مصحه ألم

بارت السابع

السلام عليكم
مصحه ألم
قراءه ممتعه

نيران ...

كعدنا الصبح من وكت استلمنه البيت غسل وتشحين
عمتي سوت الغده
وره الغده ران راحت تحضر نفسه للعرس
كملت تجهيز واخذهم إياد
الولد طلعو للشغل بقى بس علي نايم
وعمي داخل بالغرفه يقره قرآن
طلعة كتاب وسويت كهوه وكعدت أقر

سمعت صوت وراي يكول
- كعدتج هاي مو بالعراق بلندن

- الواحد من الضوجه يروح لعالم ثاني ما يشبه عالمه الي عايش بي

قره اسم الكتاب وكال
- قصص خياليه تقرين

هزيت راسي بعلامه أي وكال
- ابقي عايشه بهذا العالم الخيالي

- اذا تريد عندي كتاب ثاني انطي الك

- لا ما يحتاج

بقه كاعد مقابيلي واني اقره
وبيه طبع انعفل بالي اقره
لازم انطي رائي حتى لو ما يسمعوني
بوسط انفعالي رفعت راسي
شفته يباوع الي ويبتسم

خليت ايدي على ركبتي بتوتر وفشلانه من نفسي
وكلت
- نفعلت زيادة عن اللزوم

- رده فعلج حلوه

رجعت عيوني للكتاب وكال
- بعد كم سنه وتتخرجين

- ٣ سنوات

- وشسوين بعد التخرج

- اكمل تعليمي واطمح اخذ الدكتورا واكون أنجح دكتوره بالعراق

- اها بيه الخير

رجعت اقره هوه اجاه اتصال وكال
- اني طالع شوي يم الباب

هزيت راسي اله وطلع
شوي ودخل مجتبى و علي كعدو يمي

مجتبى ' اي ست نيران شنو ماكو ضايفه

- لا اكو تدلل شتريد اقدم الك اصابع جبار لو زنود حسوني

- لا كراعين سجاد

علي
- صار لعبان نفس

- هوه شعندج غير الجاي والكعك

- تمام

سويت الهم جاي وكعك وكعدت بقو همه يسولفون واني اقره للمغرب خابر عليه قيس

- همزين ذكرت عندك اخت

- ادري بيج بيت عمي ويمج الولد مأمن عليج

- شوكت نرجع للبيت

- ما اعرف البنات يردن يرحن ويه الزفه

- اها وانت تروح

- لا ابقى انتظرهم بالبيت ، شنو ضجتي

- شوي بس عادي لا تتأخرون عليه

- تمام سدي من يمج

علي
- شنو ضجتي تردين ترحين

- اي

مجتبى
- صايره منعزله كلش

- صايره ارتاح بالبيت اكثر من اي مكان