ياكايد حبيت قلب ما يبغاني

البارت الثامن عشر

(ملاحظه البارت كان ناقص و هذه الجزء المفقود منه)
مشى سعود وهو يطلع المسكن و يركبه له
كايد:و الجوال
سعود:شوي و يجيك
كايد:يعطيك العافيه
مشى سعود و طلع من الغرفه غمض كايد عيونه بالم يحس بدوخه و انه مو بوعيه و شوي و غفت عينه دخلت ممرضه معها جوال للاتصالات
الممرضه:السلام عليكم ...ب مين تبي تتصل
كايد:ام شهاب
الممرضه:عفوا؟
كايد:ايش؟
الممرضه:مافهمت عليك ب مين تبي تتصل
كايد:زوجتي
الممرضه:اهااا...طيب كم رقمها
عض كايد على شفته لما استوعبت انه مو حافظ رقم نور
كايد:ءء ولا تصدقين اتصلي على جدتي
الممرضه:مافي مشكله بس ممكن تعطيني الرقم
قال كايد رقم الجده اعتدال
________________
في بيت ابو كايد
كانو قاعدين بينهم و بين بعضهم
الجد فهد:ياا بهاء
بهاء:سم ياجد
الجد فهد:ما قالو لك متى بيطلع اخوك
بهاء:بكرا ان شاءالله
الجده اعتدال:ولا هو وش بلاه
حسين:جرحه انفتح و صارت عليه مضاعات
شهقت الجده اعتدال و قالت:و انتو ليش خليتو و رجعتو
بهاء:الحرمه الي في المستشفى قالت ارجعو
عقد ابو كايد حواجبه:حرمه وش هاذي
لجين:يقصد الممرضه
لجد فهد:وش هي هاذي الممرضه وش عندها تاركه زوجها و عيالها و تراكض من مستشفى الى مستشفى
نوف:ياجد هاذي وظيفه الممرضه هي المسؤوله عن العنايه بالمرضى و تراجع حالتهم

ابو كايد:لو انها جالسه ببيتها تراجع دروس ولدها احسن لها
هنوف:بس ياخال اهي ماراح تتوظف غير لانها محتاجه فلوس عشان تخلي ولدها يدرس
الجد فهد:و رجلها وينه عنها
نوف:تختلف الاسباب ياجد يمكن زوجها متوفي او ماعنده وظيفه و احيانا يمكن يكون مريض وهي الي تعالجه و تهتم فيه
هنوف:ياجد مو قصدي شي بس الله يهديكم لازم شوي تتفتحون عن الانقلاغ الي انتو فيه
صرخ بو كايد:وشهو!
فزت هنوف: ايش وش قلت انا!!
الجد فهد:وش تبين اهل الديره يقولون عننا ...شوفو عيال سلمان ال جراح
نوف:بس ياجد
ابو كايد:بس انتي وياها مصدقين انفسكم خلااص عرفنا انكم بنات المدن المتفتحات و الي يفهمون و انو احنا الجهلاء
نوف:بس احنا ماقلنا كذا
ابو كايد:نعرفها التلمحيات الي من تحت الى تحت
حسين:بس يبا ماعليك منهم خلاص لا تحرق دمك
قالها حسين وهو متوتر مايبي تشب نيران و لهايب بين ابوه و البنات و تحديدا نوف
صد ابو كايد وهو ينفذ النيران الي بداخله كل يوم و يزيد كرهه لهم يحسهم مغرورات و بزياده مسح على وجه بقهر مايدري كيف زوج بكره لبنت مدن مثلهم بس على الاقل يشوف نور اهون منهم بمراحل
شوي و وصل اتصال للجده اعتدال
الجده اعتدال:رقم غريب؟
الجد فهد:اشوف

عطته الجده اعتدال

الجد فهد عقد حواجبه الرقم كان من ثلاث ارقام بس :هذه رقم حكومي؟...امسك يا حسين رد
اخذ حسين اجوال وهو يرد على الرقم و شوي و و وصله صوت الممرضه :الو السلام عليكم
حسين:وعليكم السلام و الرحمه ..مين ؟
الممرضه:ممعكم مستشفى**** انتو اهل المريض كايد ال جراح
حسين:اي نعم معس اخوه فيه شي صار له شي؟
الممرضه:لا بس صحى و يسال عن ام شهاب
حسين:مافينا ام شهاب
الممرضه:مدري ام شهاب ولا نور
حسين:ايه يه نور
نزل حسين الجوال من اذنه و التفت على الجد اعتدال :كايد صحى و يبي زوجته
الجده اعتدال:ايه ايه دقيقه بس ....لميااء قومي شوفي نور
لمياء:ابشري ياجده
قامت لمياء وهي تتوجه للقسم الخلفي لبيت ابو كايد دقت باب الغرفه و ماسمعت رد عقدت لمياء حواجبها و دقت الباب مره ثانيه
فتحت الباب بهدوء و شهق لما شافت نور على الارض و تمسك بطنها
لمياء:نوور!!
فزت لها لمياء وهي ترفع راسها و تضرب خدها بخفى و انتبهت على بقعه دم حمرا بملابس نور
قامت لمياء تركض و رجعت للجلسه الخارجيه و قالت:نور مغمى عليها بالغرفه !!فزو نوف و هنوف و العمه ايمان يركضون لغرفه نور
العمه ايمان: يما بنتتي بسم الله الرحمن الرحيم نور نوووور
سحبت نوف جوالها وهي تتصل على سعد اخوها و شوي و وصلها صوته
سعد: الو هلا نوف
نوف: سعد الحقنا بسرعهه نور نور اغمى عليها نوور!!
سعد: ايش!! طيب طيب الحين بجي يلا
___________
بالمستشفى صحت نور و ناظرت من يمين و يسار و شافت سعد واقف مع لممرضه و سمعتها تقول
الممرضه:مع الاسف انها فقدت جنينها حاولنا بقدر الاستطاعه بس مانفع ...الحمدالله الي قدرنا نطلع الجنين رغم حجمه الي لا يذكر اساس
غمضت نور عيونها و مسكت بطنها و فزت لما ستوعبت كلام الممرضه وهي تناظر ب العمه ايمان
نور:يما!
العمه ايمان:استريحي بسم الله عليك يانور
نور مسكت بطنها و ناظرت ب امها و عيونها دموع
العمه ايمان:الله يعوضك يانورعيني
نزلت دموع نور وهي تناظر امها حست بصدمه و كسره بشكل مو طبيعي ...فقدت اول جنين لها الي كانت تفكر فيه طول الوقت و و بحياته و مستقبله فقدته بالحظات فتحت نورعيونها لما تذكرته و قالت
نور:سعد...وين كايد؟
سعد:بالغرفه الثانيه
نور:كيف وضعه
سعد:خيطو جرحه و وضعه الحين احسن
نور:ابي اشوفه
سعد:يخلص المغذي و روحي له
نور:مابي ابي الحين
سعد:عن العناد
نور:سعدد!!
صد سعد وهو ينادي الممرضه الي تقدمت وهي تصبر نور و نص ساعه و المغذي خلص فكته الممرضه و وقفت نور بصعوبه و تمسكت بيد سعد الي ساند نور و قال:تعبانه!
نور:لا بس شوي
سعد:استريحي و بكرا شوفيه
نور:لا ابي الحين
سعد:الله اكبر بس و الي تبيه الحين
نور ناظرت سعد بحده و قالت:اخلص!
سعد:ياليل امشي اخلصي
نور:بشويش!
سعد:طيب يلا
مشت نور بشويش وهي تتمسك ب سعد و شوي و وقفو قدام باب غرفه كايد دخلت نور و خنقتها العبره لما شافت كايد على السرير تعبان و دايخ مشت نور بدون سعد الي تراجع و طلع من الغرفه و تقدمت نور لكايد و قالت:كايد
فتح كايد عيونه و ابتسم لما شاف نور و قال :سمي
نور:في شي يوجعك
كايد :لا
بدات الدموع تتجمع بعيون نور مسكت بطنها
كايد:نور!
نور مادرت عليه
كايد:نور لا يكون الي ببالي صحيح
عضت نور على شفايفها و قربت لكايد وهي تسند راسها على كتفه و قالت:عليه العوض
حضن كايد نور و قال:طيب ليه تبكين
نور دفنت راسها بكتف كايد وهي تشاهق هي بنفسها ماتعرف ليه بس تحس بشعور حزن غريب انها فقدت جنينها
كايد:نور
نور :همم
كايد مسك راس نور و رفعه و شاف عيونها الي كان حمرا و تدمع مسح كايد دموعها
كايد:امسحي دموعتس يانور عيني
كانت نور تناظر فيه بصدمه اول مره تحس بشي من حنان كايد الي صعبب انه يطلعه
كانت ملامحها حمرا و باكيه حاوطها كايد يسحبها لحضننه و صار جالسه على رجله ابتسم وهو يبوس راسها و يحس فيها تشد عليه ، فزت من حضنه لما تذكرت جرحه و قالت:جرحك!
مسك كايد يدها و سحبها لحضنه
نور:كا...
قاطعها قبله كايد على شفايفها بعد عنها و قال وهو يشد على خصرها :انتي علاجه...خليتس كذا
زادت انفاسها وهي تحس بمشاعر غريبه بوسته و كلامه لها تتمنى لو انه كذا دايما
_____________________
سكب بسيط طلعو كايد و نور من المستشفى و رجعو البيت استغربو كايد و نور وجود اغلب اهل الديره في بيت ابوكايد كانو الرجال برا و الحريم داخل
كايد:سلام عليكم يارجال
التفتو اغلب الرجال وهم يردون السلام على كايد
التفت كايد على نور و همس لها :ادخلي اكيد الحريم داخل
نور:لا ابي اروح الغرفه اول
كايد:طيب امشي
مشو كايد و نور متوجهين للقسم الخلفي لبيت ابو كايد و دخلو غرفتهم رمى كايد نفسه على الكنبه بتعب
نور وقفت قدام الدولاب و قالت وهي تفتحه :ابي اطلع السوق
كايد:وش حقه
نور:ماعندي لا ملابس ولا عبايات
كايد:عندس لمياء و لجين و خواتس موجودين
نور:و الى متى باخذ من عندهم
كايد:الين ربي يفرجها
التفت نور وهي تطلع فستان الروز الاسود و معه عبايتها الحمرا
نور:بكرا بطلع السوق
كايد:شلون بتطلعين شايفه وضعي ...زين مني قادر اوقف
نور: جرح و خياطه كاايد بن محمد بن فهد بن سلمان ال جراح ما يقدر يتحمله
كايد:ترا جرح و انفتح اكثر من قبل
نور:الله يخلف على امي و امك حمل و ولاده و جراحه و خياطه و فوق كل هذه يشيلون بيوتهم شييل
كايد:انا قلت لس ماتقدرين تروحين
نور:وانا اقولك بروح
كايد:مع مين بتروحين!
نور: مع الجني...اكيد معك
كايد:حلم بليس بالجنه
نور:بتجي يعني بتجي
كايد:اساس ممنوع للرجال يدخلون سوق الحريم
نور:اجل خلاص بطلع مع امي و خواتي
صد كايد و قال:يصير خير
نور وهي تفك شعرها :حسبي الله على بليسك ضيعت وقتي
كايد:لا يشيخه
نور وهي تسحب منشفتها دخلت الحمام بدون رد على كايد الي مسح على وجهه و شنبه يهدئ نفسه من عناد نور المستفز بنسبه له
_______________________
عند الحريم الي كانو متجمعين بوسط صاله بيت ابوكايد تقدمت الجده اعتدال
الجده اعتدال:حياكم الله ياحريم
اختلفت دود الحريم بين (الله يحيك ،حياك الله)
تقدمت الجده اعتدال وهي تجلس على يمينها بنتها العمه ايمان و على يسارها زوجه ولدها
بنين وهي تهمس ل ماريا:غريبه وينها بنت المدن
ماريا:ونتي وش عليتس منها
بنين:مدري يقولون انها حملت و سقطت
ماريا:ونتي وش دخلتس بالبنت
بنين:حبيبتي ميمي انتي ناسيه مين زوجها
ماريا:كايد
بنين:ايه الي نشف دمس يوم انتس شفتيه ذاك اليوم
ماريا:ترا مافهمت وش وضعتس انتي الحين و بالله سؤال الى متى ونتي على قيل و قال
بنين:الين موت
ماريا:ماشاءالله عليتس نقاله علوم الين اخر نفس
بنين:على الاقل ثقه بس السؤال الواقعي نور سقطت بسبب كايد ؟ ولا لسبب مجهول
ماريا:بنين ياليتس تسكتين
بنين:وجع اخت على الفاضي انتي
ماريا:قال ايش قال سبب مجهول
بنين:طيب عطيني سبب مقنع
ماريا:شي مقدر و مكتوب لهاا
بنين:قال ايش قال مقدر و مكتوب
ماريا:حبيبتي ترا قدر الله
بنين:شرايتس نسال لمياء عنها
ماريا:لا!
بنين:اففف منس
التفت بنين و تنحنحت و قالت:الا يا لمياء ابي اسالتس وينها نور ماشوفها
لمياء بطرف عين:توها رجعت من المستشفى مع كايد
بنين:اي صحيح حمدالله على سلامته هو بعد
لمياء وهي مو طايقه بنين:الله يسلمتس
بنين:يقولون نور سقطت...صحيح
لجين عقدت حواجبها و قالت:ونتي وش عليتس !
بنين:ويي شدعوه بس اسال
لجين:مالتس علاقه !!
الجده اعتدال:بس انتي وياها ....ام مفرح ! امسكي بنتس
تفشلت ام مفرح وهي تمسك يد بنين و تقرصها
عضت بنين على شفتها بالم
ام كايد:لمياء قومي جددي القهوه
لمياء:ابشري يما
وقفت لمياء وهي تاخذ الدله و مشت متوجهه للمطبخ حطت الدله و بهارات القهوه و وقفت تنتظرها تجهز فتحت جوالها تقلب بالتيك توك وطلعت اغنيه كلماتها مرهه حلوه ابتسمت وهي تغني مع الاغنيه
_______________
مدري وش بلاي اليوم قسسيت عيوني
احساسي قلبي غيير شكلي كذا مغروم
____
توسعت عيونها بصدمه اول ما وصل صوته الخشن المبحوح لمسامعها
____
نبضات قلبي تزييد و انفاسي و التنهيد
الحب مو بالايد منهو بس بيلوم ...شكلي كذا مغروم
____________________
التفت لمياء بصدمه و شافت ماجد
ماجد:وش بلاتس يابنت محمد شايفه جني
ابتسمت لمياء وقالت:لا بس الله يهديك خرشتني
ماجد:بسم الله عليتس ياعيون ماجد
توردت ملامح لمياء بالخجل
ابتسم ماجد:يالبيه بس
قاطعهم صوت رعد من بعيد ينادي ماجد
ماجد بقهر:الله لا يوفقك يارعد
رفع صوته:جاي جاااي
ضحكت لمياء
ماجد مسك قلبه و همس :ويل قلبي ياضحكتها
صد وهو يمشي له رعد و فزت لمياء لما فورت القهوه و طفت عنها وهي تمسك الدله و ترجع فيها للحريم و وهي ماشيه ابتسمت لما لمحت ماجد رافع ثوبه و رابطه على خصره و بيده سله مليانه رطب من النخل
______________________
نرجع للقسم الخلفي لبيت ابو كايد و نور الي طلعت من الحمام و وقفت قدام المرايا وهي راضيه عن مظهرها اتم الرضى
كايد:ابي اتروش
نور:طيب قوم مين ماسكك
كايد اشر على يده المجبسه دليل كسرها
نور:الله يعينكك دبر نفسك
تنرفز كايد من اسلوب نور و شافها تمشي و كانت تبي تطلع من الغرفه فز كايد وهو يمسك يدها و يسحبها عليه صرخت نور لما سحبها كايد و شافت نفسها على فخذ كايد و عيونه تطلع شرار و كان مره قريب منها
كايد بحده:اتركي العناد عنس و اعدلي اسلوبتس
نور توترت و قالت:طيب خلاص
كايد حاوط خصر نور وهو يشيلها و يمشي فيها لباب الحمام و نزلها و قال:اخلصي علي ابي اتروش تاخرت على الرجال
بلعت نور ريقها و قربت لكايد وهي تفتح ازرار ثوبه
حاول كايد يمسك ابتسامته وهو يشوف توترها بعيونها و القرب بينهم
نور: يلا
رفع كايد يدينه وهو يفصخ ثوبه و ساعدته نور وهو يفصخ فنيلته
كايد :خلاص انا بكمل بس خلتس عشان تسوين لي شماغي
نور:تاخرت على الحريم وش اقول لهم
كايد:اخر همي الحريم
نور:وجع كايد!
كايد:يوجع العدو ! قلت لتس خلتس
نور:يصير خير
كايد: بدخل اتروش لو طلعت و ماشفتس مايحصل لتس طيب
نور:تهدد؟
كايد:ايه!!
نور:وجع طيب خلاص
دخل كايد دوره المياه يتروش و بنسبه لنور الي سحبت على كايد وهي تتعطر و تعدل طرحتها على شعرها و طلعت وهي تمشي متوجهه الى الصاله مع الحريم ابتسمت نور وهي تدخل و تسمع صوت الترحيب من الحريم
ابتسمت وهي تمشي و تجلس جنب خواتها و بين سوالفهم و ضحكهم
التفت نور على بنين الي تكلمت
بنين:اي صحيح نور ..الله يعوضتس يقولون سقطتي
نور ضاق صدرها و قالت:اللهم امين
ابتسمت بنين لماا حست بضيق بصوت نور الي صدت و رفعت نظراتها للجين الي قربت لها و قالت:ماعليتس منها تراها تبي تقهرتس
نور:اعرف بس كانها جات على وتر حساس
التفتو لما سمعو بنين تقول:عاد تصدقين يانور مافي اصعب من فقدان الضنى حتى لو كان جنين
نور حست بغصه و قالت: الله يعوضنا
بنين:امين...بس وش كانت رده فعل كايد لما عرف انتس سقطتي
نور الدموع تجمعت بعيونها و قالت:انا استئذن
و طلعت من الصاله
بنين:وي لا يكون زعلت؟
لجين حست انها شوي و تنفجر قربت لبنين و مسكت فكها و قالت لها بحده:اسمعي يالحيه والله ثم والله ان ماحطيتي لسانتس بلهاتس مايحصل لتس طيب
بنين:اخخ اخ بعدي عني
لجين تركتها بقوه و قالت:وصلتس العلم
بعدت عنها لجين وهي ترجع لمكانها
لمياء:كفوو
ابتسمت لجين و قالت:افا عليتس اعجبتس
________
عند نور الي رجعت للغرفه و دخلت و غطت وجهها على طول وهي تبكي ما انتبهت لكايد الي كان منحاس مع شماغه مو عارف يلفه على راسه بيد وحده
كايد:نورر!!!
فزت نور وهي تصد و اخذ نفس عميق وهي تزفره بهدوء و قالت:هاه !!
كايد:وش بلاتس!
نور وهي تمسح دموعها : ولاشي
تقدم كايد وهو يمسك كتف نور الي غطت عيونها و قالت:شتبي !
كايد:تبكيين!
نور:لا
كايد مسك يد نور وهو يبعدها و شاف عيونها الحمرا و دموعها
كايدوهو يناظر بنور :لا لا لا يابنت ناصر..ليه الدموع يا امي انتي
نور انفجرت تبكي و قربت وهي تحضن كايد الي حاوطها بيد وحده و قال:ماعاش الي ينزل دمعه حرم كايد! مين مزعلتس ؟
بعدت نور وهي تمسح دموعها :محد
كايد:كل هذه و محد؟
نور وهي مقهوره :كل ماحاولت انسى ذكروني
كايد: ب مين
نور وهي تبكي مسكت بطنها :فقيدي
كايد ماعرف وش يرد وهو ماينكر الفرحه الي شافها بعيون نور لما كانت بالمستشفى و عرفت انها حامل و برضو كميه الحزن بعيونها لما فقدته
كايد:الله يعوضنا يانظر عيني
نور كانت تشاهق و همست :امين
كايد:ابشري بعزتس يابنت ناصر بكرا بعد صلاه الظهر نطلع السوق ولا تزعلين
ابتسمت نور
كايد:اييه هذه الي ابي اشوفه
قرب لها وهو يمسح دموعها و يقبل راسها و قال :مهما شفتيني قاسي و عصبي معتس تراس انتي العزيزه الغاليه شوفه ابتسمت ترد لي الروح تكفين يابنت ناصر يا حرم كايد لا تحرمني شوفتها
توردت ملامح نور بالخجل من كلام كايد لها و وقفت على اطراف اصابعها وهي تبوس خد كايد :الله لا يحرمني منك
ابتسم كايد وهو يناظر نور الي عدلت طرحتها على شعرها و قالت:بتطلع للرجال ؟
كايد مسك شماغه و قال:خليه يضبط بالاول
ضحكت نور و سحبت شماغ كايد و قالت:اقرب
ابتسم كايد وهو ينحي بظهره لها حطت الشماغ على راسه وهي تلفه و تعدله بطريقه الي هو يحبها و ابتسمت وقالت:يالبيه
رفع ظهره و وضح فرق الطول بينهم و التفت على المرايا و ابتسم باعجاب بشكله و طريقه لف نور لشماغه قرب لها وهو يمسك يدها و يبوسها :يعطيتس العافيه
نور:الله يعافيك...يلا عشان ما تتاخر على الرجال
تنهد كايد و قال:يلا
طلعو من الغرفه و مشى كايد للجلسه الخارجيه عند الرجال و نور رجعت للحريم
مشت وهي تقعد مكانها و التفت على هنوف الي قالت
هنوف:وش فيك
نور عقدت حواجبها و قالت:مافيني شي
نوف:ترا عيونك قلوب
ابتسمت نور لما تذكرت كايد و بدات نبضات قلبها تزيد و مسكت قلبها وهي تتنفس بسرعه
هنوف و نوف ناظرو ببعضهم و رجعو يناظرون نور
نوف:نوور!
التفت عليها نور وهي ماسكه قلبها و تتنفس بسرعه
هنوف:الي ببالي صح؟
ابتسمت نور
صرخو هنوف و نوف مع بعض فزت نور وهي تضرب كتوفهم
نور:وجع وجع انتي وياها!!
هنوف:منجدك ولا تستهبلين !
نور:ليتكم تسكتون !
مشت لجين وهي تقول:مين هنوف و مين نوف
نوف:انا نوف
لجين:تعالي معي للمطبخ ابيس تساعديني شوي
اخذت نوف نفس عميق وهي تزفره بهدوء عدلت طرحتها على راسها و مشت مع لجين للمطبخ
لجين:بحكم ثوقتس العسل ابيتس تسوين لنا حلاه لنا و للعيال عشان السهره باليل
نوف:سهره ايش؟
لجين:بليل تعرفين بس الحين ابي اشوف اطلق حلاه من تحت اناملتس
ابتسمت نوف:افا عليك بسوي لتس حلاه تاكلين اصابعتس وراه
ابتسمت لجين وهي تبوس خد نوف:الله لا يحرمني منتس ياشيخه
ابتسمت نوف و التفت وهي تطلع الطبق و المكونات حقت الحلا
_________________
نترك نور و الحريم و نروح للرجال دخل كايد و قال بحده صووته
كايد:يالله حيهم
التفتو الرجال عليه مره وحده:الله يحيك
مشى كايد وهو يجلس جنب الجد فهد بصدر المجلس
التفت كايد على ابو ماجد الي قال:حمد الله على سلامتك يابو محمد
ابتسم كايد:الله يسلمك ياعم
ابو مفرح :الا ياكايد و صار على جرحك
كايد:انفتح و زاد عمقه و خياطه و ان شااءلله 4 شهور و يرجع ...و الكسر شهر بالكثير و يجبر
ابو سالم:ماتشوف شر ياولدي
كايد:الشر ما يجيك
كملو الرجال قعدتهم و سوالفهم
________
عند العيال مشى حسين مستعجل وهو يتوجهه للمطبخ و دق الباب
التفت لجين وهي تقول:نوف حبيبتي تكفين شوفي مين عند الباب
تقدمت نوف وهي تغسل يدينها من الشوكولاته الزايده و مشت للباب و قال:هلا
فز قلب حسين لما سمع صوت نوف و قال:ءءوين لجين؟
نوف:مشغوله..امرني؟
حسين:مايامر عليتس عدو ...ءء بس جددي القهوه لو ماعليس امر
ابتسمت نوف وهي تمسك الدله و قالت:ان شاءالله
مشت وهي تتوجه للمغسله تغسل الدله و تحطها على الفرن من جديد و تحط بهارات القهوه و قالت
نوف:لجين تكفين خلي بالك على القهوه انا بكمل الحلا
لجين وهي تغسل الفناجيل:تماام
راحت نوف تكمل الحلاه حقها و تحط خليط الشوكولاته على طبقه البسكوت وهي تبتسم و تتذكر حسين
________________
عند حسين الي ابتسم وهو يرجع للعيال و اخذ نفس عميق وهو يزفره بهدوء
بهاء:شفيك؟
حسين:ولاشي
بهاء:وين القهوه
حسين:يجددونها
بهاء:فيك شيي؟
حسين:لا بس بروح اسقي الورد الي بالمزرعه
بهاء:طيب
مشى حسين وهو يتوجهه مزرعه بيت ابو كايد دخل حسين و ابستم من نسيم الهوا الي هب عليه مشى وهو يرجع للمكان الي قابل فيه نوف اول مره و قعد معها
(فلاش باك)
___________
تتمشى بين الورود و الأشجار نسيم الهواء الي يطير طرحتها الحمرا سامح لشعرها البني الفاتح بالتطاير ابتسمت وهي تغمض عيونها و تستنشق ريحه ورد الياسمين الابيض ابتسمت لما شافت ورد دوار الشمس قطفت منه وهي تحطه على أذنها تكمل لعب و ركض بين الورد و ارتمت على ورد الياسمين و فجاء شهقت لما تعثرت رجلها بـ شي غريب على الأرض بوسط الورد و طاحت نوف شهق حسين وهو يفتح عيونه لما حس بثقل غريب على صدره شاف انثى صغيره الحجم على صدره ماقدر يتعرف على ملامحها أو مين هي بسبب شعرها الي كان متناثر على وجهها
_______________________
نرجع لوقتنا الحالي
ابتسم حسين وهو ينسدح بين الورد يهوجس و يفكر ب نوف و ماحس على نفسه و عيونه الي خفت وهو منسدح بين الورد
و الوقت الي عده عليه و غربت الشمس و سمع صوت المؤذن يأذن دليل وقت صلاه المغرب فز من نومته وهو يشوف الساعه و كانت 6 المغرب سحب شماغه و قام مستعجل و دخل مجلس الرجال و ماشاف احد منهم رفع ثوبه وهو يعض على طرفه و يركض يتوضى و طلع متوجهه الى مسجد الديره دخل وهو يصف جنب ابوه و اخوانه وهو مرتاح انه لحق على الصفوف الاولى و من بعده عمامه و عيال عمامه
_______
عند الحريم
لجين:بنات تعالو خلونا نصلي بالغرفه اريح لنا
وضحى:ايه يلا
اسيل:تمام انا بروح اتوضى
نور وهي تدل طرحتها قالت:انا بسبقكم على الغرفه
نوف:وانا معك
نور:يلا
مشو نور و نوف متوجهين الى غرفه لجين و لمياء و شوي و جاو باقي البنات وقفو مع بعض تاركين الدنيا و ملاذها خلفهم يتوجهون الى رب الكون الي خلقهم و احسن خلقهم رفعو اياديهم يكبرون الله تعالى
__________________
في هاذي اللحظات في صاله بيت ابو كايد الي كانت مليانه روحانيه بحضور الملائكة الكرام و ب وقوف الجده اعتدال و من خلفها باقي الحريم يصلون صلاه المغرب
_______
(انتهى البارت الثامن عشر)