ميار : هيه لو ما ادخل ابوي ما كان بيطلقني
وليد : انزين عندي لج راي؟ تسافرين انتي وتخلين الولد عندي
ميار : مستحيل ما اسويها لا الحين ولا عقب انا قاعده هني وهو بالغرفه احاتيه كيف تباني اسافر بعيد عنه وهو هني
وليد : بس هو مب مكان غريب مع ابوه واهله
ميار : لا وليد ماقدر والله روحي متعلقه فيه ماقدر اخلييه
وليد : عيل كيفج مابخليج تسافرين معاه ولدي مايسافر بعيد عن ابوه
ميار : وليد محد معاي وبنتم انا وهو روحنا
وليد : قلتلج انا موجود ميار لا تنهين وجودي عن حياتج
ميار : بس نحن منفصلين وليد
وليد : قلتلج بنرجع
ميار : زين
ميار اتضايقت لانه وليد رفض انها تسافر مع اهلها وخاصه انها بتم روحها بالبيت بدون اهلها ، وليد حس عليها تقرب منها وسحبها بحضنه
وليد : شفيج متضايقه ماتصبرين عن اهلج يعني؟ حتى انا ما اصبر عنكم بتختفين عني شهرين واكثر تبيني اتخبل و ولدي بعيد عني؟
ميار : بس بعد محد وياي هني
وليد : ردت قالت محد وياها !!
ميار : وضعنا ما يسمح
وليد : انزين عندي لج راي تسافرين اسبوع وترجعين بس
ميار : اسبوع بس !! ليش اقص ع عمري واسافر اسبوع معاهم و ارد هههههههه
وليد : انتي تبين تسافرين شو اقولج بعد
ميار : انزين ماعلينا متى بتسجل راشد باسمك؟
وليد : باجر ان شاء الله كل شي يديد بيكون منربط فيني
ميار : كفايه انه طالع نسخه منك وحامي طول حملي علييك اتوقعت بيطلع يشبهني موول مايشبهني من ولدته لليوم طالع عليك
وليد : واضح من حبج لي
