ميار : لا حار
وليد : منو هذا الي معاج !!!
ميار توهقت : اخوي
وليد : جذابه
فهد يضيف ميار : عليج بالعافيه
وليد بعصبيه : ميار انتي وييين؟
ميار : في بيت عمتي مع امي
وليد : انا مب قايلج ماتسيرين؟ ليش كسرتي كلمتي وسرتي؟ ممكن تفهميني !!
ميار : سوري بس امي قالت ما بتسير روحها وسرت معاها واصلن الحين بنرجع
وليد بصراخ : نص ساعه واشووفج عندي فالبيت تفهمين؟؟
ميار : ان شاء الله
وليد بند بويها ، ميار تطالع امها واتاشر لها "يلا بنروح"
ام ميار : يلا عيل نحن نستاذنكم بنروح
ام فهد : لا وين سايرين خلكم للعشاء حاسبين حسابكم
ام ميار : ميار مستعيله تبا تروح
ام فهد : ميار شعندج قعدي شووي الحين بنحط العشاء لا تروحين بدون ما تاكلين
ميار منحرجه وتفكر بوليد بنفس الوقت شو بسوي فيها لو طولت اكثر تمت قاعده حول النص ساعه ، حطت تلفونها ع السايلنت ، طالعت فهد
ميار : اممم متى بتحطون العشاء؟ لانه ولدي يرقد من وقت ماقدر اشله اذا رقد
فهد : عادي انا بشله لج
ميار بداخلها : هيه عسب يطلقني بنفس الليله
تمت تشوف الوقت وخايفه وطفرانه بنفس الوقت كل شوي تشوف تلفونها وتشوف اتصالات وليد اللي ماسكتت كل شوي يدق وكل شوي تاشر لامها تبا تروح ، وامها ساحبه عليها ، لين نادوهم للعشاء ، قامت بسرعه تاكل وتاكل راشد معاها ، وقامت ع طول
