مصحه ألم

بارت ثاني عشر

السلام عليكم
مصحه ألم
قراءه ممتعه

نيران....

صادف يوم جمعه كاعدين اني والبنات بالحديقة البيت
ونسولف دك الباب بقينه نتعازم منو تكوم وتفتح
اندك مره ثانيه وكمت سحبت الشال وخليته على راسي

فتحت الباب لكيت ولد شاب وياه ٢ نسوان

- تفضلو

تقدمت عليه المره وكالت
- هذا بيت ابو قيس

- اي خاله

- جاين الكم بطلب

رديت الباب واشرت للبنات يدخلن جوه
دخلن النسوان للبيت والولد بقى بره واكف ما دخل

البنات سون الضيافه وخلني اني الي اقدم واكعد يمهن

حجت المره الجبيره
- اكو شخص اكبر منج هنا احجي وياها

- لا خاله اني اكبر وحده

- اها يعني امج ما موجوده هسه

- امي متوفيه تفضلي خاله أمري

- الله يرحمه والله زيارتنا الكم اليوم مقصوده وما نطلع من بيتكم اله الي اريده بدينا

- ان شاء الله

- احنه قبل لا نجي هنا سألنه عليكم والكل حمد النه بيكم و بسمعتكم الطيبه

- اشكرج خاله

- احنه اجينه نخطب ايد اختج لابنه

ابتسمت وكلت
- يا وحده من خواتي

- المهندسة

- بيه الخير ان شاء الله اني اكول الاخويه
ونسأل البنيه هم اذا جانت موافقه
ونسأل على الولد

- طبعا شوكت ما تحبون ردو النه الخبر

بقت تحجي وياي وانطتني رقمه وعنوانهم وبعدها طلعن دخلت للبيت وكلت

- اليوم صرت امجن حلو هذا الشعور

جنات ' لا طكين علينه كولي منو هذني

' خطابه اليوم طلبو وحده منجن مني

موج ' مني

' طلبو مني المهندسه المعماريه عروس

جنات ' منو هذول منو الولد

- انطتني عنوانهم واكول القيس عليه صح
انطتني صوره للولد هم

' راوينه

طلعت صوره الولد شافنه وكلت
- تعرفي

موج ' هذا طالب وياي

جنات ' هنا مربط الفرس

نيران ' هههههه اي كولي موافقه لو لا

" لا

جنات ' فكري وشوفي اكو وقت طويل كدامج
وهم قيس بعده ما عرف بالموضوع عود من يحجي
وياج جاوبي وكولي جوابج