ياكايد حبيت قلب ما يبغاني

البارت الخامس

بلعت ريقها بتوتر و فجأة كايد قرب وجهه لـ إذن نور و نور غمضت عيونها بتوتر و فجأة سمعت كايد يقول بأذنها:صدقتي الحين انتس جبانه
فتحت نور عيونها و دفت كايد بغضب و قالت :ترا اذا خالفت شرط من الشروط راح يكون فيه عقاب
كايد: و وش عقابتس
نورقدمت طرحتها على قدام و غطت شعرها و سكرت عبايتها و قالت:بتعرف بنفسك
و طلعت و تركت كايد الي ابتسم بهدوء وهو يجلس على الكنب و يسند ظهره اخذ نفس عميق و زفره براحه تمدد على الكنبه وهو يستسلم للنوم
عند نور الي طلعت من بيت الجد فهد الجلسه الخارجيه و جلست عند خواتها و بنات خالها
نوف:وين اختفيتي
نور:كنت تعبانه شوي و دخلت الصاله ارتاح
هنوف بخبث :بس كاني شفت كايد بالصاله
نور:هنوف خير !!
هنوف:سلامتك
نور:انتو حتى القعده معكم تسد النفس
و اخذت جوالها و راحت
نوف:شفيها ذي ترا نمزح
راحت نور متوجهه الى داخل منزل الجد فهد رفعت نور جوالها وهي تتصل على (عشيرتي ❤️✨)
و ماهي الا ثواني و سمعت نور صوت
وعد وهي تقول :ارحببي
نورابتسمت و قالت :البقى يادهر قلبي و رجعانه
وعد :يابنت وحشتيني
نور:وانا اكثر ياقلبي يخي من زمان عنك
وعد:متى راح ترجعين الجامعه
نور ضاق صدرها و قالت :اشك اني ماراح ارجع اداوم
وعد مالحقت تحط اللقمه بثمها و غصت
نور:بسم الله عليك !!
وعد وهي تتنفس بصعوبه قالت :نور تستهبلين
نور:ياليت
وعد:نور تكفين ترا هاذي أخر سنه مابي اعيش فرحه التخرج بدونك
نور جاتها غصه و قالت:انتي الي تكفين بموتتتت تخيلي اني ملكت على ولد خااالي
شهقت وعد بقوهه و قالت: يعني كلام جواهر صدق !!
نور:ايه
وعد:نور تكفين مابي افارقك
نور عضت شفايفها تمنع دموعها من النزول قالت:وانا بعد....يخي احبك
و صرخت نور برعب لما انفتح باب الصاله بقوهه وطلع كايد الي سمع كل المكالمه
كايد:مين تكلمين!!!
صرخت نور برعب و قال:خييير !!!!
كايد: اقولتس مين تكلمين !
نور :مالك دخل
كايد:تستهبلين!! نور تكلمي
و ماهي إلا ثواني و سمعو صوت الجده اعتدال وهي تنادي:نور !! يا نور
و دخلت الجده اعتدال داخل البيت و شافت نور و كايد
الجد اعتدال:نور بسم الله عليتس يابنتي وش صار لتس
نور:ها!
و التفت على كايد الي ناظر فيها
نور:ءء لا بس طلع لي صرصور
ابتسمت الجد اعتدال و قالت:الله يهديتس يابنتي
نور بحراج:اسفه
ابتسمت الجد اعتدال و راحت و تركت نور و كايد و بحركه سريعه من كايد حشر نور على الجدار وهو يسحب الجوال من يدها و قراء (عشيرتي❤️✨)
رفع كايد الجوال لـ أذنه و قال:الوو!!
فزت وعد من صوت كايد المخيف و قفلت الخط
التفت كايد بغضب على نور و قال:مين هذه!!!
نور :قلت لك مالك علاقه
و تقدمت و كانت تبي تاخذ جوالها بس انصدمت بيد كايد الخشنه الي تمسك يد نور و دفها بغضب رمى الجوال و هو يقرب من نور بشكل مرعب
كايد: هين يانور انتي و لسانتس أنا أعرف اتصرف و اعرف اقصره لتس
نور رفعت راسها برعب وهي تشوف طول كايد و عرضه بالنسبه لها شهقت و نزلت دموعها و قالت:خيرر كايد وش ذا الأسلوب
كايد حس بشياطين الأرض كلها فوق رأسه مسك فك نور بقوه و قال :أنا زوجتس و كلامي سمعًا و طاعه م عندي اسلوب....هذه أنا و كذا اسلوبي ولا تبداينها بالغلط عشان ما اوجعتس أنا ما رحمت امي و خواتي عشان ارحمتس
نور كانت ترجف برعب من كايد و صوته و كلامه و دموعها اخذت مجراها على خدودها ارتكزت يد نور على صدر كايد وهي تقول :ب.بع.بعدد عني بعد
كايد ضرب يد نور وهو يصد و يمشي انهارت نور و رجلها ماعاد يشيلونها و نزلت على الأرض وهي تبكي و ترجف :الله ياخذك اكرهك اكرهك
و كانت ترجف و يدها حمرا اثار ضربه كايد مسحت نور يدها بالم وهي تعض شفايفها و دموعها تنزل بقهر قامت وهي تنسد نفسها على الجدار و راحت للحمام بسرعه وهي تشهق و تبكي مسكت قلبها وهي تقول :حسبي الله عليك ياكايد الله ياخذك الله ياخذك
كانت تشاهق و عضت شفايفها وهي تحاول تهدي نفسها و بعد محاولات هدات وقفت  على رجلها وهي تعدل عبايتها و غطت شعرها وهي تلف الطرحه على رقبتها طلعت نور و راحت متوجهه الى الجلسه الخارجيه و كانت بتجلس جنب البنات بس وقفت لما سمعت صوت الجد فهد يقول :نور تعالي اجلسي جنب زوجتس
نور ناظرت بكايد و جات عينها بعينه لثواني نزلت نظراتها وهي تتقدم و تجلس جنب كايد
ابتسمت الجده اعتدال وهي تناظر بالجد فهد الي ابتسم ابتسامه سحطيه لما شافهم
التفت كايد و شاف حسين و بهاء الي كانو يناظرون فيهم و يضحكون التفت كايد على نور بغضب و شافها مخطيه شعرها ابتسم ابتسامه على جنب و ماهي الا ثواني و اعتلى صوت الاذان دليل دخول وقت صلاه المغرب
وقف ابو كايد وهو يقول :يلا يا ولد انت وياه كل وواحد يروح يتوضى و على المسجد و الي يتاخر فيكم اتوقع يعرف وش بيصير فيه
نزل كايد نظراته على الارض و رجع له فلاش باك
————————
كايد الي يبلغ من العمر ١٣ سنه :لا لا يبا تكفى تكفى يبا
ابو كايد :اقولك توضى
ام كايد وهي تبكي :تكفى يابو كايد كيف تبيه يتوضى المويه حاره
ابو كايد :احسن هاذي حراره مويه الدنيا ما بالتس بجهنم
كايد :تكفى يبا والله اخر مره والله
ابو كايد مسك يد كايد وهو يدخلها داخل المويه الحاره :اقولك توضى
كايد صرخ بكل قوته وهو يحس بجلده يذوب من المويه الحاره
———————
رجع كايد لوعيه و قام و راح متوجه الى المغاسل وهو يتوضى و راح يوقف عند باب البيت التفت كايد و شاف نور الي كانت تنظف الجلسه الخارجيه مع البنات و هي تشتغل طاحت طرحتها من على راسها و بان شعرها الحرير و بنفس اللحظة طلع حسين من المغاسل بعد ما انتهى من الوضوء طير كايد عيونه بغضب على نور و شعرها الي كان يطيره النسيم التفت كايد على حسين الي ماكان منتبه لنور اساس بس بنسبه لكايد حس بنيران الغيره اشتعلت بصدره صرخ كايد :نور!
التفت نور برعب من صراخ كايد و كان يناظرها بغضب
رفعت نور حاجبها باستغراب و انتبهت لمياء و تقدمت وهي ترفع الطرحه على شعر نور و قالت :نصيحه انتبهي من غيره بكّر محمد
نور:عسى ؟ انا وش دخلني يغار علي
لمياء:ليش انتي مو زوجته ؟
نور :بس هوا ما يحبني
لمياء:مجرد فكره انتس حرم من محارم كايد تكفي عشان يشتعل غيره عليتس
بلعت نور ريقها و رفعت نظراتها لكايد الي صد بقوه و هو باخذ نفس عميق و يزفره و ماهي الا ثواني و طلع ابو كايد و معه الجد فهد
ابو كايد :وين اخوانك
كايد:مدري
صرخ ابو كايد بكل قوته :يا ولد !!
فزو بهاء و حسين و طلعو يركضون
لفت ابو كايد وهو يقول :يلا يبا
مشى الجد فهد وهو يستند على عكازه و مشى متوجه الى المسجد الي كان قبال بيت الجد فهد
و ورا ابو كايد و كايد و بهاء و حسين
وصلو للمسجد و وقفو ورا الامام في الصفوف الأولى
————————-
في بيت الجد فهد
نور:بنات وين جوالي
هنوف:مدري والله
نوف:اتصلت عليه شوفي وينه
راحت نور تتمشى بالبيت و سمعت صوت جوالها يدق و راحت و شافته على الارض و رجع لها فلاش باك
——————
رفع كايد الجوال لـ أذنه و قال:الوو!!
فزت وعد من صوت كايد المخيف و قفلت الخط
التفت كايد بغضب على نور و قال:مين هذه!!!
نور :قلت لك مالك علاقه
و تقدمت و كانت تبي تاخذ جوالها بس انصدمت بيد كايد الخشنه الي تمسك يد نور و دفها بغضب رمى الجوال و هو يقرب من نور بشكل مرعب
——————
اخذت نور جوالها و شهقت بصدمه لما شافت الشاشه مكسور كسركبيره
نور:حسبي الله عليك ياكايد
قاطعها صوت ام كايد:نور حببيبتي
نور:سمي ياعمري
ام كايد:تعالي ابيتس تساعديني
نور مشت وهي تقول :امري
ام كايد:تعالي معي
مشت نور مع ام كايد و راحت معها للمطبخ و شافت ثلاث اكياس عجينه سمبوسه مع ثلاث انواع من الحشوات المختلفه بين بيض و جبن و بيتزا
نور:ايش ذا
ام كايد:ابيتس تساعديني و تلفين السمبوسه على بال ما اجهز الاكياس عن نفرزنهم
نور :بس..... ماعرف
ام كايد ابتسمت و قالت :عادي حتى انا اول ما تزوجت خالتس ماكنت اعرف بس بعدين تعلمت يلا تعلمي انتي بعد
نور بلعت ريقها و تقدمت وهي تجلس على الكرسي و بدات تحاول تلف السمبوسه
وهي بعز محاولاتها ما كانت منتبه لاخواتها الي كانو يناظرون فيها و يضحكون
هنوف:اول مره اشوف نور تشتغل
نوف:اي والله حتى انا
هنوف:الله يكون بعونها تتعلم الطبخ قبل لا ياخذها كايد
نوف:مدري ليش احس كايد ما يهمه غير بطنه
هنوف:اممم لا بس قولي يحتاج يغذي نفسه
نوف:حق ايش
هنوف:حبيتي تحسبين شغله العسكريه سهله
نوف:اي والله صح عليك
التفتو بسرعه لما سمعو صوت لمياء تقول :وش تسوون
هنوف:ها!..ولاشي
لمياء :طيب امشو نساعدهم بالمطبخ
نوف و هنوف ناظرو ببعض لثواني و قالو بصوت واحد:احنا!
لمياء:اي انتو
نوف:بس وش نسوي
لمياء:تعالو و اقول لكم
هنوف:بس....
لمياء:يابنتي اخلصي قبل لا يرجعون جدي و ابوي من الصلاه
هنوف:طيب طيب
و دخلو المطبخ مع لمياء
___________________
في المسجد و تحديدا بعد انتهاء صلاه المغرب التفت الامام على المصلين و وقف وهو يقول :تقبال الله
المصلين بصوت واحد:منا و منك صالح الاعمال
الامام: مبارك عليكم  حلول شهر رمضان
اختلفت الردود بين (علينا و عليك,بارك الله فيك )
التفت ابو كايد على عياله وهو يقول :بكرا رمضان يعني جهز نفسك انت وياه ترتيب و تنظيف
كايد:ابشر يبا
الجد فهد :قومو ارجعو البيت و خلك انت يا حسين
ابتسم حسين لانه ما بينظف و بيضل مع الجد فهد و ابو كايد
قامو كايد و بهاء و رجعو البيت دخلو البيت و اعتلى صوت بهاء
بهاء:يماا
ام كايد :نعم يما
تقدم بهاء وهو متوجه لغرفه امه دخل و كلعاده شاف امه على سجادتها و بحجاب الصلاه حقها تقدم وهو يبوس راسها
بهاء:مبارك عليتس الشهر
ام كايد :علينا و عليك ياولدي
غطت ام كايد منطوقها وهو يكح و تمسك صدرها بالم
بهاء بضيقه :عسى ما شر يما
ام كايد :لا لا بس تعبانه شوي
بهاء:تبين المستشفى
ام كايد :لا لا وش حقه مستشفى ماله داعي و اساس عندي ادويه بس ما اخذهم
بهاء:وليش يما ما تاخذينها
ام كايد :احسهم ما ينفعون معي
بهاء :معليه يام كايد
و وقف بهاء وهو باخذ الادويه و اعطاهم لامه و قال ؛خذيهم وانا بروح اجيب لتس مويه
ام كايد :بس
بهاء:بدون بس عشان خاطري خذيهم
ام كايد :ابشر ياولدي
ابتسم بهاء وهو يبوس راس امه
و راح متوجه للمطبخ يجيب مويه لانه
و مجرد وصوله عند باب المطبخ فز بهاء بصدمه لما شاف نور الي كانت تبي تطلع من المطبخ و طلع بهاء بوجهها و صدم راسها بصدره رفعت نور نظراتها  بالم وهي تقول :وجع
وهي كانت تفكره كايد و شهقت لما شافت بهاء واقف و يناظرها بصدمة و بنفس اللحظة سمعو صوت كايد وهو يقول :يما وين شماغي البيج
و تقدم و طير عيونه بغضب و صدمه لما شاف نور و بهاء
كايد :وش عندكم انتو. هنا
نور:ك.كك.كايد اسمع...
قاطعها كايد:انتي اسكتي ولا كلمه
رفع كايد نظراته لـ بهاء و رجع له فلاش باك
————————————————-
بمجرد انو كايد جلس راح له بهاء و همس :في وحده تبيك
التفت كايد على بهاء بقوه و قال :ايش!
——-
دخل الصاله و وقف مكانه بصدمه لما شاف نور تنزل العبايه من على كتوفها و بانت تضاريس جسمها الي كان مثالي مفاتنها البارزه و بطنها الممسوح و خصرها المنحوت و شاف شعرها البني الطويل الي انسدل على ظهرها كامل
——————————-
رجع كايد للحاضر و هو يناظر بـ بهاء و قال:اهخخ يالخسيس
بهاء:كايد ! تعوذ من ابليس
كايد :اعوذ بالله منك
و ناظر بـ نور وهو يقول :مدري وش كنت اتوقع من بنت مدن
نور:كايد !!
كايد:اشوى اني عرفت حقيقتس قبل لا اخذتس
بهاء:كايد !
كايد:ولا كلمه لا اسمع لكم نفس...حسابكم مو معي حسابكم مع جدي و ابوي
صد كايد بقوه وهو يمشي فزت نور لما سمعت طاري الجد فهد
بهاء:انا بتصرف ماعليتس
نور:تكفى لا يوصل شي لجدي
بهاء:على ذا الخشم
________________
عند كايد الي دخل غرفته و صفق بالباب بقوه و قعد على السرير و مسك رأسه وهو مستحيل يشك بـ اخوه بس الشيطان شاطر اخذ كايد نفس عميق و فتح درج الطاوله الي جنب السرير و طلع الملزمه حقت نور و قعد يقرأ بشكل عشوائي و سريع و قام كايد و طلع من الغرفه و راح وهو ينادي:نور...يانور
فزت نور لما سمعت صوت كايد يناديها و راحت له وهي منزله راسها ناظر كايد فيها و قال :ارفعي راستس و ناظري فيني و انا اكلمتس
رفعت نور نظراتها لكايد و بلعت ريقها بتوتر
مد كايد الملزمه و قال :خذيها ... ماراح احتاجها من بعد الي سويته
نور بصوت مخنوق :ك.ككايد تكفى ماعليك مني انا بس اخوك معقول تشك باخوك !
كايد:ونتي ليش تدافعين عنه !!
نور:مو قصدي ادافع عنه بس كايد...
سكتت نور
كايد:ايش تكلمي!
نور: بالله عليك وش ابي بـ بهاء
كايد:ليش في احد غيره ؟!!!
نور: كاايد! لا طبعا بس تكفى ياكايد لا يوصل شي لجدي و لك الي تبيه
كايد:الي ابيه ؟
نور:الي تبيه
ابتسم كايد لثواني بخبث و تقدم بخطوات بسيطة لنور و حاوط ظهرها وهو يشدها عليه و همس بأذنها :أجل راح تدفعين الثمن غالي
بلعت نور ريقها بخوف وهي تمسك كتف كايد بقوه تحاول تبعده وهي تقول:كايد ترا مو اول مره تخالف الشرط لاول
كايد ضحك بخبث و همس بصوته الثقيل:الاحسن انتس تلغين الشرط لانه ماراح يتنفذ ....اذا ماتبين يوصل شي لجدي طبعا
ارتخت يد نور من على كتف كايد الي ابتسم ابتسامه عريضه و قال وهو ينزل يده و يمسك خصرها و همس :حقوقي كزوجتس راح اخذها كامله منتس على فكره
بردت أطراف نور و قالت و صوتها يرجف :بعد عني
كايد بعد رأسه عن أذنها و كان لسا قريب منها :حاولي تتعودين على القرب هذه
و صد وهو يمشي من مكانها
نور حست انها مو قادره توقف على رجلها ماتوقعت الجرائه هاذي من كايد و ماتوقعت أنه بيكون كذا مخيف و جريئ و كيف قالها و بكل برود أنه راح ياخذ حقوقه الشرعيه منها
قعدت نور على الكرسي الي كان جنبها و اخذت نفس عميق وهي تزفره و التفت لما سمعت صوت الباب دليل وصول الجد فهد مع ابو كايد فزت نور برعب لما شافت الجد فهد و التفت بسرعه وهي تقوم و تدخل داخل و بعد صلاه العشاء تجمعو كل أفراد عائله الجد فهد وهم يجلسون مع بعض و حول بعض و بهم بعز الجلسه التفت كايد على الجد فهد وهو يقول :ياجد
الجد فهد :نعم
التفتو بهاء و نور بخوف على كايد الي ناظر فيهم لثواني و ابتسم لما شاف نظرات الخوف و القلق بعيون نور رجع كايد يناظر بالجد فهد و قال :ماودك نزين المزرعه لـ رمضان
الجد فهد :اي والله المزرعه صايره دمار و من زمان ما تنظفت
ابو كايد:اجل من بكرا الصبح تطلعون كلكم المزرعه البنات ينظفون داخل المطبخ و المجلس و العيال ينظفون برا
العيال بصوت واحد:ابشر يبا
التفت هنوف على لمياء و قالت:وش دخل البنات بالموضوع
لمياء:وش الي وش دخلنا لازم نروح ننظف معهم
نوف:اي بس وش ننظف بالضبط
لمياء:بكرا تعرفون
اعتلى صوت الجده اعتدال وهي تنادي
الجده اعتدال :نورر
نور:سمّي ياجده
و قامت و راحت متوجه الجده اعتدال
الجده اعتدال :نور حبيتي الله يسعدتس تعالي رتبي الملابس
نور:أنا !
الجده اعتدال:ايه فيه غيرتس نور
نور:بس...
قاطعتها الجده اعتدال :بدون بس و بعدين تراها ملابس زوجتس بس
نور تذكرت كايد و اخذت نفس عميق و جلست وهي ترتب الملابس و شافت شماغ بيج و رجع لها فلاش باك
__________________________
سمعو صوت كايد وهو يقول :يما وين شماغي البيج
تقدم و طير عيونه بغضب و صدمه لما شاف نور و بهاء
كايد :وش عندكم انتو. هنا
___
كايد:ولا كلمه لا اسمع لكم نفس...حسابكم مو معي حسابكم مع جدي و ابوي
____
نور: بالله عليك وش ابي بـ بهاء
كايد:ليش في احد غيره ؟!!!
نور: كاايد! لا طبعا بس تكفى ياكايد لا يوصل شي لجدي و لك الي تبيه
كايد:الي ابيه ؟
نور:الي تبيه
ابتسم كايد لثواني بخبث و تقدم بخطوات بسيطة لنور و حاوط ظهرها وهو يشدها عليه و همس بأذنها :أجل راح تدفعين الثمن غالي
___________________________
(انتهى البارت الخامس)