Part 85

2.3K 329 1

par Swae_Nyoe

par @Swae_Nyoe

Unicode

အခန်း (၈၅)

ယွင်ချဲ့ အိမ်၏ဒုတိယ အထပ်တွင် အခန်း ၃ ခန်းရှိပြီး ၂ ခန်းကို ကျန့်ယာဖေး မိသားစုအတွက် ထားပေးလိုက်သည်။ ကျန့်ယာဖေး အိမ်မှ သယ်ယူလာခဲ့သော ပရိဘောဂများကို ထိုအခန်း ၂ ခန်းထဲတွင် ထည့်ပေးလိုက်သည်။ ကျန်တစ်ခန်းမှာ ယွင်ယောင် အတွက်ဖြစ်ပြီး အခန်းထဲတွင် ၂ မီတာနီးပါး အကျယ်ရှိသော ဆင်စွယ်ရောင်ခုတင်၊ ကလေးအိပ်ခုတင် အဖြူရောင်၊ ဆင်စွယ်ဗီရိုနှင့် မှန်တင်ခုံတို့ကို နေရာချ ထားပေးလိုက်သည်။ မနက်ဖြန် ယွင်ယောင် လာခဲ့ပြီး သူမအတွက် လိုအပ်သော ပစ္စည်းများကို ကြည့်ရှုမည် ဖြစ်သည်။

တတိယအထပ်ရှိ အခန်း ၃ ခန်းကို လန်ယဲ့ဟန်၊ ကျိုးဇယ်ယွီနှင့် လုဟိုင်ရွှမ်းတို့ကို တစ်ခန်းစီပေးထားလိုက်သည်။ ယောက်ျားများ အတွက် အခန်းပြင်ဆင်ရန် မလိုအပ်သဖြင့် အခန်းတစ်ခန်းတွင် ခုတင်တစ်လုံး၊ ဗီရိုနှင့် ဆိုဖာထိုင်ခုံတို့ကို ၃ ခန်းလုံးမျှတူ ဖြည့်ထား ပေးလိုက်သည်။ ယွင်ချဲ့သည် အပေါ်ဆုံး အထပ်မှ အခန်းတစ်ခန်းကို သူ့အတွက် ယူလိုက်ပြီး ကျန် ၂ ခန်းကို ယွင်ချန်နှင့် ဟေးယွီ အတွက် ဖယ်ထားပေးလိုက်သည်။ ဟေးယွီက လူအိပ်သော အိပ်ရာများကို နှစ်သက်မည် မဟုတ်သောကြောင့် လက်သမားထံ သွားကာ ဖော့များ ထည့်ထားသည့် ဂျပန်ဖျာ တစ်ချပ်ကို လုပ်ခိုင်းရဉီးမည်။ ထိုအခင်းမှသာ ဟေးယွီ အတွက် သင့်တော်ပေလိမ့်မည်။

အောက်ဆုံး အထပ်မှလွဲ၍ ကျန်သော အခန်းများကို ပြင်ဆင်ထားပြီးဖြစ်သည်။ ယဲ့ရှင်းချန် နေသော အခန်းမှာ အသင့်ပြီးသား ဖြစ်သောကြောင့် ကျန်၂ ခန်းကိုသာ ပြင်ဆင်ရန် ကျန်သေးသော်လည်း လိုအပ်သည့် အချိန်ရောက်မှသာ ယွင်ချဲ့ ပြင်ဆင်လိုသည်။ ဧည့်ခန်းထဲတွင် ခရင်မ်အရောင် ဆိုဖာထိုင်ခုံ တစ်ဆက်နှင့် စကျင်ကျောက်စားပွဲ တစ်လုံးရှိနေသည်။ မီးဖိုခန်းထဲတွင် လူ ၁၀ ယောက်ပင် ထိုင်ဆံ့သည့် အလွန်ကြီးမားသော စားပွဲတစ်လုံးရှိပြီး အရက်ဝိုင် ပုလင်းများ ထည့်သည့် ဗီရိုအငယ် တစ်လုံးကိုလည်း ကန့်ထားလိုက်သည်။ ဖိနပ်စင်ကို တံခါးအနားတွင် ထားလိုက်ပြီးနောက် အိမ်ကိုပြင်ဆင်မှုမှာ ပြီးသလောက် နီးပါးပင်ဖြစ်နေသည်။ ယွင်ချဲ့သည် အိမ်ရှင်မ တစ်ယောက် မဟုတ်သဖြင့် အသေးစိတ် ပြင်ဆင်ပုံကို မသိသောကြောင့် နောက်မှသာ ယွင်ယောင်ကို လက်စသတ်စေရန် တွေးထားလိုက်သည်။

ကမ္ဘာပျက်ကပ်ကစစ်သည်တော်

Part 85

Histoires en Vedette

Vous aimerez aussi