Unicode
အခန်း (၉၅
"သွားတော့"ဝုန်း
လုဟိုင်ရွှမ်း ခြေတစ်လှမ်း ဆုတ်လိုက်သည့် အချိန်တွင် ယွင်ချဲ့ အော်လိုက်သည်။ တံခါးနားတွင် တိုက်ခိုက်ရန် အသင့်ပြင် စောင့်နေကြပြီး တံခါးပွင့် သွားသည်နှင့် ဖုတ်ကောင်များစွာ စုဝေး ပြေးလာကြသည်။
အမိန့်ပေးရန်ပင် မလိုဘဲ ယွင်ချဲ့တို့ အဖွဲ့သားများမှာ အစွမ်းကုန် ထုတ်ကာ လျှပ်စီးအလား လျင်မြန်စွာ တစ်ပြိုင်နက်တည်း ပြေးသွားကြသည်။ ဖုတ်ကောင်များမှာလည်း အော်ဟစ်ကာ ပြေးလာ ကြလေသည်။ ၁၀ ထပ်မြောက် အထပ်တွင် အဆင့် ၃ ဖုတ်ကောင် အနည်းငယ်သာ ရှိသော်လည်း အခြား ဖုတ်ကောင်များ အပါအဝင် အရေအတွက်မှာ များပြားလွန်း လှသည်။ ယန်းဟွိုင်အန်းနှင့် ကျန့်ယာဖေးတို့က အဆင့် ၁ နှင့် အဆင့် ၂ ဖုတ်ကောင်များကို ရှင်းလင်းနေပြီး ကျန်သော အဖွဲ့ဝင်များက အဆင့် ၃ ရှိသော ဖုတ်ကောင် ၅ ကောင်ကို ပူးပေါင်း တိုက်ခိုက်နေကြသည်။
ဝုန်း ဝုန်း
အဆင့် ၃ ဖုတ်ကောင်တို့မှာ ယွင်ချဲ့ တို့ထက် အရေအတွက် နည်းကာ သူတို့၏ လှုပ်ရှားမှုများကို ကြိုတင်မှန်းဆနိုင်သဖြင့် ယွင်ချဲ့ တို့အတွက် ပိုမိုလွယ်ကူသွားစေသည်။ တာဝေးတိုက်ခိုက်သူ ရှင်းဖုန်း၊ လုဟိုင်ရွှမ်း နှင့် ယွီဝမ်းချင် တို့က အနီးကပ် တိုက်ခိုက်သူများကို ကူညီပေးနေသည်။ အနီးကပ် တိုက်ခိုက်သူ ကျောက်ကောင်းမှာ စွမ်းအား သန်မာလှသဖြင့် အဆင့် ၃ ဖုတ်ကောင်ကို ရင်ဆိုင် တိုက်ခိုက် နေသည်။ တာဝေး တိုက်ခိုက်သူလည်း ဖြစ် အနီးကပ် တိုက်ခိုက်သူလည်း ဖြစ်သည့် ယွင်ချဲ့၊ လန်ယဲ့ဟန်၊ ကျိုးဇယ်ယွီနှင့် ဖုန်းရွေတို့မှာ ကျန်သော အဆင့် ၃ ဖုတ်ကောင် ၄ ကောင်ကို တိုက်ခိုက် နေကြသည်။
အဆင့် ၃ ဖုတ်ကောင် ၅ ကောင်များ အနက် ၂ ကောင်မှာ မီးအစွမ်းရှိပြီး ကျန် ၃ ကောင်မှာ မြေ၊ သစ်၊ ရေ စသည့် အစွမ်းများ ရှိကြသည်။ သစ်သား အစွမ်းရှိသော ဖုတ်ကောင်မှာ သူ၏ အနာဒဏ်ရာများ အလိုအလျောက် ပျောက်ကင်း သွားသဖြင့် ခံနိုင်ရည် အမြင့်ဆုံးဖြစ်ပြီး ကျိုးဇယ်ယွီ ကလည်း တိုက်ခိုက်ရင်း ကျိန်ဆဲ နေလေသည်။ ကျိုးဇယ်ယွီ၏ လေဓါးက ထိုဖုတ်ကောင်ကို ဆိုးဝါးစွာ ထိခိုက်စေသော်လည်း မျက်စိတစ်မှိတ်လေး အတွင်း ချက်ချင်း ပျောက်ကွယ်သွားလေသည်။ ထိုဖုတ်ကောင်၏ ကိုယ့်ကိုယ်ကို ကုသနိုင်စွမ်းက အလင်းစွမ်းအားရှင်၏ ကုသနိုင်စွမ်းထက် ပို၍ သာလွန်နေသည်။
YOU ARE READING
ကမ္ဘာပျက်ကပ်ကစစ်သည်တော်
Romanceဘာသာပြန်သူ - Swae Nyoe Team (တစ်ဦးတည်း ဘာသာပြန်ဆိုခြင်း မဟုတ်ပါ)