وليد دخل البيت اخر الليل الخدامه كانت تترياه في المطبخ شافت وليد نادته وليد راح لعندها
وليد : في شي؟
الخدامه : انا سمعتها تتكلم في التلفون مع واحد اسمه منصور
وليد : وغيره؟
الخدامه تراويه السويره : عطتني هذا عشان ما اخبرك
وليد : اوك سيري رقدي انتي الحين
وليد راح الغرفه شاف ميار راقده صعد السرير وركب فوقها ومسكها من رقبتها ميار نشت مفزوعه
ميار : وليييد شو تسوي انت !!!
وليد والشر طالع من عينه : منو منصور؟
ميار توترت وعرفت الخدامه خبرته : وليد هدني شو قاعد تسوي انت
وليد بنفعال : قلتلج منو منصور قووولي؟؟ هو نفسه اللي لمسج؟ قووولي
ميار : وليد خنقتني قووم عني
وليد بنفعال : منوو منصور اللي تخونيني معاه
ميار : هدني وبقولك كل شي
وليد بعد عنها ميار قامت من السرير
ميار : مينون انت تبا تذبحني
وليد : خلصيني شسالفتج مع منصور
ميار : هو نفسه اللي خطبني ولما عرف اني تزوجت شافني بالكوفي وهددني قالي ابا اشووفج ولا بي لين عندج خفت كلمته "بتردد" وقلت له بشوفك وشفته بنفس اليوم اللي كنا انا وانت متهاوشيين
وليد الغيره كلته ومد ايده عليها وميار تصارخ
وليد : ليش قصيتي علي ليش جذبتي وقلتي حشرات وجسمج واضح انه حد معتدي علييج ليش ماخبرتيني
ميار : شو تباني اخبرك؟ اقولك طلعت مع غيرك وجي سوالي؟ طبيعي اني بخش عنك
وليد قرب منها : شو اللي صار بينج وبينه؟
ميار : والله العظيم ماصار شي بيني وبينه غير الكدمات بس والله ماصار شي اكثثر من جي
وليد بصراخ : جذابه ماصدقج انتي خاينه تطلعين مع غيري وتروحين معاه وتبيني اصدقج !!
ميار : انا ما خنتك بس انجبرت اطلع معاه لاني كنت خايفه ايي عندي البيت
وليد : كنتي تقدرين تخبريني وتقولين لي بس فضلتي السكوت وطلعتي من وراي كيف تبيني اثق فيج الحين؟
ميار : والله اللي اقولك صدق ماصار شي اكثر و ماشفته غير مره وحده
وليد : شو تبيني اسوي فيج الحين؟
ميار : ليش مب مصدقني؟
وليد : ماقدر اكمل حياتي مع خاينه انتي طالق
