مصحه ألم

بارت العاشر

السلام عليكم
مصحه ألم
قراءه ممتعه

نيران  ...

علي من ذاك اليوم واني ما وصلت الهم
ولا شفته تواصلي بالبنات قليل على كد السلام واقطع

اروح لبيت عمي عبد الرحمن وارجع ومرات نمر على عمي سامي نطمن عليه

مرت سنتين واني ما شفت علي اروح الهم
من يكون بالدوام وقبل لا يرجع ارجع للبيت
اتهرب منه اياد ينصب عليه كل ما اروح الهم

تخرجت من الجامعه
وانقبلت بسرعه بالمستشفى
صرت اشتغل بيه افرح ويه الناس واحزن وياهم

يوم من الايام بالمستشفى
واكفه على الحاله طفل صغير عنده طفح جلدي
رغم عمره الصغير بس كلامه حلو

' صار الك شكد وانت هيج

' صار هواي

' يعني مو هسه

باوعت على الاب وجهت اله السؤال
' ابنك من شوكت يعاني من المرض

حجه بلا مبالاة
- ما اعرف هسه اخابر على بيبته

خابر عليه وكال الي
' صار فتره طويله وهو هيج هسه اكدر اخذه

' لا ما تكدر لازم نسوي فحوصات اله

' دكتوره عندي شغل مستعجل الله يخليج

' بس حالته خطره ما اكدر لازم نعرف من شنو يعاني

' انطي دهن وشراب وكلشي مابي

بقه يحاول وياي ويعلمني بشغلي اجه الدكتور الثاني حجه وياه عاف الولد وطلع باوعت للدكتور وكلت

' هذا شبي

' والله ما اعرف شوفي الطفل

بقيت ويه الطفل حالته خطره والاب ما داير بال عليه

' بابا ما يحبني

" لا بس مشغول وانت طفل شاطر حتى ما تخاف
من الابره

' دكتوره انت تخافين منها

' جنت اخاف من جنت صغيره مثلك بس من كبرت لا

بقه الولد بالمستشفى ابو ما اجه عليه قبل لا اطلع من الدوام اجتي مره جبيره تتوسل بالدكاتره يدورون وياها اخذته وديتها يم الطفل بقت يمه وتبوس بي طمنته على صحته واخذته وياها

اجه عليه قيس وطلعت وياه

" باجر لا تجي عليه

' تمام ، بيت عمي عدنا

' يا عم

' عمي حسن جاين يمنه راد غيث يجي الج بس ما خليته

' يريد ينصب عليه

' هوه كال اروح الها اكول اله مريض

' همزين ما خليته

وصلني للبيت شفت علي واكف بالباب يدخن
سلمت عليه ودخلت جوه شفت البنات
بقن يسولفن وياي