مصحه ألم

.

السلام عليكم
مصحه ألم
قراءه ممتعه

هناك كل شيء
من أبكى مظلوم كان ظالم قبل فترة ✨️

نيران ...

باقين رافضين الوظيفه
طلع اسمي ويه الدوام الصباحي وهمه رافضين الفكره

- ليش ضدي

- مو ضدج

- لا ضدي ما تحب اعتمد على نفسي واطور روحي

كمش ايدي وبقه يباوع على شكلي
مثل الي يريد يحفظهم

- اذا خليتج داومين لا امي راح ترضى ولا جاسم
وانتِ شوفين كل البنات هنا ما عدهن شغل
باقيات بالبيت

- ليش خليتني أدوام لعد

- اني الي خليتج تكملين والا امي وجاسم جانو رافضين الفكره

- تمام يعني ما تسوي حل الي

- ليش تلحين على التعين

- من بين الف طالب طب اسمي طلع بالمستشفيات
وطلع الي تعين بأحسن مستشفى هنا بغداد
والناس والعالم تتمنه اسم تعين يطلع اله
ومن طلع الي كلكم ضدي!!

- اني مو ضدج افتهمي بس تعرفين
كلمت امي تمشي علينه ما طول
عايشين عدهم نسمع كلامهم

- افهم منك ما تسوي شي

- شتردين اطلع بيت حتى تتعينين
لو اتعارك ويه اهلي حتى داومين

- لا حبيبي كلشي لا تسوي

ابتسم نص ابتسامه وكال
- حلوه بحلكج

- شنو

- كلمه حبيبي

هزيت بأيدي اني وين وهذا وين؟
خله ايده على وجهي وكال

- كافي زعل

- منتظر سوالفك صارن هواي على فكره

- مثل ابو عدنان بس تسجلين بالدفتر ما تراعين مشاعر الآخرين

- واسم الله عليك انتَ تراعي

- شتردين اكسر كلام اهلي امي وابويه رافضين
عوفج من جاسم

- منتظر منو زوجي بيكم انتَ لو اهلك
منو الي اله كلمه عليه
منو الي امشي بشوره واخذ رأيه

- ما طول عايشين عدهم نمشي بأمرهم وما نعصي كلامهم فهمتيني

- اسفه بس لا اني من حقي اشوف ثمره تعبي
ومجهودي ما درست حتى اكعد هنا
الف طالب يتمنا مكاني وانتو ما مهتمين بهذا الإنجاز

- تمام

عافني وطلع من الغرفه
خليت قيس يحجي وياهم
خلاني ادوام غصب عنهم

دوامت اول يوم واني الدنيا ما واسعتني بكبرها
والمستشفى ياهو يشوف فرحتي يعرف جديده
ما خليت كلام الدكاتره يأثر على فرحتي