ياكايد حبيت قلب ما يبغاني

الجزء السابع

راحت لمياء بسرعهه و قالت:يلا بنات البسو بسرعه
نور:ليش وين بنروح
لمياء وهي تلبس عبايتها قالت:ننظف المزرعه
هنوف:يعع ليش ننظفها ان شاء الله
لمياء:الدنيا رمضان و اغلب عزايم جدي تكون بالمزرعه
نوف:لا بالله واحنا وش دخلنا ننظف ليش اخوانك ماينظفون
لمياء:نووف مو وقته اخلصي علي كايد ينتظر برا
التفت نور بقوه لما سمعت اسم كايد و قالت:بنروح كلنا مع كايد؟
لمياء :ايه اخلصو علي البسو
وقفت نور وهي تلبس عبايتها و تغطي نص شعرها و خواتها نفس الشي
طلعت لمياء و البنات وراها التفت نور و شافت كايد ينتظر بالسياره نزلت نظراتها بسرعه لما كايد ناظر فيها و ابتسم لما تذكر الفديو الي شافه و كلام نور
تقدمو البنات وهم يركبون و كان الترتيب بالونيت كايد يسوق و جنبه بهاء  و حسين و بعده لمياء و كان مافي مكان لنور و نوف و هنوف
نوف:ياويلي وش ذا الزحمه وين نركب
كايد:بهاء حسين اركبو ورا بالحوض
حسين:يلا
التفت لمياء وهي تنزل و نزلو بهاء و حسين
بهاء:حسين ساعدني
حسين :يلا
و مسك معه باب الحوض الي كان جدا ثقيل و نزلو مع بعض و  ركبو وهم يسكرون الباب بصعوبه
التفت نور لما سمعت صوت لمياء تقول : نور اركبي انتي اول
ركبت نور  و ركبت لمياء و نوف و هنوف و مشى كايد متوجه للمزرعه
هنوف وهي متضايقه :اففف نوف ابعدي شوي
نوف:وين اروح
نور:بس انتي وياها
هنوف:نور ترا انتي السبب بالضيق
نور:وش دخلني انا
نوف:روحي جنب كايد اكثر
نور:لا بالله ؟ على اساس بيتغير شي
التفت كايد و ناظر جنبه و شاف انو نور كانت تاركه مسافه بينه و بينها و كانت مرهه جنب لمياء
نوف:اففف خلاص اسكتي
نور:لا ماراح اسكت انا مو اصغر عيالك تسكتيني
التفت نور بصدمه لما حست بيد كايد الضخمه يمسك خصرها و يشدها عليه بقوه و يرفع جزء من فخذها على رجله و شدها على صدره رفعت نور نظراتها لكايد بصدمه وهي تشوف كيف عدم المسافه بينهم التفت و شافت البنات تعدلو و عرفو ياخذون راحتهم
ارتكزت يد نور على صدر كايد وهي تحاول تبعده و صنمت لما حست بيده تنزل و توقف عند فخذها و همس بهدوء وهو يقلد صووت نور و يتكلم بنفس قوتها وثقتها :ماعندي مشكله اتزوجه لو بيني و بينه سنين وبنين انا راضيه بكايد زوج لي
حمر وجه نور ز ناظرت فيه بصدمه و خوف
كايد:مو هذه كلامتس
نور:كايد بعد عني
كايد شد عليها و قال:ليش خليني استمتع دام ماعندتس مشكله تكونين زجه كايد و راضيه فيني زوج لتس
نور بلعت ريقها و وجهها احمممر همست باذن كايد :تكفى بعد عني مو قدام البنات
كايد :طيب بس لي نفاهم معتس بعدين
نور زاد توترها و قالت:طيب بس اتركني خلني اعرف اجلس
كايد:لا خلتس كذا
نور:وجع كايد ترا الوضع...
قاطعها كايد:عاجبني الوضع خلتس مكانتس و اساس مابقى لنا شي و نوصل
نور:طيب اسرع وش فيك تمشي على بيض
كايد:وصلنا خلاص
و شويات و وقف كايد السياره عند مزرعه الجد فهد
نزلو البنات و قبل نزول نور همس لها كايد: بينا نقاش منفرد بعدين
نور:يصير خير
نزلت نور و راحت مع البنات متوجهين الى داخل المرزعه و كانو العيال معهم و توهم بسم الله دخلو صارخت نوف بكل قوتها لما طلع لهم فار فزت نوف وهي تنط و تصارخ :فار فار
فزت هنوف وهي تصارخ معها و راحو ركض وهم يتخبون ورا نور الي انفجرت تضحك هي و لمياء  و العيال نفس الشي ماعادى كايد الي صرخ:وجع يوجعتس انتي وياها صوتتس لا يطلع
نوف:اقول بس لا يكثر ماشفت الي انا شفته
هنوف:تكفيين اكبر فار شفته بححياتي
نوف:يخوووف
انفجرت نور تضحك على شكلهم كيف هم خايفين كذا و متمسكين فيها
نور:حمدالله وشكر على نعمه العقل بس انتي وياها ترا فار مايخوف
لمياء وهي ماسكه بطنها من الضحك:منجد و ترا راح خلاص
هنوف بعدت عن نور وهي تقول :يعع الله يقرف العدو
لمياء:اقول بس امشي انتي وياها ترا ورانا شغل كثير
نوف:ياليل ابو الشقى
نور:اقول بس امشي ونتي ساكته
مشو البنات ورا لمياء الي راحت متوجهه داخل المزرعه و للغرف الي فيها فتحت لمياء احدا الغرف و كحت بقوه من كميه الغبار و الوصاخه الي فيها دخلو البنات وهم مرهه متقرفين كيف المكان قديم و مهجور زي كذا
لمياء:يلا يابنات مافي وقت لازم نبدا
هنوف:ياراسي من وين نبدا و شايفه المكان كيف صاير
لمياء:نور حبيبي نزلتي عباتس عشان تعرفين تشتغلين براحتس و بعطي حسين و بهاء خبر انتس هنا عشان مايجون ابد
نور اخذت نفس عنيق و نزلت عبايتها توسعت عيون لمياء وهي اول مره تشوف جسم نور و تضاريس جسمها خصرها و مفاتنها
لمياء:اف اف  يانوير ليش مخبيه كل هذه علينا
ضحكت نور بخجل
ابتسمت لمياء و قالت:المهم يلا سريع سريع نور اخذي المكنسه و ابدي اكنسي الغبار ......نوف و هنوف تعالو معي
و مشت لميء و نوف و هنوف وراها و بنسبه لنور الي حطت عبايتها على جنب و اخذت المكنسه وهي تبدا تنظيف و بعد مده طويله من التنظيف انتهت نور و وقفت وهي مبوسطه بانجازها لانو الغرفه كانت جدا كبيييره و وسيعه التفت نور و صرخت بصده لما دخلت نوف و بيدها سطل مويه كبيير و كان مرههه ثقيل و ماقدرت نوف تتحمل الثقل و مال السطلل و انكب على نور الي صارخت وهي تقول:نوففف انهبلتي انتي !!
نوف من الصدمه ضحكت و قالت:اسفه وربي اسفه
نور:ضحكين بعد
و دفتها بقوه و صدمت بهنوف الي كانت داخله و معها سطل نفس حق نوف و انكب السطل حق هنوف على نوف الي طاحت على الارض
نوف:نووور الله ياخذك ياشيخه
نور:وجع الله ياخذك انتي انا وش دخلني
وقفت نوف وهي تدف نور الي زلفت رجلها و طاحت على الارض :بسببك اخترب شعري
نور بصدمه:تدفيني!! احترمي اني اختك الكبيره هذه اقل شي
نوف:امحقق اخت
نور انقهرت من كلام نوف  و وقفت بسرعه وهي تركض و تدف نوف بكل وقتها و طاحت معها على الارض
صارخت نور وهي تشد شعر نوف الي صارخت بكل قوتها
ماهي الا ثواني و دخلت لمياء مسرعه و شافت نور و نوف يتهاوشون و كانت تركض بسرعه و طاحت معهم بسبب المويه الي على الارض صارخت لمياء بالم من قوه الطيحه و بنسبه لنور و نوف الي كانو يشدون شعور بعضهم و يصارخون و ماهي الا ثواني و سمعو صوت صراخ كايد وهو يقول:بنتت انتي وياها !!!
فزو كلهم من صوت صراخ كايد المخيف بس بنسبه لنور و نو مايوقفهم شي و كانو مستمرين بالهواش
دخل كايد بسرعه و شاف نور و نوف و فز وهو يصارخ :نورر!!!
نور بصراخ:كل زق انت الثاني مو وقته
كايد:اييش!
و دخل كايد وهو يمسك نور و يرفعها بكل قوته و نور كانت تضرب صدره و تقول :اتركني اتركني والله ما اخليهاا !! انا امحق اخت انااا! اياقليله الادب
كايد:نورر!!
نورر التفت على كايد و قالت:يابوي نزلني
و كانت تضرب صدره بكل قوتها كايد مسك يدين نور وهو يثبتها و مشى بنور وهو يطلع من الغرفه و راح متوجه للونيت و فتح الباب بيد وحده وهو شايل نور و نزلها على المقعد
نور:يابوي وش تبي انت !!
كايد:وش ابي ؟ ابي تفيسر حق الي صاير داخل
نور وهي لسا منفعله و معصبه قالت:يرضيكك؟ يرضيك تقول لي امحق اخت انااا! و على ايش على شعرها الخايس انه اخترب بسبب المويه ولا كانها هي الي بدات و لاا تخيل بعد اني انا مسويه شعرها و في النهايه تجي و تضربني تخيل انها دفتني و بسببها طحت و شوف ملابسي كلها مويه بسببها يرضيككك ؟؟ يرضيك زوجتك تنضرب و ينقال لها امحق؟!!!
كايد انفجرر يضحك بك قوته و نور نزلت راسها وهي تضحك بسبب ضحكه الهستيري عليها اخذ كايد نفس عميق وهو يحاول يتنفس مسك صدره وهو يقول :لا بالله مايرضيني يازوجتي
نور عضت على شفايفها بخجل وهي توها تستوعب كلامها
اخذ كايد نفس عميق و ابتسم وهو يناظر بنور و بشعرها الاسود المبلل و ملامحها الخجوله و لبسها الي كان كله مويه و عقد كايد حواجبه لما استوعب انو نور ماعليها عبايه
كايد:وين عبايتس
نور فزت وهي تناظر بجسدها المكشوف و تكورت على نفسها و قالت:نسيتها داخل
التفت كايد وهو يشوف حسين اخوه طالع من المزرعه و كان يضحك وهو يساند لمياء الي كانت تمشي بصعوبه بسبب الطيحه
سحب كايد شماغه وهو يخطي نور و همس لنور بغضب :حسابتس عسير معي
نور:ليش وش سويت !!
كايد وهو يشد الشماغ و يغطي مفاتنها و خصرها و تضاريس جسمها الفاتن :مين سمح لك تنزلين العبايه
نور:عشان اخذ راحتي بالتنظيف
كايد:لا بالله ؟...يصير خير بعدين
ركب كايد السياره  و مشى متوجهه الى البيت و هم بالطريق استغرب كايد هدوء نور الغريب التفت كايد و ابتسم بهدوء لما شاف نور نايمه جنبه و قعد يتامل حجمها الصغير ابتسم كايد وهو يخطيها بشماغه و بدون سبب حس بحراج لما نور مسكت يده وهي نايمه و كانت شاده على يده عقد كايد حواجبه لما حس ب نور ترجف وهي نايمه
كايد:نور!
نور صارت ترجف اكثر و شدت على يد كايد بقوه
كايد وقف السياره على جنب و التفت على نور و هو يناديها:نور!! بنت وش بلاتس
نور دفنت وجهها بيد كايد و صارت تشاهق و تبكي
فز كايد وهو يمسك نور يرفع وجهها  و شاف دموعها الي اخذت مجراها على خدودها
كايد بخوف :نوررر!! نور بنت اصحي
فزت نور من نومها و كانت عيونها حمرا و واضح عليها التعب انهارت نور بين يدين كايد وهي تبكي و ضمت كايد بقوه
كايد ضاع و انعفس من حركته حاوطها كايد وهو يمسح على ظهرها
نور وهي تشاهق :ت.تعبانه
فز كايد و مسك وجه نور و حست بحرارتها مرتفعه مرهه
رجع لكايد فلاش باك وهو يحاول يعرف من ايش تعبانه ة لفت انتباهه عداد درجه الحراره الي بسياره و كانت درجه الحراره 5 و حس برطوبه  ملابس نور و شعرها الرطب غمض كايد عيونه وهو يعض شفايفه و كان يحس بالم نور وهي كل شوي تشد عليه اكثر و شهقاتها تزيد حاوطها كايد وهو يضمها بكل قوته و مشى فيها و راح متوجه لبيت ابو كايد و مجرد ماوصل وقف السياره وناظر بنور و قال بهدوء:نور؟
نور مادرت وهي كانت نائمه بين أحضانه
اخذ كايد نفس عميق وهو يحاوط نور من ظهرها و يشيلها فزت نور لما حست بكايد يرفعها و يمشي فيها فتحت عيونها بارهاااق و تعب شديد عقدت حواجبها وهي تبتسم بهدووء وهي تتأمل ملامح كايد عن قرب سندت نور راسها على صدر كايد و غمضت عيونها بتعب و شوي و حست بكايد يدخل لـ مقلط الحريم الي كان شبه مهجور لانو نادر يسوون عزائم فيه و اغلب عزائم الحريم تكون بصاله أو بالجلسة الخارجيه تقدم كايد وهو ينزل نور على الكنب و كانت نائمه ابتسم كايد وهو يتأمل ملامح نور النائمه وقف كايد و اخذ نفس عميق و زفره و راح متوجه الى المطبخ وهو يدور في الصيدليه الصغيره الي عندهم و شاف حبوب خافض حراره أخذه كايد و راح متوجه لنور وهو يصحيها
كايد :نور نوررر
نور وهي نائمه:هممم
كايد:خذي العلاج
نور بصوت مليان نوم :مابي
كايد:حراراتس مرتفعه خذيه
نور:مااابي كاايد !
كايد:نور!! خلصي يلا
نور فتحت عيونها وهي تعبانه و بصعوبه جلست على الكنب وهي تاخذ الدواء و تشرب من بعده الماي
كايد:يلا الحين نامي
نور:طيب
قاطعهم جوال كايد الي وصله اتصال
كايد:الو وعليكم السلام
حميدان :العميد كايد وصلت لنا ملفات جديده و نحتاج مساعدتك
كايد:تمام مسافه الطريق وانا عندك
حميدان:يعطيك العافيه
كايد:الله يعافيك
و انقطع الخط بينهم
وقف كايد و كان بيمشي
نور:كايد!
كايد:سمّي
نور:وين بتروح
كايد:دوامي
نور:طيب... كايد
كايد:ايش ؟؟
نور بهدوء:شكرا
كايد:العفو
و مشى مستعجل لداومه راح متوجه لغرفته وهو يلبس بدلته العسكريه و راح مسرع متوجه الى مكان عمله
و بنسبه لنور الي اخذت نفس عميق وهي تزفره بهدوء و اخذت شماغ كايد الي كان على كتوفها وهي تضمه و انسدحت على الكنب وهي تضم الشماغ بحضنها و دقايق معدوده و دخلت في سبات عميق
________________________________
في المزرعه
جلس حسين وهو ماسك بطنه من الضحك :اففف الله لا يوريتس كيف كان شكلتس وهي متشقلبه على الأرض
بهاء:حسين ترا محد له خلق استهبالك الخايس ذا
لمياء وهي ماسكه ظهرها :ماقول غير حسبي الله عليتس يانوف
نوف:وانا وش دخلني كله بسبب نور
لمياء:ماشاءالله عليتس انتي كلشي تحطينه براس نور
هنوف:قومو بس خلونا نرجع بيت خالي
حسين:كايد راح بسياره
نوف:واحنا كيف نرجع
حسين:كعابي ترا البيت مو بعيد
نوف:مستحيل ابي سياره
بهاء :اقول بس لا يكثر يابنت المدن و قومي قدامي
لمياء مسكت ظهرها و قالت :الله يعين
ضحك حسين و قال: بموت علينا ذي الحين
لمياء:روع كلزق
حسين:مين ياكل زق!
لمياء :انت
حسين انقلبت ملامحه و صارت جديه و قال :قدها؟
لمياء:قدها وانا بنت محمد ال جراح
تقدم حسين بسرعه وهو يرفع لمياء على ظهرها و يركض فيها بكل قوته و لمياء تصارخ
انفجر بهاء يضحك
هنوف وهي تعبانه قالت بهدووء :بهاء
بهاء:سمّي
هنوف:عادي نرجع البيت
بهاء:فيتس شي ؟
هنوف:لا لا بس تعبانه عادي نرجع البيت
بهاء:طيب يلا قومي وانتي و اختس
نوف:مابغينا
و قامو البنات و مشو ورا بهاء متوجهين لبيت ابو كايد
————-
عند حسين الي نزل لمياء و طاح على الارض بتعب وهو يضحك على صراخ لمياء طول الطريق
لمياء وهي تتنفس بصعوبه قالت :مايضحك ياكلب
(انتهى البارت السابع )