مصحه ألم

الاخير

السلام عليكم
مصحه ألم
قراءه ممتعه

لكل نهايه بدايه جديده❤️

نيران...

خابرت على جنات وخبرته كلشي

- شنو تنتظرين جواب مني

- اي

- هههه والله ما اعرف شكول الج
اليوم اخلي أيوب يجيني الكم ونحجي

- تمام

للعصر اجتي النه ليان نايمه وبقيت ويه جنات وايوب يسمع النه

- اسمعي علي يحبج وذاك يحبج
واحد ابو بنتج والثاني عمها
عشتي وياهم طول فتره حياتج وشفتيهم شلون
انتِ شنو الي تردي حتى اعرف أكثر

- اني ما اريد اتزوج لا علي ولا منتظر
بس ملحتهم الي حتى تفكيري تشتت من وراهم

بقت حايره مثلي

أيوب ' وانتِ شكلتي الهم

- ما اكول شي غير الرفض

- يعني افهم منج محد فتح الموضوع ويه قيس
بس وياج

هزيت راسي بأي
- منتظر اصلا ما كايل اله بس علي طلبني منه
ومن رفضته بقى يقنع بيه

- سالفتج انتِ الي تحليه بيدج
همه سمعو الجواب بس ما رضو بي
وانتِ حقج الرفض والموافقة وهمه حقهم الإستماع
ومن كلامج حتى تركيز لحياتج العملية مشتت
من وره التفكير بيهم ويمكن تخسرين مهنتج بسببهم

- وشسوي

- لا تسوين شي انتِ رافضتهم
انتبهي لصحتج ولبنتج وهمه يركعون رأسهم بالحايط
والي يفتح الموضوع وياج كولي يروح لقيس ويسمع الجواب

- حتى تصير مشكله

- خلتصير ليش خايفه حياه المرضى مو لعبه عندج
ومن وراهم تخسرين المريض ومهنتج
انتِ حتى من تفتحين عياده خاصه بيج
ولا مريض يجي الج

جنات - بس هيه هم لازم تزوج وتعيش حياته
وتختار شخص باقي وياها

- حياته هيه وبكيفه تقرر ويامن تخلصه وشلون تخلصه
لا انتِ ولا واحد بينه اله حق بمستقبلها
ولو نرجع للبدايه انتو الي جبرتوها تزوج منتظر
وشافت اشكال بحياتها هسه ترجع اله بسبب تغيره

ليش هوه راح لطبيب نفسي وتغير
لو طور من روحه وتغير تره هوه تغير للأسوء مو للأحسن محد يتغير بسرعه

جنات ' شمعرفنه راح او لا

- وانتِ هم شمعرفج تغير لو لا
هسه اذا اكلج اني تغيرت بعد ما ادخن تصدكين

- ليش انت ادخن؟  من شوكت؟

نيران - هههه ها دكتور فتحت باب لنفسك

- لا ما فتحت باب لنفرض ادخن ومدمن على الدخان سنين وانت اجيتي زعلانه بسبب هذا الشي
وكلتلج تغيرت حتى لو زعلنه دام سنين تصدكين بيه؟