ولا راكبين في عربية ولدهم ،،مها قالت ليها ولدهم ده دكتورنا من الجامع وبنعرفوا معرفه شخصيا، ،،،قالت ليها نعمممم،، وتاني قبلت علي قالت لي عشان كدا كنتو عارفين انو ده ابوه وانتو اصلا جاين عشان ايهاب،، وتقول عني خفيفه انتي اشرت علي ...دايره تتم كلامها ،،،ايهاب وقف العربيه، ،،قال ليهااااا خلااص كفايه، ،،من قبيل بتصرخي فينا قالت ليهو اناااا ؟؟؟ دي البت ،،قال ليها ما تجيبي سريتها و ما تكوركي فيهااا ،،،، كلنا انظارنا بقت عليهو ،،،بتكلم كاني انسانه خاصه بيهو هو،،، اتحرك تاني بس المرة دي كلنا سكتنا ايهاب ما فتح لينا طريقه تاني نتكلم، ،،، وصلها هي ،،قالت ليهو وصلتني انا في الاول يعني ،، ما رد ،،نزلت وقفلت الباب بقوة ،،، اتحرك سريع ،،، اسال مها من بيتهم بضبط كدا ،،، وصفت ليهو ،، مها تعاين لي عشره عشره ،، نظام عايني ح يوصلني انا البعيده في الاول ،، وصفت ليهو لحدي ما وصلنا، ، نزلت ،،، عاين لي بالمرايا احساس ما ح تجي قدام ،، عملت نفسي ما فاهمه ،، اتحرك ،،، ما اتكلمنا ،،، وصلني قال لي بكره عندي محاضره معاكم تجي بدري ،،، هزيت ليهو راسي قلت ليهو شكرا، ،، ونزلت ،،، بعد ما دخلتا سمعت صوت العربيه اتحرك، ، ،، مشيت لي ابوي و حكيت ليهو الحصل ،،قال لي كويس وصلكم انا كنت قاصد اخليك تمشي ليهو عشان يوصلك ولد ما بخليك تجي المسافه دي كلها براك ،،، زاد انو اخوك محمد عارفه كويسس ،،قلت ليهو اااا كان تقول كدا ،،، انا بتصل ب محمد يوصلني ،،قال لي لااا مامشكله معاك صحبتك،،، سلمت علي امي و اخواتي،،،حكيت ليهم بقصد فاطمه، ،، والنسوان الفي الشارع،،علياء قالت لي علي ما اعتقد المرة الفي الشارع دي المره التانيه اي فاطمه المره الأوله ،،قلت ليها معقوله؟؟؟ قالت لي ما عارفه ده تخميني كدا ،،ولا ما كانو جابو سيرتها في الشارع،،ايه قالت عجبني ليهم كان نفسي اشوف منظرهم وانتي و مها داخلين عليهم ،، قالت ليها اسكتي طيرة عيونهم فوق،،قلت لي ليهم حق ،، علياء قالت ما واجعني الا فاطمه دي يا حليلها اهلها وين ،؟؟؟ و ما تطلع ؟؟؟ انا ما بعرف الوحده كيف بترضاء لنفسها الزله ؟؟؟ يعني واضح انو ما عايزه ما ترجع بيتها في داعي للعباطه دي ،،، قلت ليها والله انتي ما فاهمه هي عايزه تطلق بس براهو ما عايز يطلقها ،،قالت لي تمشي المحكمه تكلم اهلها ؟؟ قلت ليها ما معروف اهلها موقفهم شنو، ،،قالت لي مهما كان مافي اهله بيرضوا لبتهم كدا ،،،ايه قالت ليها كانك يا علياء هاجمتي البت شديد ،،قالت ليها لكن هي غاظتني، ،قالت ليها يا زوله ما علينا بيها ربنا يهون عليها وعلينااا،،،...
