مصحه ألم

بارت قبل الاخير

السلام عليكم
قراءه ممتعه

نيران

مرت الاشهر والايام بسرعه بدون ما انتبه على نفسي
مخلصته شغل وليان والبيت

علاقتي ويه قيس كلش ضعيفه مو مثل قبل
عمي خرب إخوتنا بظلمه

جنات انخطبت للدكتور أيوب فرحت اله اكثر ما فرحت الاختي تزوجت وطلعت من البيت أجمل عروسه

بقيت وياه قيس ثنينه ما نفكر بالزواج بس نقنع بي كل فتره ونسمع نفس الجواب من سنين

بسنه ٢٠٢٠ اجت كورونا النه خلت الصاحي يشك بنفسه مريض وعجت العالم بي خلت العالم تتقاطع ويه اقاربها خلصنه طول فتره المرض نعقم نفسنه يله نتقرب ليان

وعلي من يجينه ما اخلي يكمش ليان اله يسبح بالمعقمات

علي ' ولج اجيت اخذ كم شغله شسوي سابح

- معلي البيت معقم

- هوسج هذا راح يجيب المرض

- كلتلك تريد تفوت تسبح ما تريد روح منين ما اجيت

- أمري لله اسبح واولي

دخل للحمام ونطيت اله ملابس فات شاف قيس وكله

علي 'متحمل اختك لخاطرك

- واني صابر عليه لخاطر هلفرخه

نيران ' كلتلكم الي يفوت بهذا البيت يسبح يله يطب

قيس ' والله شكلج انتِ تجيبين المرض وتجين تعدينه

نيران - لا يوميه محلله لا تخاف

بقو يسولفون اندك الباب وطلع قيس وصاح عليه طلعت شفت منتظر اول مره اشوفه بعد الطلاك

- اجيت اخذ ليان وياي

- بس لا تخلي شخص يكمشه قبل لا يسبح

- هااا!!

قيس " لا تستغرب هاي قوانين نيران لحمايه ليان كفيلك الله صرنا بيض بكد ما سبحنه

- هههه تمام اخليهم يسبحون لخاطرج

نيران ' انت ما تسبح

- لا اسبح بس هسه اجيت أخذها

- ماكو اسبح هنا وروح شلون انطيك البنيه وانتَ ما معقم نفسك

- وين اعقم اريد اروح للبيت الكل منتظرني

- معليه تسبح يله تاخذها ستوك اجيت من بره شمدريني ويامن جنت وشكمشت

- تردين اخرب تسريحه شعري لخاطر ليان

- هذا الموجود

رحت طلعت اله هدوم من قيس هدوم قيس صارت فرهود ياهوه يجي يلبس منه انطيته اله وقيس ضحك وكال

- من وراج ما بقت هدمه عندي مخلصته توزيع بثواب المرحوم

-ههههه صحه بنتي أغلى بس اطلع للسوك اشتري الك