مصحه ألم

بارت الخامس وعشرون

السلام عليكم
مصحه ألم
قراءه ممتعه

عندما تخونك الذاكره ستجد نفسك
بين السطور تائه 🤍

....

ثاني يوم بيت عمي راحو العصر
الحياة ورديه بيني وبين حيدر
صح شويه يصير مشاكل بيناتنه بس
نتصالح بسرعه يقشمرني بحجايتين

دخلنه بدايه الشهر ال١١ اجواءنا بالبيت عباره عن تحضيرات للعرس والفرحه علينه ما تنوصف
قبل نهايه الشهر

خابر عليه حيدر وكال
- سمعتي بالخبر

ابتسمت وكلت
- اي

- لا والله شكلج ما سمعتي لان فرحانه

- ههههه وانت ليش ضايج

- خل اكول الج دخلت منظمه جديده للعراق

- شنو منظمه خير شر

- هوه اكو شي دخل للعراق خير
ولج اعلنو الحرب علينه

- هاي منين اجتي

- الي يحبون العراق هواي
حبو يلعبون ويانه شويه شافونه كاعدين ضايجن
كالو خل نونسهم شويه

يحشش واني الخوف صار ملعبي
- كافي تحشيش حباب فهمني بالمضبوط

- شوفي حبيبتي عندي صديق هناك بالمناطق للغربيه
يشتغل خابرت حتى اعزمه كال خل اعزمك تتعارك وياي ونطلع المنظمه الجديده
ويردون يحتلون العراق باكمله

- زين نيتهم بس حرب

- لا طبعا حسب الي عرفته منه اخذو بنات

حاولت استوعب رحت ركض على التلفزيون
خليته على قنوات الاخبار ماكو شي
ما خليت قناة ما حليته وقريت النشره الي بيه
بس ماكو شي

- بس لحظه ليش الخبر ما طلع بالتليفون

- ما اعرف بس الي يشتغلون بالجيش يدرون بالاخبار
بعده ما واصل للإعلام يمكن هسه يومين وتلكين الخبر منتشر

ضجت من سمعت الخبر حتى فرحتي اختفت

- لا تزعلين

- شلون ما ازعل حيدر تره الموضوع مو هين
عوائل راح تتقتل بسبب فلان وعلان
يعني احنه شويه هدينه من الحروب وكلنه يا الله
اجتي هاي علينه

- شبيج حبو يلعبون ويانه شويه ويرحون
لا تضوجين

- شهل برود

- مو برود بس انتَ ضايجه هسه ، ازيد الضوجه هم؟
تردين اضوجج اكثر كولي

- لا ما اريد

- عفيه حبيبتي

سد الاتصال ورحت سولفت للبنات وجوهم نكلبت

غلا ' علي اليوم نزوله الله لا يكوله والله

طفرت من مكانه واخذت التليفون من الشحن
وراحت بره تخابر عليه رحت وراها
ودموعي بطرف عيونها