مصحه ألم

بارت الحادي عشر

السلام عليكم
مصحه ألم
قراءه ممتعه

نيران....

صار كل فتره يجي الي للمستشفى اضمد اله الجرح ويروح صار يدور حجج بس حتى يشوفني

قبل لا يروح لدوامه اجه الي للمستشفى وكلت
- جرحك مابي شي حتى طاب

بهمس
- اكو جرح ثاني

- وين

أشر على كلبه وكال
- كلمه وحده منج يطيب

- ما اوزع كلمات هنا

- اكسبي اجر بيها

ضحكت وكلت
- تمام

حرك حاجبه وكال
- شنو موافقه

- عندي حاله

- نيران راح اروح للجيش اليوم وراح ابقه هناك ٢١ يوم
بنص الخطر لو ارجع الج ميت لو مصوب

خوفني بكلامه وكلت
- ترجع بسلامه لا تفاول على نفسك

- انتِ شاطره بس بهاي الكلمات ولج حتى ما عندي سبب ارجع عايش هنا ، ولج من تصوبت طلبت من الله قبل لا اموت اشوفج حتى لو بالطيف وانتِ هنا بلا مشاعر مثل الثلج

- تره عندي مشاعر

- وين؟ لا اشوف ولا احس بيهن

دنكت راسي وكال
- بكيفج بعد

كام من السدية طلع من المستشفى اجت رحاب الي وكالت
- يا خبله روحي كولي اله موافقه

- لا

- انتِ تحبي

سحب نفس وابتسمت
- اي

- لعد شمتانيه ما تكولين اله الرجال سحل نفسه يمج سحل وانت صافنه بوجهي  روحي ركض اله قبل لا يطفر منج

سمعت كلامه ورحت ركض شفته واكف يم الشرطي يسولف وياه انتبه الي ورحت عليه

تقدم عليه وكال
- ليش طلعتي

دنكت راسي وكلت
- انت مو عندك جرح

- بس طاب

رفعت راسي وكلت
- تمام

ردت اروح سحبني من ايدي وكال
- احجي

بتلعثم
- انتَ ، مو ، كلت ، تريد

' نيران اجر الحجايه منج بملقط احجي لسانج اكتله الفاره

- ولا شي روح

- ما امشي اله تكولين شتردين

بقه يباوع عليه واني كلمه اطلعه وكلمه لا خايفه ومستحيه منه اخذني على صفحه وياه وكال

- اسمعج احجي

- انت جوه مو كلت تريد كلمه مني

- اي

- اي

- اي شنو نيران

غمضت عيوني وقويت نفسي وكلت بهمس
- موافقه