شوق بندت
وليد : انتي ماتعرفيين تسوقين شوو؟ ولا متعمده تشحفين سيارتي
ميار : سوري بس انت وايد كنت لاصق عالشارع ف ماكنت منتبه
وليد : الحين اتيين المطعم
ميار : ليش بتعزمني؟
وليد بنفعال : بنخطط الحادث
ميار : وييه ع بالي بتعزمني مابيي الصراحه مب فاضيه وبعدين تراها شحفه عاديه ودها اي كراج يعدلها لك
وليد : برووح بس انتي بتدفعين وبتعدلين سيارتي
ميار : اوك خبرني وين وانا بسير ادفع
بعد ساعه وليد قال لميار اتي لعند الكراج ميار نزلت ودخلت لعنده وليد استغرب انها نزلت
وليد : ليش نزلتي !!
ميار : شو ليش نزلت مب انت قايلي ايي اهني "بغرور" ولا تغار من اني انزل نفس هاي الاماكن
وليد : شدخلني فييج اغار او ما اغار
ميار : زيين خلصني كم تعدليها؟
وليد قالها السعر ميار طلعت البيزات وفرتها علييه وراحت ، ولييد مات ف داخله وعصب من الحركه اللي سوتها ميار علييه كان بيسير لعندها بس مسك عمره ، ميار راحت عنه وهي تضحك .. ع المسى وليد بعده معصب من موضوع ميار ودوده داخله يبا يردها فيها بس مب عارف كييف ، كلمها ع الواتس
وليد : ما تحسين انه اللي سويته اليوم واييد غلط؟
ميار انتبهت ع تلفونها وليد مكلمنها ردت عليه
