ساره نزلت عنه ، حمدان حرك مسك تلفونه شاف لطيفه متصله له وكلمتنه اكثر من مره كتب لها
حمدان : شو تبين؟
لطيفه : شوفييك ماترد علي حمدان !!
حمدان : شو شوفيني !! انتي ناسيه شو مسويه لاتسوين عمرج غبيه الحين
لطيفه: حمدان يعني من زود ما اطلع مع ربيعاتي عسب تزعل علي؟
حمدان : مب مشكلتي انا مب متفق معاج اذا طلعتي او سرني مكان تخبريني قبلها وانا اقولج تروحيين او لا
لطيفه : هيه
حمدان : انزين شو صار اليوم ليش ماقلتي لي؟
لطيفه: لاني كنت مدوخه ولا تنسى امس سهرانين مع بعض ف لازم تعذرني
حمدان : اعذرج؟ لا حبيبتي مافيها اعذار اظني مب اول مره تسوينها ترا كل مره اطوفها لج اقول باجر تتغيرين
لطيفه : اسفه والله اسفه بتغير والله بس لا تزعل علي
حمدان : كل مره نفس الكلام ماشي فايده
لطيفه : دخيلك حمدان والله بتغير ان شاء الله وبسوي اللي تباه بس لا تزعل علي انت
حمدان : والله بفكر ارضى علييج او لا
لطيفه : تفكر بشو !!
حمدان سحب عليها لطيفه قعدت تتصل له لين رد عليها
حمدان : شو تبين انتي حاشره تلفوني
لطيفه : اكلمك ماترد علي شو تباني اسوي؟
حمدان : شو تبيني ارد علييج عدلي من اغلاطج وعقب برد علييج
لطيفه : قلتلك بغيير شو فييك للحين زعلان
حمدان : اوهووو مب زعلان
لطيفه : انزين شو اللي تباه عسب ترضى علي؟
حمدان : تطلعين معاي باجر؟ عارف ردج لا
لطيفه : انت تدري اني ماقدر اطلع معاك لازم تفهمني
حمدان : لا مب مشكلتي دام اللي احبها ماقدر اشوفها اي وقت اباه وفوق هذا تزطط علي بالطلعه ماقدر اشوفج الا مره كل شهرين وتذليني ع الطلعه
لطيفه : انت تعرفني من البدايه اني انا مب مال طلعات ليش تعلقت فيني
حمدان : شو اسوي قلبي حبج
لطيفه : خلاص عيل لا تقعد تلومني تدري اذا لقيت فرصه بقولك بشوفك
حمدان : انزين ابا اشووفج باقرب وقت متولهه علييج و ع شوفتج
لطيفه : ان شاء الله بحاول
حمدان : شو لابسه الحين؟
لطيفه : يعني شو بلبس لك الحين اخر الليل شرشف صلاه بقوم اصلي الوتر وبرقد
حمدان : زين تصبحين ع خير
