وليد : ممكن تسكتين غاليه
غاليه : ليش شو قلت انا عسب تسكتني؟
وليد : ممكن ماتطرين ميار؟
غاليه : ماطريتها بس قاعدين نسولف عادي
وليد وقف : تصبحين على خيروليد راح عنها ، غاليه استغربت من ردت فعله
غاليه : شفييه هذا مايتحمل اطريها جدامه
ع الصبح وليد قام وقعد يتريق ، غاليه نشت شافت وليد محد ، قامت ع طول راحت المطبخ شافته قاعد يتريق
غاليه : صباح الخير
وليد : صباح النور
غاليه : اول ما فتحت عيني مالقيتك وين تختفي انت زين لقيتك عسب اتريق معاك
وليد : انزين غسلي ويهج عالاقل
غاليه : باكل عقب بدخل الحمام
وليد وقف : يلا انا بطلع
غاليه : شل ولدك معاكوليد راح يشل راشد وطلع ، رايح صوب بيت اهل ميار ، دق ع امها
ام ميار : ميار شكله وليد يايب راشد قومي طلعي له
ميار استانست وطلعت ع طول له ، شلت راشد وقعدت تبوسه مشتاقه له ، طالعت وليد
ميار : عمري ماتوقعتك تسويها وتدخلها بنفس البيت اللي دخلتني فييه و مرقدنها ع فراشي ، وليييد انت ماعندك قلب ولا تحس قلبك ميت واسود
وليد : المسى بي اشل عنج الولدوليد راح عنها ، ميار مقهوره منه وشوي بتنفجر ، دخلت البيت وهي بعدها مقهوره ، امها شافتها