بعد 6 شهور بالضبط رجعوا من السفر و استقروا في بيتهم ، بعدها بيومين طلعوا من بيتهم رايحين بيت ام وليد عازمتنهم ع رجعوهم البلاد ،، ع المسى وصلوا وسلموا عليهم وقعدواام وليد : والله اني متولها عليكم ومتولها لحفيدي وايييد فدييت ريحتك ياعمري والله شلوك عني وحرموني منك مابيكم تاخذونه عني خلاص هاي المره الاولى والاخيره انتو بتسافرون كيفكم بس حفيدي يتم عندي
ميار : هههههههه لا عمووه اصلن ولدج طفربي لوع بجبدي طوول السفره وخلاص قررنا نستقر فالبلاد وانا بعد لاعت جبدي الصراحه
وليد : من البدايه اقولها انا مب جووي سفرات وماتحمل اكوون بعييد عن امي
ميار : للاسف الله بلاني بزوج مايحب السفراتشوق دخلت وسلمت ع وليد ويت بتسلم ع ميار ، ميار سلمت عليها بدون ما تهتم لها ، شوق قعدت حذالها
شوق : شخبارج شو السفره معاكم
ميار بدون نفس : زينه الحمدلله
شوق : والله تولهنا عليكم بس مثل ما انتو ما تغير فيكم شي بس رشوود حبيبي وايد ضعفان شو ما تاكلونه انتو !
ميار طالعتها بطرف عينها : ناكله حبيبتي شو قالولج معيشينه ف مجاعه
شوق : امييه مب ضعفان؟ تذكرين قبل ما يسافرون كان دبدوب ومخدد الحين جلد ع عظم