مصحه ألم

26

السلام عليكم
مصحه ألم
قراءه ممتعه

الندم على قرار اتخذ بساعه غضب
مثل الموت البطيئ

...

نيران..

أخذنا كل اغراضنه من البيت وستقرينا بيت عمي
أخذنا غرفه كعدنا بيه سويه
البنات ضايجات مثلي لان طلعنا من بيتنا
وقيس ولا هامه عنده كلام عمي مسموع

نحاول نتأقلم مع الوضع بس ماكو

يوم جمعه الكل طالع من البيت باقيه ويه
خواتي بالغرفه رفضنه اروح وياهم
قررنا نبقى ونسولف سوه

موج ' اني مخنوكه حاسه راح يصير شي ويانه

جنات " اني هم مثلج بس شنسوي إذا قيس
راضي بهاي المهزله

نيران ' اكول الكم شغله بس ما اريده يطلع ابد

تقدمن عليه بسرعه وعدلن كعداتهن
وبصوت واحد كالن

- احجي

- عمي يريد يزوجني لشخص

موج ' وشمدريج

- دريت عندي استخبارات

جنات ' اها مو اكول ليش بقانه هنا طلع مو حب بينه

نيران ' ههه يبقي نيران بيته ولا وابنه يريدها
شبيج بابا ليش تشوفن عمي بالوجه الحلو

موج ' تره حباب هوه مو مثل ما انت مفكره

' لا حباب ولا شي تره يمثل وعمي من يومه ما يطيق
وجهي يبقيني يمه عايشه وهوه يعرف علي يريدني اله!! وهم عمي رافض فكره زواجنا من اصوله

جنات ' يعني قصدج عمي بقانه بس حتى يزوجج

- اي ماعنده سبب ثاني يريد يتخلص مني حتى ما يفكر علي يتزوجني والا هوه اخر همه اذا تزوجت

موج ' لا دكولين هيج تره يبقى عمنا

- تمام خل اجي وياج ، عمي ليش ما فكر يأخذنا من تيتمنا ليش هسه بذات من حيدر مات هاا فكري بيها

موج ' لان جنت ادرس ومدرستي بعيده تصير عليه

- موج راح اركعج غبائج مو مال مهندسين

جنات ' انتِ هيج تتوقعين

- مو بس توقع متأكده،  تعالن وياي عمي ليش
ستعجل بخطوبتي من حيدر رغم هوه جان قابل وره
الامتحانات ننخطب هاا تذكرت من خابر عمي بابا وبقى يحدد وياه موعد لخطوبتي وطلب بالتحديد علي ما يعرف وهم نعقد قبل لا يجي حتى ما يخرب

شكلجن نسيتن

جنات ' لا تنسين جنتي خايفه من علي ورفضتي

- صح رفضته لان جنت اخاف منه بس عمي ما فكر هيج عباله انسى خوفي من نزوج راجعن الماضي وشوفن الحاضر

بقن ما مقتنعات بكلامي عبالهن مجرد تفكير زايد

- الايام هواي وراح تشوفن حقيقه كلامي