ع الصبح في جامعه من الجامعات دخلوا مع بعض الكلاس لطيفه و شوق و ميار وساره قاعدين في قروب واحد بدا الكلاس الاول وبعدها الثاني وبعدها بدا البريك وطلعوا من الكلاس يتمشون في حديقة الجامعه
لطيفه : والله فيني كيلو رقاد اتخيلوا بنات مب راقده غير ساعه او يمكن حتى مارقدت
ساره : اوييه من مصدقج كيف مب راقده
ميار : اصلن شوفي ويها كيف فييه كيلو رقاد
شوق : شعندج ليش مب راقده شو كنتي تسوين
لطيفه : اكلم حمدان
شوق : ههههههه سهرانه ع صوته؟ لاحقه علييه والله
ميار : بدال القرقره الزايده ع اخر الليل جان رقدج ع صوته
لطيفه : خذتنا السوالف مع بعض وطاف الوقت
ميار : هه مالت بس اقولكم انا بطلع بمر كوفي بتيون وياي؟
شوق : لا بتسحبون ع الكلاس عقب؟ روحه غياباتي وايده ابا ايمعها لعقب
لطيفه : انا بي معاج ساره تعالي معانا
ميار وساره ولطيفه قاموا طلعوا مع بعض ركبوا السياره مروا لهم كوفي نزلوا وقعدوا
ساره : انا بسير الحمام
ساره قامت سارت الحمام
ميار : ليش قلتي لها اتي ويانا والله انتي لطوف مرات عليج حركات تقهريني فيها
لطيفه : غمضتني وبنفس الوقت جاملتها ماتوقعت انها بتوافق اتي معانا
ميار : اففف الحين ماقدر اسولف وياج ع راحتي
لطيفه : انا مادري ليش للحين تخشون عنها وانا عاقه عفشي كله عندها
ميار : ما اثق فيها والله
لطيفه : هذي يت بس سكتي
ساره يت وقعدت : ها شو حشيتوا من وراي؟
ميار : يعني شو بنحش فيج
ساره : انزين يلا خ نلحق للكلاس قبل مايبدا
لطيفه : مالي خلق اروح الصراحه
ميار : ولا انا تبون نطلع نتمشى الجو حلو
لطيفه: هيه يلا قومي
ساره : احس ابا ارد
لطيفه: ياخي شو فيج انتي الا هو يوم واحد لا تخربين علينا
ساره : زين بس اليوم
