مصحه ألم

حلم

السلام عليكم
مصحه ألم
قراءه ممتعه

نيران...

بقيت ما مستوعبه الي يصير وياي
اباوع على المكان مو غريب عليه
رجعت راسي على الدكتور وكلت

- اني وين

- بالغرفه

كمشت راسي من الصدع والتفكير
اريد افتهم شنو الي يصير وياي
ليش ذاكرتي تخوني سمعت صوت خطواته

- اهدئي شويه واشربي هذا المي

رفعت راسي شفته مقدم الي كلاص المي
اخذته من ايده شربت منه شويه واخذه مني
سحب الكرسي وكعد مقابيلي وكال

- اسمعج

- اني شسوي هنا مو طلعت ليش رجعت

بقه صافن عليه وكال
- منين طلعتي

- منا

- ما طلعتي منا

- شلون بس اني طلعت ونخطبت

باوعت على ايدي ادور على الحلقه بس
ماكو غمضت عيوني بقوة اريد اتذكر شي

- لا تعبين نفسج بالتفكير
حاولي تهدئين اعصابج
واني موجود بكل الاوقات شوكت ما تحسين
نفسج عندج القدره الكافيه تحجين
احجي واني اسمعج
هسه كل الي اطلبه منج تنامين

رجعت نفسي على الفراش وهوه بقه وياي
ويحجي بهدوء وبعده طلع
استسلمت للنوم

ثاني يوم حسيت نفسي اكدر احجي
حجيت اله كل الي صاير الي
ودموعي تنزل كدامه
خلصت وقدم الي كلاص المي واخذته منه
وايدي ترجف بالكوه سيطرت عليه
وخليته بين شفافي صار الكزاز يطك بين اسناني
شربت شويه وبعده اخذه مني

- نيران اهدئي كل الي شفتي وهم

صفنت وكلت بصوت ناصي بمحوح من البجي
- شلون

- انتِ ما تعرضتي لا للخطف ولا للاغتصاب
ولا شي صار وياج من هذا الحجي
حتى ما منفصله من خطيبج الأول
هذا كله وهم

راح اكول الج الحقيقه والوهم راح تعرفي
من كلامي

انتِ تعرضتي الحادث سير
و فقتي اهلج وبعده اجيتي الي
وانت طالبه بعدج بالجامعه
وخطيبج حيدر مابي شي موجود
اما علي بعده ابن عمج مو خطيبج

- بس شلون اني متأكده من كلامي
وهذا الي عشته والي حسيت بي شلون يكون وهم
دكتور لا تجذب عليه فدوه كول الي الحقيقه

- احنه بأي سنه؟

هزيت جفتي
- ما اعرف ما اتذكر

- احنه بسنه ٢٠١٣ بتموز
اما الاحداث الي كلته كله مال وحده
متخرجه من جامعه الطب بسنه ٢٠١٨
واحنه بعدنا بالبدايه

طلع الي التليفون وشوفني التقويم
شفت السنه بقيت صافنه معقوله الي يصير وياي
كل الي شفته والي عشته وهم من خيالي