مصحه ألم

بارت السادس

السلام عليكم
مصحه ألم
قراءه ممتعه

...

نيران..

تواصلي انقطع بيت عمتي ولا اهتميت الامرهم
خليت دراستي ومستقبلي قبل كلبي

مرن شهرين من حياتي عباره عن دراسه
اضيع وقتي وحياتي بيهن

بالجامعه
كاعده مثل العاده لوحدي صار ظل عليه شفت
صديقه حيدر

- عندي موضوع وياج

هزيت راسي الها وكعدت يمي

- عندي موضوع اريدج تساعديني بي

- اذا اكدر اساعد

- خل نكوم منا شوي

غيرنا مكانه وطلعت الي تليفونها وراوتني صور
الها ولحيدر بغرفه النوم بقيت صافنه عليه وكالت

- حيدر جان وياي قبل لا يتعرف عليج
راد يسوي بيج مثلي بس حتى بالحلال ما كدر
وهسه صار دور بنت عمتج
وعلى فكره طول ما انت بالمصحه هوه يمي
ومن هنتي بالجامعه قرر ينتقم منج بنت عمتج

جاوبت برود رغم النار والعصبيه بداخلي
- وليش جاي تگولين هذا الكلام الي

- لان حامل منه واريد يتزوجني بأقرب وقت

- حامل!! بدون زواج؟!

- هذا رابع طفل اذا ذبيته بعد ما يصير عندي أطفال
وانحرم من هذا الشعور
والله اهلي اذا عرفو يكتلوني

- انت بقيتي اهل؟بعملتج!، 
ولج انت من اول طفل تخلي يتزوجج واذا رفض تقطعين العلاقه ، هسه جايه الي اساعدج
هوه ما فكر بيج وخالج للونسه يقضي وقت وخلص

- ابوس ايدج ساعديني حقج دكولين هذا الكلام الي
بس لان ما تعرفين سالفتي
هو ضحك عليه بكلامه وعدني يتزوجني بس تتحسن حالته

- خطب ٢ بنات وما فكر ولا لحظه بيج

- ساعديني

- لا دخليني بمشاكلكم هذاك حيدر وهذيج غيد وهاي انتِ ماكو شي يربطكم بيه حلو مشاكلكم بعيد عني

اخذت اغراضي وكمت
دخلت للمحاضره واني بس صافنه وافكر
شلون سوه هيج وهيه شلون ثقة بي

ندسني زميلي وكال
' الدكتور يحجي وياج

كمت اله وكال
- نيران اليوم مو ويانه بيج شي

' لا دكتور ماكو شي

- استريحي وركزي ويانه

رجعت للمقعد خلصت المحاضره واني شارده بالتفكير
اجتي وحده من البنات وكالت
- من شفتي البنيه وانت وجهج تغير
ضوجتج بشي

هزيت راسي وكلت
-لا ماكو شي لا يضل بالج

رجعت للبيت واني اتذكر شلون جان يفتح
هيج مواضيع الي بفتره الخطوبه
ومن ارفض واحجي عليه يحول الموضوع للمزح
ويحاول يلطف الموضوع فزيت على صوت جنات