ياكايد حبيت قلب ما يبغاني

البارت الاول

بسم الله الرحمن الرحيم نبدا 💕
تبدا روايتنا في بيت ابو كايد اعتلت صرخات ابو كايد وهو يقول
ابو كايد: يلا يا عيال الصلاه الصلاه
و دخل غرفه عياله وهو يصارخ: قوم قامت قيامتك انت وياه
فزو كلهم مره وحده بخوف من ابو كايد
حسين بربكه : ابشر يبا!!
ابو كايد بحده : يلا
و راح و تركهم وراه و راح متوجه الى المطبخ دخل وهو يقول
ابو كايد: وش سويتي اليوم
فزت ام كايد و قالت: ءء سويت شكشوكه و الحين بسوي الكبده
ابو كايد: اخلصي!
ام كايد بصعوبه: ا. بب. ابشر
ابو كايد: وين بناتس
ام كايد: بعدهم نايمين
ابو كايد بغضب: نعم!!! للحين نايمين
ام كايد بخوف: ء. ء. اليوم جُمعه و اجازه و تعبانين
ابو كايد بصراخ : لا والله من وش تعبانين
ام كايد: يعمري عليها لجين طول الاسبوع في المدينه عشان جامعتها و لمياء طول الاسبوع اختبارات
ابو كايد: لا والله!! تعبانه من الجامعه لا بالله تعبانه من المسخره
ام كايد: يا ابو كايد اهي ما راحت المدينه و ما درست غير عشان تبني مستقبلها
ابو كايد: مستقبلها بيت زوجها!
ام كايد: صح عليك يا ابو كايد معليك الحين بروح اصحيهم
صد ابو كايد و سحب عقاله: لا انا بصحيهم
و طلع من المطبخ بدون لا يسمع رد من ام كايد و راح متوجه الى غرفه البنات و ضرب الباب وهو يصارخ: بنت انتي وياهاا!!!
فزو البنات من نومهم و و قامت لجين و فتحت الباب بسرعه
لجين:بسم الله الرحمن الرحيم يبا شصاير!!
ابو كايد:الساعه 6:30 و انتو للحين نايمين
لجين:و خير يا طير؟
ابو كايد شد على عقاله وهو يرفعه و كان بيوصل للجين بس ماقدر بسبب يد كايد الي يقول: يبا!.....تو اصبحنا و اصبح الملك لله ونت تضرب
ابو كايد بصراخ: ونت وش دخلك
كايد رفع وحده من حواجبه وهو يناظر
ابوكايد: يا عسى هالعيون العمى!!!
و سدد لكايد ضربه في صدره
فزت لجين بفجعه من قوه الضربه و رفعت نظراتها لكايد الي كان واقف و يناظر ابو كايد و ما تحركت فيه شعره و اكتفى كايد انه يصد عن ابو كايد و يقول: يا لميااء!!
فزت لمياء وهي كانت واقفه ورا لجين: سمّ يا اخوي!
كايد: غسلتي بدلتي
لمياء: اي و حطيتها في غرفتك
تحرك كايد وهو يروح بدون لا يوجهه لها رد
التفتو لجين و لمياء على ابو كايد بخوف
صرخ ابو كايد: مطولين وانتو واقفين زي البهايم
فزو ثنتينهم وهم يطلعون من الغرفه و راحو متوجهين الى المطبخ يساعدون امهم راح ابو كايد متوجه الى الجلسه الخارجيه حقتهم و شاف الجد فهد جالس و الجده اعتدال معه تقدم ابو كايد وهو ينحني براسه على راس الجد فهد يبوس راسه و راح متوجه الى الجده اعتدال و باس راسها و جلس
عند كايد الي دخل غرفته و سحب الفوطه حقته و دخل الحمام ياخذ شور و بعد شويات طلع وهو يجفف شعره و راح متوجه الى الدولاب و فتحه و طلع بدلته العسكريه لبسها و وقف قدام المرايا وهو يرتب شاراته الي كانو (تاج و ثلاث نجوم) دليل رتبه العميد و تعطر بالعود و لبس جوتيه و طلع متوجهه الى الجلسه الخارجيه
في الجلسه الخارجيه
الجد فهد: وين عيالك يا محمد
اكتفى ابو كايد انو ياشر على كايد و بهاء وحسين الي تقدمو وهم يقولون بصوت موحد: السلام عليكم
الجد فهد: وعليكم السلام
تقدم كايد وهو يبوس راس الجد فهد و الجده اعتدال و تقدمو من بعده بهاء و حسين و قعدو كايد و بهاء و حسين جنب ابوهم
و ماهي الا ثواني و انطلق سؤال الجده اعتدال كاسر لصمتها: وين البنات
الجد فهد: وش تبين فيهم؟
الجده اعتدال: حفيداتي!
ابو كايد: لمياء مع امها في المطبخ
الجده اعتدال باستغراب: و لجين؟
صد ابو كايد: ما عندي بنت اسمها لجين
و ماهي الا ثواني و التفت ابو كايد بصدمه لما رمى الجد فهد عقاله على ابو كايد وهو يقول بغضب: تصد عن امك يا قليل الخاتمه
فزو عيال ابوكايد و وقف كايد وهو ياخذ عقال جده من الارض و تقدم له وهو يبوس راسه و يرجع العقال على راس الجد فهد و رجع كايد لابوه وهو يبوس راسه و رجع يجلس
و وقفت الجده اعتدال بصعوبه دليل كبر سنها و مشت متوجه الى المطبخ
دخلت و شافت لجين الي ترتب الاجبان في الصحون و لمياء الي تقطع الخيار و الطمام و ام كايد الي تطبخ الكبده
الجده اعتدال: يا صباح الخير
فزت لجين باشتياق و وقفت و ضمت الجده اعتدال و باست راسها: يا صباح النور على اطلق جده فيتس يالديره
ابتسمت الجده اعتدال و باست خد لجين بحنان و التفت لما ضمتها لمياء و باست راسها وهي تقول: صبحتس الله بالنور
تلفتت الجده اعتدال تلقي نظره سريعه على المطبخ و نطقت بتسائل: جهز الفطور
ام كايد وهي تطفي على الكبده: اي يلا يا بنات السفره
لجين فتحت الدرج وهي تاخذ السفره و تقول: ابشري يما
و طلعت وراحت متوجه الى الجلسه الخارجيه و تقدمت وهي تحط السفره على الطاوله و باست راس الجد فهد و قالت: صباح الخير
نطق الجد فهد بدون لا يناظر بلجين : وعليكم السلام
سكتت لجين بفشله و قالت: ءء يلا الفطور جاهز
و راحت متوجه المطبخ بخطوات سريعه و حطو الفطور و جلسو كلهم حول بعضهم وهم يفطرون و السكوت سيد المكان