ام وليد : لا مب عيب داخله غرفة اخوها وبدلت الفراش وطلعت
مريم : و وين وديتوا الفراش؟
ام وليد : في المصبغه
مريم توترت : اي مصبغه؟
ام وليد : شتبين في المصبغه عندج شي خاشتنه بالفراش او المخدات
مريم متوتره وكان مبين عليها : لا ماشي بس انا اتعامل مع مصبغه ومتعوده عليهم هم ينظفون فراشي عسب جي بس تنرفزتمريم راحت عنهم
شوق : امييه شفتيها كيف توترت
ام وليد : هيه خ ايي وليد ونخبره بكل شي
صوب مريم : ان شاء الله ما شافوها يارب بس ما شافوهاع المسى وليد كان بعده في بيته قاعد ماطلع ام وليد وشوق يتريونه يرد البيت ، شوق دقت لوليد
شوق : وينك وليد
وليد : في بيتي في شي؟
شوق : هيه تعال بغيناك في موضوع
وليد : موضوع شو؟
شوق : يوم بتي بنقولك كل شي
وليد : اوكوليد قام وطلع ويالعندهم البيت دخل ام وليد دخلته معاها الغرفه وشوق دخلت معاهم
ام وليد بصوت واطي : نحن لقينا شي تحت مخدتك
وليد : انزين امييه بلاج جي تتكلمين !!
شوق : عشان الساحره ماتسمع
وليد : ساحره ! منو الساحره؟
شوق : حرمتك مريموه ساحرتنك وخاشه السحر تحت مخدتك شليته انا وخذته الافتاء ماقصروا بطلوه بنفس الوقت
وليد : سحر !! سحر شو انتي تتكلمين !!
ام وليد : الحمدلله يوم انك بخير و ما صابك شي
وليد : انتو متاكدين كان سحر !
ام وليد : قطعه ملفوفه عليها طلاسم ورسم داخل مخدتك شو بتكون غير سحر؟ ومنو ساحرنك مريم عرفنا من سالتنا عن الفراش وين خذناه
وليد : وصلت فيها انها تسحرني ! انا حسيت اليوم ع العصر بعرق ومخنوق لما نزلت عني بديت ارتاح وارتحت اكثر لما سرت بيتي ورقدت ع سريري اول مره ارقد وانا مرتاح ومطمن ومرت علي امور وايد وميار كانت ف بالي طول الوقت
شوق : وليد انت لازم تطلقها هاي تجرأت وسحرتك خربت عليك بيتك
وليد : ما راح اخليها ع ذمتي الحين بطلقها