بو ميار : احترم نفسك يوم بتكلم ميار
وليد كان بيمد ايده ع ابوها بس ميار صرخت عليه
ميار : ابوي هذا ابوووي
وليد انحرج وحس وده الارض تنشق وتبلعه تكلم وعينه بالارض
وليد : انا اسف اسمحلي عمي ماعرفتك ولا اعرفك من قبل اتمنى انك تسامحني ع اللي صار قبل شوي
وليد يا بيبوس راسه بو ميار رجع لورا
بو ميار : هذا ريلج؟
ميار متلومه : هيه ابوي لا تاخذ منه موقف الغلط مني انا لانه ما عرفتك عليه
بو ميار طالع وليد : اقعد اقعد خ نتعرف عليك
وليد قعد : اتمنى انك ماتاخذ مني موقف وانك تتفهمني
بو ميار : حصل خير بس قبلها تعال وافهم مب اتيي وتدرعم جي وانت مب فاهم السالفه
وليد : السموحه منك واعتذر منك مره ثانيه
بو ميار : متى عيل راجع من السفر؟
وليد استغرب سفر و رجعه ؟!! طالع ميار
ميار : امس راد
بو ميار : انا سالته هو
وليد فهم عليها : هيه امس راد
بو ميار : بتروحين عنا عيل اليوم؟
ميار : لا ابووي انا ابا اتم شوي كم يوم معاك واشبع منك قبل ما تسافر
بو ميار : لا سيري عند ريلج دامه رجع وانتي اي يوم تبين تشوفيني تراني موجود تقدرين تشوفيني اي وقت تبينه
