ياكايد حبيت قلب ما يبغاني

البارت العشرون

حضنهاا كايد يحاول يهديها تعلقت نور برقبته و راسها على صدره و بين احضانه
نزل نظراته لها يشوف عيونها الحمرا و دموعها على خدودها و انفها احمريشوفها تحضنه و تدفن وجهها بين ضلوعه حضنها كايد وهو يقوم و يمشي فيها متوجه للسرير نزلها وهو يعتليها مسك وجهها الدافي و عينه على شفايفها قرب لها يقبلها , كانت تشاهق و تبادله بنفس الوقت حضنته و هي تحاول تتجاهل دوختها قشعر جسمها لما نزل كايد راسه وهو يقبل رقبتها تحس بانامله الخشنه يمررها على جسدها و على خصرها و....
__________________
بيت داوود(ابو ذيب)
ابو ذيب:وين راحت نور
هنوف:تعبانه شوي و رجعت البيت
ابو ذيب:اي بيت ؟
نوف وهي تشرب القهوه:بيت خالي..محمد
ابو ذيب:مين!!
سعد:بيت خالي محمد بو كايد
ابو ذيب:وش موديها عنده
سعد:هي اساس تسكن هناك و احنا قاعدين معها
ابو ذيب:ليش ان شاءالله بيت ابوي موجود للحين و هالبيت بيتكم وش مقعدكم عند محمد
نوف: ياليتها بس قاعده عنده هي حرم بكره
فز ابو ذيب:ايش! نور زوجه كايد ؟؟
هنوف:ابشرك
ابو ذيب:نااصر منجدك مزوج نور ل كايد!
ابو نور:على اساس بكيفي هو
ابو ذيب:متزوجين اجبار
نوف:لا ياعم تراهم سمن على عسل بس محد كان متوقع زواجهم
سعد:جدي الي طلب من كايد يتزوج نور يعني لا كايد ولا نور كانو يبون بعض بس تقدر تقول انهم تعودو على بعض
ابو ذيب:يعني وضعهم كويس مع بعض متفقين ؟
هنوف:ايه ياعم
اخذ ابو نور نفس عميق و رجع له فلاش باك
__________
التفت كايد بقوه وهو يمسك رقبه نور و يخنقها بكل قوته و يصارخ عليها بشكل مرعب استسلمت نور بين ايادي كايد الي كان يخنقها بكل قوته و يصارخ عليها فجاء انفتح الباب بقوه و دخل ابو نور و وراه العائله الي شاو كايد بهاذي الحاله و نور مستسلمه بين اياديه ابو نور:كاااايد!
التفت كايد بعيونه الحمرا و عروق جبينه الواضحه و ملامحه المرعبه الغاضبه ركض ابو نور وهو يصفق كايد بكس قووي و لحسن الحظ انو ابو نور كان لابس خاتم و كانت الضربه عند حاجب كايد الي حس الدنيا تدور فيه و ترك نور بعد ما اغمى عليها بين اياديه ركض سعد وهو يمسك نور قبل لا تطيح على الارض و شاف وجهها الازرق و اصابع كايد على رقبتها
__________________
رجع ابو نور للحاضر على صوت ابو ذيب الي قال
ابو ذيب:حياكم على الغدا
قامو كلهم متوجهين الى السفره قعدو على الغدا بين سوالفهم و ضحكهم و بعد ساعات طويله غربت الشمس و اذن المغرب قام ابو نور و قال :ما ودنا نكلف عليك اكثر من كذا يعطيك العافيه و كثر خيرك استودعناك الله
ابو ذيب:الله يعافيك و بالعكس دخلتك هاذي انت و عيالك علي غيرت لي جوي 180 درجه عيدها و لا تحرمنا منها زي المرات الي راحت
ابتسم ابو نور و قال:على خير ان شاءالله
مشو متوجهين الى خارج منزل ابو ذيب و كل واحد ركب سيارته و رجعو لبيت ابو كايد دخلو و هم بين ضحكاتهم و سوالفهم عن قديش اليوم كان حلو و مفاجاه ابوهم احلى
ابو كايد:حمد الله على السلامه طالعين من الصباح وتوكم ترجعون
نوف:والله ما حسيت بالوقت مع عمي داوود
ابو كايد:مين!
هنوف:اي والله ما اتخطى اليوم
ابو كايد:هاذي المفاجاه الي ازعجتونا فيها
نوف:والله احلى مفاجاه ياخال تدري عمي هذه متى اخر مره شفته
صد ابو كايد:مابي اعرف
همست نوف:على اساس انا الي بقول
ابو نور:وش وضعكم على وقفه الباب
هنوف:مدري(التفت على نوف و قالت) امشي يلا
مشو مع بعض متوجهين لغرفه لجين و لمياء
مشى ابو نور وهو يقعد:اله وين نور
ابو كايد:مدري ولا كايد مالهم لا حس ولا خبر من بعد الغدا ماشفته
ابو نور:غريبه
مشى االجد فهد على معكازه و جلس و قال :متى جيت يا ناصر
ابو نور:توي
الجد فهد:وين عيالك ماشفتهم
ابو نور:احمد و سعد طالعين و هنوف و نوف دخلو الغرفه
الجد فهد: و نور راحت لزوجها؟
ابو نور: نور جات من الظهر ماشفتوها؟؟
الجد فهد: لا بس كايد سال عنها
ابو كايد: كايد ماعنده خبر؟؟
ابو نور: مدري
الجد فهد: الواضح انه لا لانه لو يعرف انها بتطلع كان ما سال عنها
التفت ابو كايد على ابو نور و قال : و انت منجدك تطلع بنتك بدون علم زوجها
ابو نور: انت قلتها بنتك.. بنتي وش فيها
ابو كايد: لا يشيخ
الجد فهد: الحق مع ناصر.... الحين كم لهم متزوجين
ابو نور: 6 شهور اتوقع
الجد فهد: و ما شفنا من كايد شي
ابو كايد: نور توها مسقطه
الجد فهد: ايه مات وهو في بطنها و باول الشهور هذه من تربيتك المعنفه يعني كايد حتى ولده ماقدر يحافظ عليه بيحفظ زوجته؟
ابو نور: لا يا عمي ترا كايد رجال و النعم فيه و انا ما كنت بـ امن بنتي عنده اله لانه رجل من صلب رجل
قال ابو نور كلامه وهو خايف من نظرات ابو كايد الي كانت تطلع شرار شوي و وقف ابو كايد: تسلم يا بوي
و مشى تارك ابو نور و الجد فهد مشى و الدخان يطلع مع راسه دخل غرفته وهو يصفق الباب فزت ام كايد و الي كانت على سجادتها
ام كايد: محمد عسى ماشر شفيك!
قعد ابو كايد على السرير و قال: مافيني شي
ام كايد: متاكد؟...ترا وجهك يقول عكس كلامك
ابو كايد: وش تبيني اقول لتس! عن سواد وجه ولدتس؟!!
ام كايد: مين! وش فيه
ابو كايد: الحين كايد كم له متزوج!
ام كايد: خمسه سته شهور
ابو كايد: و خالس فهد العزيز جاي بستهين بتربيتي لـ كايد لانه له فتره متزوج و للحين ماشافو منه شي
ام كايد: بس نور توها فقدت جنينها حرام عليه يبيها تحمل مره ثانيه!
ابو كايد: نفس كلامي بالضبط تردين وش قال لي!.... هذه من تربيتي المعنفه كايد حتى ولده ماقدر يحافظ عليه
ام كايد: طيب خلاص اذكر الله
ابو كايد: الف من ذكره بس والله ثم والله اني لا اربي ولدتس ذا و اعلم خالس تربيتي وش تسوي!
ام كايد وهي تصب كاس المويه و تعطيه لابو كايد: مايصير خاطرك اله طيب
ابتسم ابو كايد وهو يناظر ام كايد طالما كان يحبها بس مايقدر يعبر عن حبه اتجاها... طول عمره يشوف الحب ضعف و مقولته الشهريه الضعف و محمد خطوط متوازية لا تلتقي! يحبها بس مستحيل يقول هالشي لها او يعبر لها يشوفها تهتم فيه و من عيونها يقرا حبها له؛ نزل الكاسه و قال
ابو كايد: اتصلي على كايد خليه يطلع ابي اكلمه هو و زوجته بموضوع
ام كايد مسكت جوالها و قالت: ابشر يابو كايد
رفعت السماعه على كايد
___________________
عقد حواجبه بانزعاج فتح عيونه على خفيف و شاف نور بين احضانه نايمه نومه عمييقه بعد يوم طويل بينهم مسك راسها وهو يحضنها سحب جواله و قال بصوته الثقيل: الو
ام كايد: الو هلا ياولدي وينك ابوك و جدك يسالون عنك من الظهر
عقد كايد حواجبه و قال: ليه كم الساعه
ام كايد: 9:41
فز كايد و قال: راحت علي الصلاه!
ام كايد: ماشاءالله عليك حتى صلاه ما صليت!
كايد: راحت علي نومه
ام كايد: استغفرالله يلا معذور عند ربك و ملائكتك ما تكتب لك بس قوم صلي و اطلع ابوك يبيك بموضوع انت و زوجتك
ابتسم كايد وهو يمسح على راس نور و يتامل نومتها: ان شاءلله يما تامرين امر
ابتسمت ام كايد: يلا
انقطع الخط بينهم و رمى كايد جواله وهو يخلخل اصابعه بشعر نور
كايد: نور.. نوور
عقدت نور حواجبها و قالت: همم
كايد: عاجبتس النومه
نور شدت على كايد وهي تدفن راسها بحضنه
ضحك كايد و قال: يلا عاد ابوي يبينا
نور بنعاس : خله ينتظر
كايد: لا يشيخه قومي بس قومي
قامت نور وهي مغمضه عيونها : اففف
كايد: قومي تروشي خلي النوم يطير
انسدحت نور على السرير و قالت بكسل: يلا بس انت اسبقني وانا بجي وراك
كايد بصدمه : ايش!!
ضحك كايد لما شافها نامت سحب منشفته و دخل يتروش و بعد ما خلص لف المنشفه على خصره و طلع شاف نور للحين نايمه
كايد: نووور و بعدين مع النوم
قرب كايد منها و مسك خصرها وهو يشيلها: نور
تعلقت نور برقبه كايد و باست خده و قالت: خلاص يا بابا قلت لك خمس دقايق
شد كايد عليها و قال: والله انا ودي لو نرجع بالزمن و نعيشه من جديد خمس دقايق
عقدت نور حواجبها لثواني تستوعب كلامه و تفتح عيونه وهي تدف كايد: لا ابعد عني!
فز كايد وهو يمسك نور و قال وهو يضحك: انتبهي ترا امزح
نور: من يومك مزحك ثقيل
كايد: اقول بس يلا ابوي ينتظر
اخذت نور نفس عميق وقالت: طيب نزلني
كايد: كنت انتظرتس ماجيتي وراي
نور: ايش؟
ضحك كايد: ولاشي
نور: كايد مو وقتك
نزل كايد نور الي مجرد وقفت على الارض تمسكت بـ كايد من جديد وهي تمسك بطنها
نور: اخخ
كايد: بسم الله عليتس شفيتس
نور: ولاشي
ابتسم كايد لما شاف نور ماسكه بطنها و قال: هلا بك يا ايهاب
نور: ايهاب؟... مين ايهاب؟
كايد: محد... تقدرين توقفين
نور: ايه بس
و بعدت عن كايد وهي تتمسك بالسرير
ضحك كايد و قال: اوعدس المره الجايه اكون حنون معتس
نور مسكت المخده و رمتها عليه: لا يشيخ؟
ضحك كايد و هو يشوف نور تمشي بصعوبه و دخلت الحمام بعد ما اخذت منشفتها
اخذ كايد نفس عميق وهو يلبس ثوبه الكحلي سحب شماغه البيج وقف قدام المرايا وهو يلفه على راسه؛ طلعت نور من الحمام بعد ما تروشت و لبست الروز حقها مشطت شعرها و لبست عبايتها و خطت شعرها و قالت: يلا؟
كايد: دقيقه ايش هذه الي على خدس؟
نور وهي تمسك خدها قالت: ايش؟؟
قرب لها كايد وهو يمسك خدها و سحبها وهو يبوس خدها
فزت نور و قالت وجهها احمر: وجع!
ضحك كايد و قال: يالبيه بس
نور: اقول بس امشي قبل لا يعصب علينا بو كايد
كايد: لا مايعصب مايعصب خليه ينتظر
نور: كااايد!
ضحك كايد: امشي
مشو مع بعضهم متوجهين الى مجلس ابو كايد دخل كايد و وراه نور
كايد: سمّ يبا
ابو كايد: تعال اقعد... نور روحي عند امتس
ناظرت نور كايد لثواني و صدت وهي تمشي
كايد: عسى ماشر يبا وش صاير
ابو كايد: عسى ماشر؟... ربي عطاك من الوقت 6 شهور
عقد كايد حواحبه
ابو كايد: اذا ماشفت ضنا من زوجتك ذي نذر علي اني لا ازوجك
كايد: ايش؟؟ لا اشوف الوضع صار لعبه!
ابو كايد: وصلك العلم 6 شهور نور ما حملت وضحى بنت عمك موجوده
كان كايد يرجف بغضب يحاول يمسك اعصابه
كايد وهو يرص على اسنانه : مايصير خاطرك اله طيب يبا
ابو كايد: ماتمشي غير بالعين الحمرا...قوم اذلف عن وجهي.. قوم!
شد كايد على يده وهو يقوم و مشى متوجه إلى الغرفه وقف عند باب المطبخ لما لمح نور واقفه و تضحك مع الجده اعتدال اخذ نفس عميق وهو يزفره بقهر مشى متوجه للغرفه و اخذ مفاتيح سيارته و طلع متوجه إلى الطعوس مكانه المعتاد عشان يفرغ غضبه وقف فوق أحدا الجبال الرمليه الي كانت شبه طويله نزل مع على سيارته و جلس على الرمل يهوجس و يفكر بكلام ابوه متلثم بغترته و يحس الدنيا سوده بوجهه يحس انه لعبه بيد ابوه و جده كل شوي واحد يبي يزوجه اخذ نفس عميق وهو يزفره بقهر فتح جواله و ضغط على رقم راجس
راجس :ياهلااا بالفريق كايد
كايد بصوت واضح عليه الضيق :هلا راجس وينك فيه
راجس:بالبيت أمرني؟
كايد :برسلك موقعي و تعال
راجس:عسى ماشر ليه؟
كايد :ابد قاعد لحالي بهالطعوس و طريت على بالي
راجس:اوهه عاد تصدق من زمان عن قعده الطعوس
كايد :اجل انتظرك
راجس :دقايق وانا عندك
انقطع الخط بينهم و نزل كايد جواله و قعد بين افكاره و هواجيسه
________________
في بيت ابو كايد مشت نور للجلسه الخارجيه الي قعد فيها الكل
الجد فهد:اله يا نور وين كايد؟
نور:مدري كان مع خالي و بعدها ماعاد شفته
حسين:كاني انا شفته طالع الله اعلم وش عنده
لجين:اكيد دوامه تفكره زيك عاطل
حسين:تسكتين ولا بهاذي الدله
لجين:تخسى وانا اخت كايد
لمياء :حي والله هالعين ياخت كايد.
حسين: ماشاءالله الخوات كلهم اتفقوا علي
ام كايد :اله ياولدي ياحسين وش صار على وظيفتك متى بتروح
حسين :بكرا بمشي
الجد فهد :تمشي وين تروح
حسين:ياجد انا وظيفتي بالأحساء
الجد فهد :الله اكبر الأحساء! والله انت بلاك يوم انك تركت العسكريه
همس حسين :والله الحمدلله اني تركتها
العمه ايمان :ماشاءالله تبارك الله الله يوفقك ياولدي
ابتسم حسين:الله يسعدس ياعمه
نوف :تروح و ترجع بالسلامه مقدما
هنوف:ومني نفس الشي
حاول حسين يخفي ابتسامه الفاضحه لمشاعره و قال :الله يسلمكم مقدما
ام كايد :انتبه لنفسك ياولدي هاه
الجد فهد :ترا رجال طول بعرض وش الي انتبه لنفسك
لجين :صدق حسوني اذا رحت هناك ماراح يكون عندك خوات يطبخون لك آخر اليل
لمياء :اي والله فكه الحمدلله وظيفتك بالأحساء
ام كايد:بنت! انتي وياها هذه كلام تقولونه لـ اخوكم
حسين:خليهم بكرا يتحسفون
لجين : ما اتوقع هالشي
ضحكت هنوف و شوي و التفت على نور الي كان ماسكه جوالها و ملامحها ما تمزح
هنوف:نور؟ شفيك
كانت نور مركزه بجوالها و ما انتبهت لهنوف
بفضول من هنوف رمت عينها بجوال نور و عقدت حواجبه لما شافت الرسايل الكثيره ترسل لـ كايد تسأل عنه و واضح الانفعال عليها
_______________
عند كايد الي التفت اول ما شاف ضوء سياره راجس وقف وهو يتقدم و يسلم عليه قعدو مع بعض
راجس :وش بلاك؟
كايد :اهخخ وش تبيني اقولك
راجس :السالفه بختصار؟
اخذ كايد نفس عميق وهو يزفره بقهر و يحكي لـ راجس عن كلام ابوه و انه يبي يزوجه اذا زوجته ما حملت خلال ال ٦ شهور الجايه
راجس :اسف بس ابوك منجده يبي يزوجك للمره الثانيه بعدم رغبه منك ونت اساس ما تحب لا الاولى ولا راح تتقبل الثانيه
كايد: و مين قال لك اني ما احب حرمي.
راجس:ايش!
رفع كايد راسه يتأمل النجوم قال
كايد:ماشي بدرب الوحده مادريت عن درب العشاق ولا لي فيه و فجأ اشوف نفسي بوسط
محطات العشق احكي و اسولف عن قصة طفل كان و صار هالعاشق الي يمشي بدروب المحبين ضايع مايدري وين دربه
راجس :مدري وش اقولك يابو محمد بس الله يهون حالك
اخذ كايد نفس عميق و قال: اللهم امين
عقد راجس حواجبه لما طاحت عينه على جوال كايد يشوف الاشعارات ورا بعض
راجس: اهلك يدرون عنك انك طالع
كايد: وش يعني
راجس: اسف و ادري انها خصوصيه بس اشعارات جوالك ورا بعض
رفع كايد جواله و شاف رسايل نور الي كانت فوق ال 20 رساله
كايد: افف انا برجع البيت
راجس: يلا انتبه لنفسك
كايد: على هالخشم
راجس: عليه الشحم
وقف كايد وهو يمشي متوجه لسيارته ركب و مشى متوجه لبيت ابو كايد ما كان يبي يقابل ابوه و دخل من المدخل الخلفي و على غرفته علطول دخل و شاف الغرفه ظلااام و بارده شغل كايد الاضائه الخفيفه و هو ينزل اغراضه و نزل ثوبه وهو ينسدح على السرير قرب كايد لنور الي كانت شبه نايمه فتحت نور عيونها و التفت على كايد
نور: حمدالله على السلامة... وين كنت
كايد: طلعت اشم هوا
نور: بدون لا تقول لي؟
كايد: اسف ياعيون كايد
نور: وش قال لك خالي
سكت كايد لثواني و قال: ولاشي
مسك خصرها و سحبها اتجاهه و ضمها و قال: نامي نامي تصبحين على خير
حضنته وقالت: المره الجايه لا تطلع بدون علمي
كايد: حاضر سيده نور
_________________
بنسوي سكب بسيط بعد يومين
مشى حسين متوجه للمزرعه عقد حواجبه لما لمع نوف قاعده قدام البركه الصغيره مشى حسين من وراها بهدوء
حسين: نوف؟
فزت نوف و قالت: حسين!
حسين: وش مقعدس هنا
نوف: اممم بس كذا... و انت
حسين: جيت اودع المزرعه
نوف: اليوم بتمشي
حسين: ايه
نوف بدون لا تزكر بكلامها: بشتاق لك
حسين عقد حواجبه و قال :  تشتاقين لي؟
نوف: هاه.. ء قصدي انو بنشتاق لك و لوجودك معنا و كذا يعني
حسين: اها والله حتى انا بشتاق لكم
نوف: متى بتمشي
حسين: الحين بطلع بس بودع اهلي
ناظرها حسين و انتبه لعيونها الي كانت تلمع و دموعها على طرف رموشها
حسين: نوف!
ناظرته نوف وهي تحاول تمسك دموعها بس خانتها الدمعه و نزلت
حسين مسح دمعتها و مسك وجهها: لا لا لا ليه تبكين
نوف: ولاشي
حسين: في شي مضايقتس؟
نوف: ايه
حسين: وش هو
نوف: رحيلك
كان يناظر بنوف يحاول يستوعب كلامها
وقفت نوف وهي تقول: على العموم تروح و ترجع بالسلامه
مشت نوف
حسين: نوف!
وقفت نوف و التفت تناظر بحسين الي تقدم وهو يوقف قدامها بالضبط مسك خاتمه الاسود و اعطه لنوف
حسين: بكل مره تشوفين هالخاتم تذكريني و..
قرب لها يمسح دموعها
حسين: توعديني ماتبكين مره ثانيه
ابتسمت نوف بخجل من قرب حسين مسكت الخاتم وهي تحضنه بين كفوف يدها ابتسم حسين لما شاف نوف تفك السلسال حقها و تعطيه لحسين و قالت
نوف: ونت نفس الشي اذا شفت هالسلسال تذكرني
ابتسم حسين وهو ياشر على خشمه و قال: على هالخشم
مسكه حسين وهو يحطه بجيبه
_________________________
في الجلسه الخارجيه
الجد فهد: اله يا خوله وين حسين مشى!؟
ام كايد: لا ما مشى بس مدري وينه يمكن يجهز اغراضه
الجد فهد: بهاء قوم نادي حسين
التفت ابو كايد و قال: ماله داعي هذه هو
مشى حسين يسحب شنطه السفره حقته الي كانت تحتوي على كل اغراضه
حسين: استودعتكم الله ياهلي انا ماشي
الجد اعتدال: ياحبيبي انت انتبه لنفسك و لا تسرع بالخط
حسين وهو ياشر على خشمه : على هالخشم
ابو كايد: هالله هالله بصلاتك
الجد فهد: انتبه لنفسك و لا تنسى انت رايح هناك تشتغل مو رايح للمصايب
حسين: ان شاءلله ياجد لا تشيل هم
ام كايد: تروح و ترجع بالسلامه ياعيون امك
حسين: الله يسلمك
لجين: عاد بالاحساء شوف لك خوات يطبخون لك تالي اليل
حسين: ترا حياتي مو موقفه على حسكم
لمياء: ايه واضح... نشوف بعدين مين الي بيتصل بعز اليل على الثاني
ابو كايد احتد صوته : تسكتون ولا والله
العمه ايمان: شدعوه يامحمد خلهم اخوان بينهم و بين بعضهم...و ياحسين انتبه لنفسك ياعمتك
ابتسم حسين وهو يناظر للعمه ايمان و مشى و قبل لا يطلع ناظر بـ نوف النظره الاخيره و مشى تارك اهله و ديرته متوجه الى واحه الاحساء
_____________________
عند كايد الي كان قاعد بمكتبه
كايد: تفضل
دخل راجس بعد ما دق الباب دق التحيه
كايد: استرح
راجس: هاه وش صار معك فكرت وش بتسوي
كايد: احنا الحين بوقت العمل
راجس: طيب؟
كايد: حياتي الخاصه لها وقتها
راجس: اها طيب حضره الفريق استئذنك
كايد: اذنك معك
مشى راجس مستغرب كايد الي امس كانت الدنيا كلها سوده بوجهه و الحين بكل برود الارض يقول له انو وقت عمل و ماراح يفكر بحياته الخاصه
_________________
عند البنات
مشت هنوف وهي تنسدح على فخذ اختها نور
هنوف: نوووري بموت ابي شوكولاتة
نور: يامي انتي خلصي الشوكولاتة الي بكره الارضيه خلاص
هنوف: لاااا ابي شوكولاتة الحييين
نور: استغفرالله العظيم
لجين وهي ترتب كتب الجامعه: شفيكم
هنوف: يخي ابي شوكولاتة الحييين
لجين:طيب قومي مع لمياء بتطلع الشوق و مره وحده و اشتري شوكولاتة
هنوف: مالي خلق اطلعع
لجين: يابوك يا التذمر تقومين ولا اهبدك بـ ذا الملزمه
دخلت لمياء و هي لابسه عبايتها: انا رايحه السوق احد يبي شي
لجين: خذي هنوف معتس
لمياء: يلا هنوف امشي
قامت هنوف بتذمر وهي تمشي مع لمياء تلبس عبايتها
هنوف: بروح اخذ فلوس من ابوي
لمياء: يلا
مشت هنوف بهدوء وهي تجلس جنب ابوها
هنوف: باباتي
التفت ابو نور: عيوني
ابتسمت هنوف: ابي فلوس
ابو نور: ليه يابابا
هنوف: بطلع مع لمياء و بشتري شوكولاتة
ابتسم ابو نور يطلع البوك حقه و يطلع ١٠٠ ريال و يعطيها لهنوف الي ابتسمت و قالت:الله لا يحرمني منك يا اطلق بابا. بالدنيا
ابو نور: ولا منك ياعيون بابا انتي... يلا قومي و انتبهي لنفسك
ابتسمت هنوف و مشت متوجه ل لمياء و طلعو مع بعض متوجهين للسوق
(انتهى البارت العشرون)