، بعد عنها انسدح حذالها هالوقت لطيفه كانت فاقده طاقتها ومن التعب رقدت ، ع الصبح نشت وحست ع عمرها قامت من السرير ع طول تلطم ف عمرها وتصيح
لطيفه : شسويت فيني الله ياخذك وياخذ اليوم اللي عرفتك فييه حسبي الله علييك ياحمدان الله ياخذك يارب
شافت الزجاج ع الارض ، قامت دخلت الحمام تسبح بعدها طلعت حاولت انه تشل الزجاج وتنظف بس انجرحت وخلته ، جهزت للجامعه بتروح طلعت نزلت تحت عند عمتها
لطيفه بداخلها : والله مالي ويه احط عيني بعينج عسى الله ياخذ ولدج وارتاح من هالحياه
راحت تسلم ع عمتها وهي متوتره ومرتبكه
لطيفه : عمتي وانا راقده ماعرف شو اللي كسر زجاج البلكونه لو اييون العمال يعدلونه الحين لانه بكون في الجامعه احسن
ام هزاع : ويييه انكسر وايد ولا شوي !!
لطيفه : الباب بس انكسر
ام هزاع : يلا ماعليه انكسر الشر
لطيفه : تبين شي مني قبل ما اروح
ام هزاع : سلامتج
لطيفه طلعت ركبت مع الدريول يوصلها الجامعه نزلت وسارت كلاسها وهي شاله هم الدنيا فوق راسها وماتبا تقول لحد ابدا تحس انه ماتثق باللي حولها ، شوق دخلت وسلمت ع لطيفه ، لطيفه سلمت عليها بدون ماتشوفها
