السلام عليكم
ألم المصحه
( نونه الزبيدي )
كل ما كبر الإنسان تكبر معه المصايب
وتصغر الامنيات🤍
يوم الجمعه
كعدنه من الصبح الجو مغيب شكله تريد تمطر
شغلنه التلفزيون على القرآن والصوبه
وكعدنه كدامه اريد انكوم نتعاجز ونطكطك بسنونه
نيران
- كومن حبابات والله بردانه
جنات
- على اساس اني المحتره هم اطكطك وياج
شدعي عليك حيدر كعدتنه من الصبح انطكطك من البرد
نيران
- هوه شعلي
موج
- بنات راح اموت والله
جنات
- يمعوده لا تموتين خل انعرس الحبابه وبعده ودعي على راحتج
موج
- طيح الله حظج بدال ما تكولين عمرج طويل
جنات
- خل اكول هاي الكلمه النفسي وبعدين الج
ولجن سولي مكان وياجن على الصوبه
موج
- ما شوفيه شكدوته وين انكعدج
جنات
- خلنه تفتر اذا نيران ماخذه الاول والتالي
نيران
- ولج شماخذه هيه شويونه عيوني اذتني من ضواهه وما دفيت
جنات
- كومي لعد
نيران
- ما بردانه
اجتي امي عاطت علينه وكمنه
لفيت البطانيه عليه ورحت للمطبخ
خليت الكتلي على النار ونسوي بالريوك
خليت مي حار بكلاص وياه شكر وشربته
على الريك دفيت نفسي بي سويت الامي والابويه منه
بعده سوينه الريوك وكعدنه كلنه على السفره
رغم احنه عائله صغيره
بس كعدتنه على سفره وحده بالنسبه الي
تسوه كنوز الدنيا كله سوالف وضحك
ما ينشبع منه ولا تنمل ونصايح ابويه أول الصبح
وادعيت امي النه ويه كل مصباح
لازم نسمع دعائه النه
وره الريوك راحت امي على الكرسي مالته تقره قرآن
وبابا راح ويه قيس للشغل
احنه بقينه نضف بالبيت ونعدله
خلصنه الشغل البيت كله اجوي تغدينه وبعده صار
حجز على الحمام تطلع وحده طب الثانيه
وصلي الحجز بالاخير طبيت سبحت
وبقيت اركض لبست ملابسي ومشطت شعري
شسورته وبعده لبست الكلاو ادفي اذني بي
بعده بقيت واكفه يم الكنتور ما اعرف شلبس
وكل شويه لابسه شغله وما راضيه عليها
الكنتور فرغ والجربايه والكاع انترست ملابس
صعدت جنات الي بقت صافنه مصدومه وكالت
- هاي شنو؟!
بعصبيه ودموعي بطرف عيوني
والنبره الحزينه
- ما عندي شي البسه
بستهزاء
- سوده عليه تردين اطلب الج من بنات ام تحسين
- انجبي ، هسه شلبس ما عندي شي البسه
أنت تقرأ
مصحه ألم
Storie d'amoreطلعت بالحديقه وبقيت اللعب بيها بس حتى تسكت بس بقت على فرد بجيه ما تريد ترضع ولا تسكت واذا انطيته لعبه تشمرها بالكاع سمعت صوت الباب انفتح درت وجهي وشفته ستغربت من جيته تقدم عليه وكال 'شبيها - مستغربه شالها وبقه يلعب بيه بس معانده تسكت - صار ا...
