وليد : ميار انا احبج واموت فيييج و مابا غييرج "مسح دموعها" يلا غسلي ويهج عشان ننزل ناكل
ميار : مابا اكل مابا شي سديتوا نفسي عن كل شي
وليد : ميار اوعدج ما سويلها سالفه ولا اروح لعندها بس نزلي معاي يلا
ميار : ما اصدقك
وليد : انا وعدتج يلا تعالي معاي
وليد خذها للحمام وغسل ويها ، شل شيلتها حطها ع راسها وطلعوا مع بعض لهم
شوق : ليش بدلتي ومسحتي الميكب بعدها العزيمه ماخلصت
ميار : بالنسبه لي خلصت
ام وليد : يلا دام ميار يت يلا قطعوا الكيك خ ناكل
قطعوا الكيك ميار كانت حاضنه وليد ومبين عليها انها زعلانه ، مريم يت صوبهم
مريم : شدعوه علييج جي متقبضه فييه مابيطير ترا
ميار ماهتمت لها وليد بعدها عنه
وليد : تعالي يلا ناكل عسب ندخل داخل ع طول ادري الجو مب عايبنج هني
ميار : مالي نفس اكل انا بروح اقعد عند شوق انت خلص وتعال
وليد : ميار بزعل علييج اذا ماكلتي
ميار : اوك باكل معاك بس بروح عند شوق
ميار راحت تقعد عند شوق
شوق : شوفييج ليش محتزنه
ميار : من العقرب عفست لي يومي كله وضيقت لي خاطري
شوق : شتبينها خ تولي اهم شي وليد معاج تسوي اللي تسويه بالنهايه وليد منو يحب؟ ويبا منو؟ انتي طبعا ليش معوره راسج
ميار : شووق انتي ماشفتيها كييف تتلمسه امووت بداخلي مابا وحده تقرب من ريلي
شوق : اعرف بس الغلط هني من وليد انه عاطنها ويه من انها تتقرب منه المفروض تكلمينه عن هاي النقطه انه مايسمح لها تتقرب منه
ميار : والله قمت اشك انها ساحرتنه
نهيان : اوففف سحر عاد
ميار صدت له : انت بلاك قاط اذنك معانا
نهيان : صوتج عالي وسمعتج ابا اسالج سؤال ميار صدق
ميار : شعندك؟
نهيان : انتي جمالج جي طبيعي من الله ولا مسويه عمليات
ميار : مالومك اول مره تشوف وحده جميله وبهذا الجمال اسال شووق معاي من يوم كنت صف اول هي بترد علييك
شوق : طبيعي يدتها روسيه عشان جي
نهيان : صدق والله يدتج روسيه؟ من جي انا اقوول الجمال من وين ياي
ميار : خلاص خذت الاجابه؟ يلا رووح خ اكمل سوالفي
نهيان : انزين قبل ماروح ماعندج اخت؟
ميار : لا انا وحيده بين اولاد الحمدلله
نهيان : حسافه بس عادي بترياج لاخر عمري عندي امل بتكونين يوم من الايام حرمتي
ميار : انت بتروح ولا اقوم؟
