ما وجعني بثينه حامل ،،لاا والله ان شاءالله يتربو في عزها ،،الوجعني و القهرني بالجد كلام عمتي انها اخيرا ح تشوف اولاد اولادها بالنسبه لبتي بسمه دي شنو ؟؟،، غاده جاتني قالت لي عان المرة الخرفانه دي قالت اخيرا قال على حس انو بسمه دي ما بت مروان ؟ النسوان دي وقسم بالله جنوا ،،، ما رديت عليها ساكته ساي ،، شويه جاء مروان بالبارد و الحلاوة،، و ما فضل ليهو الا يطير من الفرحه، ،، غاده قالت لي احسن نرجع، ،،قلت ليها لااا خليني ،،كنت قاصده اقعد دايره اوجع قلبي اكتر واكتر و اواجهه مشاكلي، ،ما كل مرة ح اجري ادس منها ،،جاء ماري بجي عامل نفسو ما شايفني او فعليا هو نم شايفني ما خلاص حبيبتو عايزه تجيب ليهو طفل ،،، البييت بقا جايط ،، واثناء ما انا شغاله عمتي قالت لي اعملي اكل لبثينه لانها ماشاء الله حامل ،،، كل انواع الاحتقار لاقاني الا نوع عمتي دي ،، وقت ما انتي بثينه دي عجباك كدا من البدايه رفضيها ليه ؟؟ جيباني انا ليه ؟ ما كنت مرتاحه في بيت ابوي لا علي ولا بي، ،، بثينه شكلها سمعتها قالت ليها لاا يا خالتي ما مشكله بعمل اكلي براي، ،،قالت ليها لااا والله انتي ارتاحي ،،فاطمه قاعده تعمل ليك ،،، قلت ليها وبسمه ،،،قالت لي وين غاده تشيلها ليك قلت ليها من قبيل غاده ماسكها،،قالت لي طيب جيبيها امسكها ليك،،، قلت ليها يا عمتي انتي لو ما بتقدري عليها خليها لي ما زي عمليه امبارح تحصل ، ،، قالت لي لاا بمسكها انتي بس اعملي اكل لبثينه دي ،، فعلا شالتها ومشت،، جات بثينه تعاين لي ساي ، قلت اخر همي انتي ،،، اثناء ما شغاله جاتني اخت مروان *نهى* قالت لي انتي هنا ،!قلت ليها اي ليه ؟ قالت لي بتعملي اكل لي منو الغدا لسه ،، قلت ليها اتخيلي لبثينه،، قالت لي ليه تعملي ليها انتي؟ هي يادوب حامل بتقدر تتحرك وتعمل براها، ،، قلت ليها امشي اسألي امك ،،قالت لي رغم اني ما بقدر لي امي دي لكن بمشي ليها ،،، قلت ليها خليها عليك الله ما ناقصه مشاكل ،، قالت لي خليك كدا طيبانه، ، لكن انا ح امشي ليها ،،وفعلا مشت ،، جاتني غاده، ، قالت لي سمعت كلامك مع نهى غايتو سميه دي ،،، شويه اسمع صوت بتي وهي بتصرخ،، و سامعه نهى تقول لي امي ليه خليتها، ،، جريت جري ،، شكلها وقت من السرير،،، * بسمه قربت تتم السنه * ،،، وتتبكي بكا اول ما شافتني مدت لي يدينها لو بتعرف تتكلم بسمه دي كانت قالت لي لي خليتيني معاها،،، شلتها وهي تبكي وتبكي تقول ما بكيت،،في العادة طبعها حلو لكن لو بكت تاني ما بتسكت بالساهل، ، والله لمن بكيت معاها ونهى دي شغاله لي عمتي انتي وقت ما بتقدر تمسكيها كان تخليها لامها ،،، قالت ليها انا بس مشيت اجيب تلفوني،،، غاده اول ما شافتني ابكي،، خلاص النسوان الفي البيت كلهم اتلموا فيني لا عرفين يسكتوني لا يسكتو بسمه ،، غاده قالت ليها عاد ما بسالك يا سمميه البت دي سمع اضاني وصتك علي بتها تقولي قلبها كان حاسي ،، انتي كما ام زيها،، كما عندك بت،، الفي البيت ديل كلهم ما عجبوك غيرها هي عشان تعمل لي ضرتها غدا ،، وضرتها اريتها لو في الشهور و ولادتها دي يادوبها، ، تخلي فاطمه تعمل ليها الغدا،،، علي صوت خالتي مروان جاء قال في شنو ،، عمتي قالت ليهو لاا ،،شافني ابكي و بسمه ما راضيه تسكت ،، قال مالهم! ،،حتى عمي* ابو مروان * جاء ،،، عمتي اول ما شافت عمي قالت ليهم البت وقعت وقعه خفيفه وهسي بتسكت، ،مروان عاين لي زي الداير فيني فرصه قال لي و انتي وين قاعده لمن تقع ،،،؟ بتعملي في شنو ؟ ما اكيد ما فاضيه ليها،،، حصلت صننه كدا و الجو اتكهرب ،، كلهم ركزوا معاي ،،، في عز زعلي ،، قلت ليهو اريدك كان تصلني تديني كف عشان اهملت بتي ،،، شلتها وطلعت ونهى وراي ،،،خالتي قالت ليهو ،، اصلا الخيابه فيك ،، قبل ما تقول ليها ما فاضيه ليها كان تقول ليها خليتي بتك ليه ؟،، مش تجي واقع فيها شكل،،، قال ليها عمتي انتي خليك حقانيه كمان ،،قالت ليهو انا ولا انتت، صحي الرجال ماتوا في كررري، ، سميه قالت ليها غادة الزمي حدك واعرفي حدودك كويس،، قالت انا ولا انتو ،، ياخ انتي لو ما بتخافي الله قولي ،، جايه شلتي بسمه من فاطمه مع انها قالت لي ما بتقدري بس انتي واصلتي، ، عشان شنو تعمل الغدا لبثينه مرتك يا الجاي تقول ما فاضيه، ،، شالو منها بتها عشان تعمل الغدا لمرتك او ممكن اقول ليها ضرتها،،في النهايه حصل شنو امك اهملت ليها بتها وخلتها ومشت في حين هي زي ما بتها بتك ،، ودي باعتبار انو حبوبتها ،،البت قاعده براها جات واقعه فيها شنو لو قالت لي تعالي يا غاده جنبها ولا يا نهى ولا لبثينه دي البيعملوا ليها في الغدا ،، وانا يا سميه بقول ليك حق فاطمه ح يفضل في رقبتك لي يوم الدين، ،،، اذا انت ولدك ما عايزنها معرسنها ليهو ليه ؟؟؟ جابرنها ليه؟؟، هنا بثينه اتكلمت بهجمه قالت جبرنها؟؟؟؟؟ ،،غادة قالت ليها لاا يعني ما عارفه انو زي ما راجلك انجبر هي زاتها بعافيتها انجبرت،،، وقت ما مروان عايزك ليه عرسها عشان يرضا امو ،؟؟؟ ،،و امو في زات نفسها جبرت البت عليهو ،،،، وكدا كدا بقت ما عايزها ،،، غايتو حسبي بالله ونعم الوكيل فيكم ،، بكره بشوف فيكم يوم كلكم ،،،طلعت علي كدا ،،،مروان عاين لي سميه ،،،، قال ليها شوفتي نهايه قراراتك ظلمنا بت في النص ،،،وطلع ،، بثينه قالت ليها طلعتي جبراهم الاتنين علي بعض؟ طيببب ليه وقت الاتنين ما عايزين بعض ؟،، ما ردت ،،،ابو مروان قال ليها تعالي وراي الصالون....
