ع المسى ميار قامت تجهز لشوفت ولدها وحبت تتنكر عسب محد يعرفها ، لبست باروكه مايله عالبني وضبطتها عدل وطلبت فاونديشن اغمج من بشرتها بوايد وسوت ميكب يخفي ملامح ويها عسب محد يعرفها ولبست قفاز ولبست عباتها وشيلتها وطلعت رايحه صوب بيت اهل وليد ، وصلت ودخلت راحت لين عند شوق ، شوق استغربت منها
ميار : عرفتيني انا ميار
شوق : يمه والله ماعرفتج شو مسويه بعمرج انتي !!
ميار : مابا حد يعرفني وين ولدي؟
شوق : داخل في غرفه وليد دشي الفيلا من باب المطبخ محد موجود داخل
ميار : مشكوره شوق
ميار راحت لباب المطبخ ودخلت بدون محد ينتبه لها ، دخلت الفيلا وراحت غرفه وليد شافت راشد راقد ع السرير راحت لعنده شلته وحضنته
ميار : حبيبي شو مسوين فيك ليش جي قاصين شعرك ولهت عليك ياعمري انت فديتك وفديت ريحتك
ميار تمت معاه حول الساعتين شوق دخلت عليها
شوق : يلا طلعي بسرعه وليد ياي مابيه يشوفج
ميار : اوكييه
شوق : انا بتقدم بحاول اني اشغله وانتي طلعي
شوق طلعت ميار تمت تبوس ولدها وتحضنه وطلعت عنه وهي تمشي وليد خطف صوبها وميار صدت عنه تحاول ماتحط عينها بعينه وليد قرب منها مسكها من خصرها ودزها عاليدار
